Wikipedia:Efemerida/26 Martsa

Androany 26 marsa:

Oniversiten'i Utrecht

• 1989 – Fifidianana ankapobeny voalohany notontosaina tao amin'ny Firaisaina Sovietika. Miisa 190 tapitrisa ny mpifidy. Nandresy tamin'ny fifidianana i Boris Yeltsin.

• 1979 — Egypta no firenena arabo voalohany nankatoa amin'ny fomba ofisialy an' Israely, tamin'ny alalan'ny soniam-pandriampahalemana tao Camp David.

• 1971 - Nanambara ny fahaleovantenany manoloana an'i Pakistan i Bangladesh, manamarika ny adim-pahaleovantenan'i Bangladesh.

• 1953 - Voarafitr'i Jonas Salk voalohany tao Etazonia ny vaksiny iadiana amin'ny lefakozatra.

• 1830 - Namoahan'i Joseph Smith, mpitarika ny Hetsika Olo-masin'ny Andro Farany tao Etazonia ny Bokin'i Môrmôna voalohany indrindra tao amin'ny Fanjakan'i New York.

• 1812 – Nandravarava ny tanànan'i Caracas, nahafatesana olona 20 000 ny fihovitrovitry ny tany.

• 1791 - Namaritan'ny Akademian'ny Siansa tao Frantsa ny iray metatra fandrefesana.

• 1636 – Fananganana ny Oniversiten'i Utrecht, iray amin'ny oniversite tranainy indrindra ao Pays-Bas sady iray amin'ny goavana indrindra ao Eoropa.

• 624 - Fankalazana voalohany indrindra ny Eid Al-Fitr