26. júlí

Jún – Júlí – Ágú
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
2026 Allir dagar

26. júlí er 207. dagur ársins (208. á hlaupári) samkvæmt gregoríska tímatalinu. 158 dagar eru eftir af árinu.

Atburðir

• 1139 - Portúgal lýsti yfir sjálfstæði frá konungsríkinu León.
• 1847 - Líbería lýsti yfir sjálfstæði.
• 1866 - Stríð Prússlands og Austurríkis: Friðarsáttmáli var undirritaður í Nikolsburg.
• 1887 - Ludwik Zamenhof gaf út fyrstu bókina um fyrirhugaða tungumálið Esperanto (á rússnesku).
• 1936 - Pétur Eiríksson, 19 ára synti frá Drangey til lands, svokallað Grettissund. Þegar hann var 9 ára gamall gekk hann við hækjur.
• 1945 - Úrslit voru tilkynnt í bresku þingkosningunum sem fram höfðu farið 5. júlí (töfin var að mestu leyti vegna þess að flytja þurfti atkvæði frá breskum hermönnum víða um heim til heimalandsins). Verkamannaflokkurinn vann stórsigur og Winston Churchill fór frá völdum.
• 1951 - Á Siglufirði var haldið fyrsta vinabæjamót á Íslandi á vegum Norræna félagsins.
• 1951 - Bandaríska teiknimyndin Lísa í Undralandi var frumsýnd.
• 1952 - Farouk Egyptalandskonungur sagði af sér og Fuad sonur hans tók við.
• 1953 - Vígð var 250 metra löng brú á Jökulsá í Lóni. Hún var þá næstlengsta brú landsins.
• 1953 - Byltingin á Kúbu hófst með því að Fidel Castro og menn hans gerðu misheppnað áhlaup á Moncada-herstöðina.
• 1959 - Eyjólfur Jónsson sundkappi synti frá Kjalarnesi til Reykjavíkur, um 10 kílómetra leið. Sundið tók um fjóra og hálfa klukkustund.
• 1959 - Tólf menn slösuðust í fjöldaslagsmálum á dansleik á Siglufirði, en þar lágu á annað hundrað skip inni vegna brælu.
• 1963 - Harður jarðskjálfti varð í Skopje í Júgóslavíu (nú í Lýðveldinu Makedóníu). 1100 manns fórust í skjálftanum.
• 1971 - Appollo 15 var skotið á loft.

• 1983 - Einar Vilhjálmsson setti Íslandsmet í spjótkasti. Metið var sett á úrvalsmóti Norðurlanda og Bandaríkjanna og varð Einar sigurvegari.
• 1984 - David Lange varð forsætisráðherra Nýja Sjálands.
• 1989 - Robert Tappan Morris var dæmdur í þriggja ára skilorðsbundið fangelsi fyrir að hafa skrifað Morris-orminn.
• 1992 - Fyrsta teygjustökk á Íslandi var stokkið í tilefni af fimm ára afmæli Hard Rock Café.
• 1993- Miguel Indurain sigraði Tour de France-hjólreiðakeppnina.
• 1993 - Stjórn Kristilega demókrataflokksins á Ítalíu ákvað að leysa flokkinn upp.
• 2009 - Íslamistasamtökin Boko Haram hófu uppreisn í Bauchi-fylki í Nígeríu.
• 2016 - Sólarorkuknúna flugvélin Solar Impulse 2 lauk hringferð sinni um hnöttinn.
• 2018 - Yfir 100 fórust í skógareldum í Grikklandi.
• 2024 - Sumarólympíuleikarnir eru settir í París.

Fædd

• 1678 - Jósef 1., keisari hins Heilaga rómverska ríkis (d. 1711).
• 1739 - George Clinton, varaforseti Bandaríkjanna og fylkisstjóri New York (d. 1812).
• 1856 - George Bernard Shaw, írskt leikritaskáld og nóbelsverðlaunahafi (d. 1950).
• 1865 - Philipp Scheidemann, þýskur stjórnmálamaður (d. 1939).
• 1875 - Carl Jung, svissneskur sálfræðingur (d. 1961).
• 1893 - George Grosz, þýskur listmálari (d. 1959).
• 1893 - E.R. Dodds, breskur fornfræðingur (d. 1973).
• 1894 - Aldous Huxley, breskur rithöfundur (d. 1963).
• 1928 - Stanley Kubrick, bandarískur kvikmyndaleikstjóri (d. 1999).
• 1928 - Francesco Cossiga, forseti Ítalíu (d. 2010).
• 1939 - John Howard, ástralskur stjórnmálamaður.
• 1943 - Mick Jagger, breskur tónlistarmaður.
• 1945 - Helen Mirren, bresk leikkona.
• 1949 - Thaksin Shinawatra, taílenskur stjórnmálamaður.
• 1955 - Asif Ali Zardari, pakistanskur stjórnmálamaður.
• 1959 - Kevin Spacey, bandarískur leikari.
• 1959 - Hiroshi Soejima, japanskur knattspyrnumaður.
• 1962 - Sigga Beinteins, íslensk söngkona
• 1964 - Sandra Bullock, bandarísk leikkona.
• 1965 - Jimmy Dore, bandarískur uppistandari.
• 1973 - Sævar Helgason, íslenskur gítarleikari.
• 1975 - Liz Truss, forsætisráðherra Bretlands.
• 1980 - Jacinda Ardern, nýsjálensk stjórnmálakona.
• 1985 - Snævar Sölvi Sölvason, íslenskur leikstjóri.
• 1993 - Taylor Momsen, bandarísk leikkona.

Dáin

• 44 f.Kr. - Ptólemajos 14. (síðast minnst á lífi) (f. um 60 f.Kr.).
• 1330 - Evfemía af Pommern, drottning Danmerkur, kona Kristófers 2. (f. 1285).
• 1471 - Páll 2. páfi.
• 1506 - Anna af Foix, drottning Ungverjalands (f. 1484).
• 1668 - Hans Svane, danskur biskup og stjórnmálamaður (f. 1606).
• 1863 - Sam Houston, bandarískur stjórnmálamaður (f. 1793).
• 1924 - Guðmundur Thorsteinsson (Muggur), íslenskur rithöfundur og myndlistarmaður (f. 1891).
• 1925 – William Jennings Bryan, bandarískur stjórnmálamaður (f. 1860).
• 1925 - Gottlob Frege, þýskur stærðfræðingur, heimspekingur og rökfræðingur (f. 1848).
• 1952 - Eva Perón, argentínsk söngkona og forsetafrú (f. 1919).
• 1971 - Diane Arbus, bandarískur ljósmyndari (f. 1923).
• 1977 - Oskar Morgenstern, austurrískur hagfræðingur (f. 1902).
• 1984 - Ed Gein, bandarískur raðmorðingi (f. 1906).
• 2013 - Sung Jae-ki, suðurkóreskur mannréttindafrömuður (f. 1967).
• 2023 - Sinéad O'Connor, írsk tónlistarkona (f. 1966).