Agricultura
L'agricultura hè l'attività umana chì cunsiste à cultivà e piante è e spezie vegetale, fatta da l'agricultori. U so scopu principale hè di ottene prudutti da e piante, soprattuttu per l'alimentazione. In economia, l'agricultura face parte di u settore primariu.
Tradiziunalmente, l'agricultura cumprende a pruduzzione di risorze vegetale per l'alimentazione, sia direttamente sia indirettamente per via di l'allevamentu. À livellu scientificu è ghjuridicu, cumprende ancu a cultivazione di e piante, l'allevamentu d'animali è u sfruttamentu di e fureste.
Storia
[mudificà | edità a fonte]
L'agricultura hè nata circa 10 000 anni fà, à a fine di l'ultima glaciazione, in parechje regione di u mondu. Prima, l'omu era cacciadore è cuglidore. L'intruduzione di l'agricultura hà purtatu à cumunità sedentarie, paesi è cità. In u Medievu, l'arabi ani purtatu in Europa piante nove cum'è u risu, u cutone è l'agrumi. Dopu a scuperta di l'America sò ghjunti u granone, u pomu, a pumata è parechje altre.
Oghje
[mudificà | edità a fonte]L'agricultura moderna si basa sempre di più nantu à a meccanizazione, i fertilizanti è l'ingenieria genetica. Esiste ancu l'agricultura biologica è rigenerativa. In parechji paesi, l'agricultura ferma una fonte principale di sussistenza.