1539

Ár

1536 1537 1538 – 1539 – 1540 1541 1542

Áratugir

1521–1530 – 1531–1540 – 1541–1550

Aldir

15. öldin – 16. öldin – 17. öldin

Árið 1539 (MDXXXIX í rómverskum tölum)

Á Íslandi

Vor - Claus van der Marwitzen hirðstjóri kom til landsins og hafði fengið hjá konungi umboð yfir Viðeyjarklaustri og skyldi setjast þar að en sjá munkunum og ábótanum fyrir viðurværi.
Hvítasunnudagur - Diðrik frá Minden, fógeti, fór til Viðeyjarklausturs ásamt hirðstjóranum og lagði undir sig, rændi og ruplaði, rak munkana á brott og lýsti Viðey eign konungs. Það má telja upphaf siðaskiptanna á Íslandi.
10. ágúst - Diðrik frá Minden, var drepinn í Skálholti ásamt mönnum sínum. Hann var þá á austurleið til að taka undir sig eignir klaustranna í Þykkvabæ og Kirkjubæ.
Ögmundur Pálsson Skálholtsbiskup valdi Gissur Einarsson sem eftirmann sinn og sendi hann til Kaupmannahafnar að taka vígslu.
Helgi Höskuldsson ábóti í Þingeyraklaustri skikkaður til að fara í pílagrímsferð til Rómar vegna barneignar.
5. september - Erlendur Þorvarðarson lögmaður kvað upp dóm á Kópavogsþingi um að Diðrik frá Minden og þeir sem drepnir voru með honum skyldu teljast óbótamenn og þeir sem vegið höfðu að þeim sýknir saka.
9. nóvember - Háskólakennarar í Kaupmannahöfn gáfu út leyfi til að prenta mætti Nýjatestamentisþýðingu Odds Gottskálkssonar.

Fædd

Einar Sigurðsson í Eydölum, trúarskáld (d. 1626)

Dáin

Erlendis

12. janúar - Karl 5. keisari (Karl 1. Spánarkonungur) og Frans 1. Frakkakonungur undirrituðu Toledo-sáttmálann þar sem þeir samþykktu að gera ekki frekari bandalög við Englendinga.
9. febrúar - Fyrstu kappreiðarnar voru haldnar í Chester á Englandi.
19. apríl - Karl 5. keisari, fulltrúi kaþólikka gerði 15 mánaða vopnahlé við Philip Melanchthon, fulltrúa mótmælenda í heilaga rómverska ríkinu.
30. maí - Hernando de Soto lenti í Tampa Bay í Flórída með 600 manna lið. Hann leitaði að gulli og kom með svín í fyrsta sinn til Norður-Ameríku.
18. júlí - Ottómanar gerðu umsátur á virkið Castelnuovo í núverandi Svartfjallalandi. Eftir um 3 vikna bardaga sigruðu þeir spænskan her. Allt af 24.000 létust í átökunum.
10. ágúst - Frans 1. Frakkakonungur undirritaði Villers-Cotterêts-tilskipunina, réttarbót þar sem meðal annars var mælt fyrir um að öll opinber gögn í Frakklandi skyldu vera á frönsku.
17. ágúst - Uppreisn hófst í Gent í Spænsku Niðurlöndum.
4. september - Hinrik 8. Englandskonungur semur um giftingu sína og Önnu af Kleve.
15. desember - Í Nýja-Granada (núverandi Kólumbíu) barðist spænski nýlenduherrann Baltasar Maldonado með her sínum gegn frumbyggjum og hafði sigur að lokum.
Carta marina var prentað í Flórens, fyrsta kortið sem sýndi Norðurlöndin og þar með Ísland nokkuð ítarlega. Það var Svíinn Olaus Magnus sem gerði kortið.
Fyrsta prentsmiðjan í Norður-Ameríku var gangsett í Mexíkóborg.
Þurrkur, hungursneyð og plága varð í Henan, Kína.

Fædd

5. desember - Fausto Paolo Sozzini, ítalskur guðfræðingur (d. 1604).

Dáin

12. mars - Thomas Boleyn, jarl af Wiltshire, enskur stjórnmálamaður og faðir Önnu Boleyn (f. 1477).
1. maí - Ísabella af Portúgal, drottning Spánar og keisaraynja hins Heilaga rómverska ríkis, kona Karls 5. keisara (f. 1503).
7. maí - Guru Nanak Dev, upphafsmaður síkisma (f. 1469).