ಯೆಮನ್
ಯೆಮೆನ್- ಅಧಿಕೃತವಾದ್ ಯೆಮೆನ್ ಗಣರಾಜ್ಯ- ಪಶ್ಚಿಮ ಏಷ್ಯಾಡ್ ಇಪ್ಪುನ ಒಂಜಿ ದೇಶ. ತೆಂಕಾಯಿ ಅರೇಬಿಯಾಡ್ ಇಪ್ಪುನ ಈ ದೇಸೊದ ಬಡಕಾಯಿಗ್ ಸೌದಿ ಅರೇಬಿಯಾ, ಈಶಾನ್ಯಗ್ ಒಮಾನ್, ಮೂಡಾಯಿಗ್ ಅರಬ್ಬಿ ಸಮುದ್ರ, ತೆಂಕಾಯಿಗ್ ಏಡನ್ ಕೊಲ್ಲಿ, ಬೊಕ್ಕ ಪಡ್ಡಾಯಿಗ್ ಕೆಂಪು ಸಮುದ್ರಲು ಉಲ್ಲ. ಉಂದು ಹಾರ್ನ್ ಆಫ್ ಆಫ್ರಿಕಾದ ಅಂಚಿಡ್ ಇಪ್ಪುನ ಜಿಬೌಟಿ, ಎರಿಟ್ರಿಯಾ, ಬೊಕ್ಕ ಸೊಮಾಲಿಯಾದ ಒಟ್ಟುಗುಲಾ ಜಲ ಗಡಿಕ್ಲೆನ್ ಪಟ್ಟೊಂದುಂಡು. ೪,೫೫,೫೦೩ ಚದರ ಕಿಲೋಮೀಟರ್ ಜಾಗೆಡ್ ಪರಡ್‌ದಿಪ್ಪುನ ಯೆಮೆನ್ ದೇಸೊಗು, ಸುಮಾರು ೨,೦೦೦ ಕಿಲೋಮೀಟರ್ ಉದ್ದೊದ ಕಡಲಬರಿ ಉಂಡು. ಅರೇಬಿಯನ್ ಪರ್ಯಾಯ ದ್ವೀಪೊಲೆಡ್ ಇಪ್ಪುನ ದೇಸೊಲೆಡ್, ವಿಸ್ತೀರ್ಣನ್ ಲೆಕ್ಕ ಪತ್ತಿಂಡ್ ಯೆಮೆನ್ ರಡ್ಡನೇ ಮಲ್ಲ ದೇಶ ಬೊಕ್ಕ ಜನಸಂಖ್ಯೆದ ಲೆಕ್ಕೊಡುಲಾ ರಡ್ಡನೇ ಮಲ್ಲ ದೇಶ ಆದುಂಡು.[1] ಸನಾ ಉಂದೆತ ರಾಜಧಾನಿ ಬೊಕ್ಕ ಅತಿ ಮಲ್ಲ ನಗರ. ಯೆಮೆನ್‌ದ ಜನಸಂಖ್ಯೆ ೩.೪೭ ಕೋಟಿ ಉಂಡು. ಮುಲ್ಪ ಮುಕ್ಕಾಲ್ವಾಸಿ ಜನಕುಲು ಮುಸ್ಲಿಂ ಅರಬೆರಾದ್ ಉಲ್ಲೆರ್.
ಕಿನ್ಯ ಇತಿಹಾಸೊ
[ಸಂಪೊಲಿಪುಲೆ]ಯೆಮೆನ್ ೭,೦೦೦ ವರ್ಷೊರ್ದುಲಾ ಜಾಸ್ತಿ ಸಮಯೊರ್ದು ಮಸ್ತ್ ನಾಗರಿಕತೆಲೆದ ಒಂಜಿ ಪ್ರಮುಖ ಸಂಗಮ ಸ್ಥಾನ ಆತ್ಂಡ್. ಸಬಯನ್ ಅರಸುವಂಸೊದ ಸುಲ್ತಾನೆರ್ ಮುಲ್ಪ ಮಲ್ಲ ಬ್ಯಾರೊದ ಸಾಮ್ರಾಜ್ಯನ್ ಉಂಡು ಮಲ್ತೆರ್.[2][3][4] ಕ್ರಿಸ್ತ ಶಕ ೨೭೫ಡ್ದ್ ಬೊಕ್ಕ ಮುಲ್ಪ, ಹಿಮ್ಯಾರ್ ಸಾಮ್ರಾಜ್ಯ ಬತ್ತ್ಂಡ್, ಉಂದು ಇತ್ತೆದ ಯೆಮೆನ್‌ದ ಮುಕ್ಕಾಲ್ವಾಸಿ ಜಾಗೆಡ್ ಪರಡ್‌ದಿತ್ತ್ಂಡ್ ಬೊಕ್ಕ ಯಹೂದಿ ದರ್ಮೊನು ಎಚ್ಚ ನಂಬುದಿತ್ತಿನ ಒಂಜಿ ಅರಸುವಂಸೊ ಆದಿತ್ತ್ಂಡ್.[5]
ಉಲ್ಲೇಕಲು
[ಸಂಪೊಲಿಪುಲೆ]- ↑ McLaughlin, Daniel (1 February 2008). Yemen. Bradt Travel Guides. p. 3. ISBN 978-1-84162-212-5. Archived from the original on 2 July 2020. Retrieved 11 March 2017.
- ↑ Burrowes, Robert D. (2010). Historical Dictionary of Yemen. Rowman & Littlefield. p. 319. ISBN 978-0-8108-5528-1.
- ↑ St. John Simpson (2002). Queen of Sheba: treasures from ancient Yemen. British Museum Press. p. 8. ISBN 0-7141-1151-1.
- ↑ "The kingdoms of ancient South Arabia". British Museum. Archived from the original on 4 May 2015. Retrieved 22 February 2013.
- ↑ Yaakov Kleiman (2004). DNA & Tradition: The Genetic Link to the Ancient Hebrews. Devora Publishing. p. 70. ISBN 1-930143-89-3.