Cookinselen
| Cookinselen | |
|---|---|
_(Polynesia_centered).svg) Lag vum Land | |
| Allgemeng Informatiounen | |
| Offiziell Sprooch | Englesch, Rarotonganesch |
| Haaptstad | Avarua |
| Koordinate vun der Haaptstad |
15° 0’ 0’’ S 161° 0’ 0’’ W |
| Staatsform | Territoire a fräier Associatioun mat Néiséiland dee sech selwer verwalt |
| Staatsleedung | |
| Monarch vun Neiséiland | Charles III. |
| Premierminister vun de Cook-Inselen | Mark Brown |
| Geographie a Bevëlkerung | |
| Fläch | 240,0 km² |
| Bevëlkerung | 14.222 (2023) |
| Geschicht a Staatssymboler | |
| Nationalhymn | God Save the King |
| Praktesch Informatiounen | |
| Zäitzon | UTC -10 |
| Internet-TLD | .ck |
| Internationalen Telefonsprefix | +682 |
_(souls_leave_for_Avaiki),_Rarotonga,_Cook_Islands.jpg) | |
D'Cookinselen (englesch Cook Islands, rarotonganesch Kūki 'Āirani; och nach: Cook-Archipel, Mangaia-Archipel, Herveyinselen) sinn en onofhängegen Inselstaat an enger „fräier Associatioun mat Neiséiland“ an en Archipel am südleche Pazifik. Se hunn eng Fläch vun 236,7 km² a 14.987 Awunner (Stand 2021), vun deenen déi meescht zum Vollek vun de Cook Islands Māori gehéieren. D'Haaptstad Avarua läit op der Insel Rarotonga. D'Cookinsele sinn den éischte Staat an deem d'Fraen an d'Wale gaange sinn.
Déi zwou offiziell Sprooche vun de Cookinsele sinn Englesch an zënter 2003 och Rarotonganesch. Do dernieft gëtt och nach Pukapukanesch, Penrhyn a Rakahanga-Manihiki geschwat.
Territoire a Geographie
[änneren | Quelltext änneren]D'Cookinsele bestinn aus 15 Insele mat enger Landfläch vun 236,7 km² déi sech an zwou Gruppen opdeelen.
- d'südlech Grupp (an der Sprooch vun de Māori Te pa enua i raro nei) mat der Haaptinsel Rarotonga an den Insele resp. Inselgruppen Aitutaki, Atiu, Mangaia, Manuae, Mauke, Mitiaro, Palmerston an Takutea;
- d'nërdlech Grupp (fréier och Manihikiinselen oder Roggeveen-Archipel; an der Sprooch vun de Māori Te pa enua tokerau) mat den Insele Manihiki, Nassau, Penrhyn, Pukapuka, Rakahanga a Suwarrow.
Bei den Inselen am Norden handelt et sech haaptsächlech ëm Atollen déi wéinst Koralleriffer schwéier zougänglech sinn. Déi aner Insele si vu vulkaneschem Urspronk a bis iwwer 600 Meter héich. Se hunn eng üppeg Vegetatioun mat ë. a. Kokospalmen, Broutbeem a Pisang.
Um Spaweck
[änneren | Quelltext änneren] |
Commons: Cookinselen – Biller, Videoen an Audiodateien |