17. ágúst

Júl – Ágúst – Sep
Su	Má	Þr	Mi	Fi	Fö	La
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31
2026 Allir dagar

17. ágúst er 229. dagur ársins (230. á hlaupári) samkvæmt gregoríska tímatalinu. 136 dagar eru eftir af árinu.

Atburðir

• 682 - Leó 2. varð páfi.
• 1424 - Hundrað ára stríðið: Englendingar unnu sigur á stærri her Frakka í orrustunni við Verneuil.
• 1539 - Uppreisn hófst í Gent í Spænsku Niðurlöndum.
• 1544 - Háskóli var stofnaður í Königsberg, Prússlandi.
• 1560 - Mótmælendatrú var formlega tekin upp í Skotlandi.
• 1585 - Spánverjar náðu yfirráðum yfir Antwerpen og skipuðu öllum mótmælendatrúar að yfirgefa borgina.
• 1624 - Osló brann til kaldra kola. Eftir brunann var borgin flutt um set og nefnd Kristjanía í höfuðið á Kristjáni 4. konungi. Hún hélt því nafni allt fram að þriðja áratug tuttugustu aldar, en þá fékk hún aftur nafnið Osló.
• 1647 - Peter Stuyvesant var skipaður landstjóri Nýja-Hollands (sem síðar varð New-York-fylki.
• 1648 - Enski þingherinn vann afgerandi sigur á her Skota og enskra konungssinna í orrustunni við Preston.
• 1668 - Jarðskjálfti af stærð 8,0 varð í Tyrklandi, 8.000 létust.
• 1676 - Svíar unnu sigur á dansk-norska ríkinu við Halmstad.
• 1686 - Spánverjar gerðu árás á skoska landnemabæinn Stuarts Town í Suður-Karólínu.
• 1740 - Benedikt 14. (Prospero Lorenzo Lambertini) var kjörinn páfi.
• 1896 - Kona lét lífið í fyrsta umferðarslysi heimsins af völdum bifreiðar í London.
• 1924 - Antonio Locatelli, ítalskur flugmaður, kom til Reykjavíkur á flugbáti. Hann fór til Grænlands þann 21. ágúst ásamt Erik Nelson, sem fyrstur kom fljúgandi til Íslands.
• 1945 - Indónesía lýsti yfir sjálfstæði.
• 1946 - Valgerður Þorsteinsdóttir varð fyrsta íslenska konan til að ljúka einkaflugmannsprófi.
• 1960 - Gabon fékk sjálfstæði frá Frakklandi.
• 1961 - Hljómsveitin Bítlarnir hélt sína fyrstu tónleika í Hamborg.
• 1962 - Austurþýskir landamæraverðir skutu Peter Fechter til bana þegar hann reyndi að komast yfir Berlínarmúrinn.
• 1964 - Liverpool FC spilaði við KR á Íslandi og vann 5-0.
• 1965 - Sukarno forseti Indónesíu tilkynnti um útgöngu landins úr Heimsbankanum um leið og hann fordæmdi Víetnamstríðið.
• 1966 - Volvo kynnti nýja fjölskyldubílinn Volvo 144.
• 1969 - Fellibylurinn Camille gekk á land við Mississippi með þeim afleiðingum að 248 fórust.
• 1970 - Bandaríkin sökktu 418 taugagasgeymum í Golfstrauminn við Bahamaeyjar.
• 1970 - Sovéska könnunarfarinu Venera 7 var skotið út í geim.
• 1972 - Alþjóðadómstóllinn í Haag hafnaði röksemdum Íslendinga í landhelgismálinu.
• 1976 - 6000 manns létust á Mindanao á Filippseyjum eftir að jarðskjálfti olli flóðbylgju.
• 1977 - Sovéski ísbrjóturinn Arktika komst fyrstur skipa á Norðurpólinn.
• 1978 - Loftbelgurinn Double Eagle II náði til Miserey í Frakklandi og varð þar með fyrsti loftbelgurinn til að fljúga yfir Atlantshaf.
• 1980 - Heklugos hófst og stóð stutt, aðeins í nokkra daga. Aftur hófst stutt gos þann 9. apríl 1981 og er það talið framhald þessa goss.
• 1982 - Fyrstu geisladiskarnir fóru á markað í Þýskalandi með völsum eftir Chopin í flutningi Claudio Arrau.
• 1987 - Rudolf Hess fannst látinn í fangaklefa sínum í Spandau-fangelsinu.
• 1988 - Ítalska kvikmyndin Strike Commando 2 var frumsýnd.
• 1988 - Forseti Pakistans Muhammad Zia-ul-Haq og sendiherra Bandaríkjanna Arnold Raphel létust í flugslysi.
• 1989 - Ali Akbar Hashemi Rafsanjani var kjörinn forseti Írans með miklum meirihluta.
• 1989 - Kenos Aroi varð forseti Nárú.
• 1993 - Almenningi var í fyrsta sinn hleypt inn í Buckingham-höll í London.
• 1995 - Sænski táningurinn John Hron var barinn til bana af fjórum nýnasistum á táningsaldri.
• 1996 - Skáldsagan Fight Club eftir Chuck Palahniuk kom út.
• 1997 - Íslenska kvikmyndin Blossi/810551 var frumsýnd.

• 1998 - Fjármálakreppan í Rússlandi 1998 hófst.
• 1999 - Jarðskjálfti reið yfir héraðið İzmit í Tyrklandi með þeim afleiðingum að yfir 17.000 fórust.
• 2006 - Danska fríblaðið 24timer hóf göngu sína.
• 2010 - Bandaríkin og Suður-Kórea hófu heræfinguna Ulchi Freedom Guardian.
• 2013 - Harðangursbrúin í Noregi var opnuð fyrir umferð.
• 2015 - 20 létust og 124 særðust þegar sprengja sprakk í Erawan-helgidómnum í Bangkok í Taílandi.
• 2017 - Hryðjuverkaárásirnar í Katalóníu 2017: Maður ók sendiferðabíl inn í mannfjölda á Römblunni í Barselóna með þeim afleiðingum að 13 létust.
• 2022 - Tyrkland og Ísrael tóku aftur upp stjórnmálasamband.

Fædd

• 317 - Constantius 2. Rómarkeisari (d. 361).
• 1473 - Ríkharður hertogi af York, annar prinsanna í Turninum (d. 1483).
• 1601 - Pierre de Fermat, franskur stærðfræðingur (d. 1665).
• 1603 - Lennart Torstenson, sænskur herforingi (d. 1651).
• 1629 - Jóhann 3. Sobieski, Póllandskonungur (d. 1696).
• 1786 - Davy Crockett, bandarískur landkönnuður og veiðimaður (d. 1836).
• 1819 - Jón Árnason, íslenskur þjóðsagnasafnari (d. 1888).
• 1842 - Hugo Hørring, danskur forsætisráðherra (d. 1909).
• 1844 - Menelik 2. Eþíópíukeisari (d. 1913).
• 1875 - Knud Zimsen, borgarstjóri Reykjavíkur (d. 1953).
• 1887 - Reginald Hackforth, enskur fornfræðingur (d. 1957).
• 1887 - Marcus Garvey, jamaískur aðgerðasinni (d. 1940).
• 1887 - Karl 1. Austurríkiskeisari (d. 1922).
• 1889 - Gísli Jónsson, alþingismaður. (d. 1970).
• 1896 - Jón Magnússon, íslenskt skáld (d. 1944).
• 1901 - Heðin Brú, færeyskur rithöfundur (d. 1987).
• 1904 - Helga Sigurðardóttir, skólastjóri Húsmæðrakennaraskóla Íslands og matreiðslubókahöfundur (d. 1962).
• 1923 - Ragnar Kjartansson, íslenskur myndhöggvari (d. 1988).
• 1926 - Jiang Zemin, leiðtogi Alþýðulýðveldisins Kína (d. 2022).
• 1930 - Ted Hughes, breskt skáld (d. 1998).
• 1932 - V.S. Naipaul, indverskur rithöfundur og Nóbelsverðlaunahafi (d. 2018).
• 1936 - Margaret Hamilton, bandarískur tölvunarfræðingur.
• 1943 - Robert De Niro, bandarískur leikari.
• 1951 - Robert Joy, bandarískur leikari.
• 1953 - Herta Müller, rúmenskur rithöfundur.
• 1957 - Ellert Ingimundarson, íslenskur leikari.
• 1960 - Sean Penn, bandarískur leikari.
• 1962 - Björn Ingi Hilmarsson, íslenskur leikari.
• 1966 - Arnhildur Valgarðsdóttir, íslenskur píanóleikari.
• 1968 - Anthony E. Zuiker, bandarískur kvikmyndagerðarmaður.
• 1969 - Christian Laettner, bandarískur körfuknattleiksmaður.
• 1977 - Thierry Henry, franskur knattspyrnumaður
• 1990 - Kristjana Arnarsdóttir, íslensk dagskrárgerðarkona.

Dáin

• 1657 - Robert Blake, enskur flotaforingi (f. 1599).
• 1673 - Regnier de Graaf, hollenskur læknir (f. 1641).
• 1786 - Friðrik 2. Prússakonungur (f. 1712).
• 1852 - Sveinbjörn Egilsson, rektor, skáld og þýðandi (f. 1791).
• 1880 - Ole Bull, norskur fiðluleikari (f. 1810).
• 1945 - Sigurður Thorlacius, skólastjóri og fyrsti formaður BSRB (f. 1900).
• 1955 - Fernand Léger, franskur myndlistarmaður (f. 1881).
• 1969 - Ludwig Mies van der Rohe, þýskur arkitekt (f. 1886).
• 1987 - Rudolf Hess, varamaður Adolfs Hitlers í Þýskalandi nasismans (f. 1894).
• 2000 - Robert R. Gilruth, bandarískur geimferðastjóri (f. 1913).
• 2010 - Francesco Cossiga, forseti Ítalíu (f. 1928).