17 Oktober

17 Oktober is die 290ste dag van die jaar in die Gregoriaanse kalender (291ste in 'n skrikkeljaar). Daar volg nog 75 dae.

Gebeure

732 – Slag van Poitiers; Karel Martel verslaan die Islamitiese leër onder aanvoering van Abd-el-Rahman.
1346 – Koning David II van Skotland lei 'n inval teen Engeland tydens die Honderdjarige oorlog, maar word gevange geneem in die Slag van Neville's Cross.
1404 – Pous Innocentius VII volg Pous Bonifatius IX op as pous van die Rooms-Katolieke Kerk.
1544 – Gian Pietro Carafa (later Pous Paulus IV) word kardinaal-biskop van Albano.
1604 – Kepler se Ster: Die Duitse sterrekundige Johannes Kepler neem 'n uitsonderlike helder ster waar wat skielik in die Ophiuchus-konstellasie verskyn het.
1772 – Pous Clemens XIV sluit die Jesuïte-kollege Collegium Romanum onder druk van die Bourbon-prinse.
1777 – Amerikaanse Vryheidsoorlog: Die koloniale magte oorwin die Britte tydens die Slag van Saratoga.
1806 – Keiser Jacques I van Haïti sterf in 'n sluipmoordaanval naby Port-au-Prince.
1887 – The Star-dagblad verskyn die eerste keer in Johannesburg.
1961 - Witrenosters word hervestig in die Krugerwildtuin.
1968 – Die swart atlete Tommie Smith en John Carlos teken stomprotes aan teen rassediskriminasie in Amerika by die Olimpiese Spele in Meksiko.
1970 – Anwar Sadat word president van Egipte
1989 – Die Loma Prieta-aardbewing, die grootste aardbewing op die San Andreas-breuk in Kalifornië sedert 1906, tref die San Francisco-baaigebied.
2003 – Die toringspits word by die dak van die 106-vloer hoë wolkekrabber Taipei 101 in Taipei gevoeg, wat dit die Petronas-torings in Kuala Lumpur laat verbysteek om destyds die wêreld se hoogste gebou te word.

Geboortes

1577 – Dmitri Pozjarski, Russiese prins van die Rjoerik-dinastie († 1642).
1835 – Alexine Tinne, Nederlandse ontdekkingsreisiger († 1869).
1845 – P.D. Rossouw, predikant en vroeë Afrikaanse letterkundige († 1896).
1902 – Irene Ryan, Amerikaanse aktrise († 1973).
1912 – Albino Luciani, later Pous Johannes Paulus I, die 263ste pous van die Rooms-Katolieke Kerk († 1978).
1915 – Arthur Miller, Amerikaanse skrywer († 2005).
1918 – Rita Hayworth, Amerikaanse aktrise en danseres (± 1987).
1920 – Montgomery Clift, Amerikaanse rolprent- en teaterakteur († 1966).
1926 – Julie Adams, Amerikaanse aktrise († 2019).
1933 – "Bill" Anders, Apollo 8-ruimtevaarder († 2024).
1938 – Evel Knievel, Amerikaanse waaghals en vermaakkunstenaar († 2007).
1945 – Graça Machel, Eerste Dame van Mosambiek en later ook Suid-Afrika.
1947 – Erik Aaby, voormalige Noorweegse tydrenjaer.
1948 – S'bu Ndebele, Suid-Afrikaanse ANC-politikus.
1954 – Thomas Davenport, Amerikaanse kennisbestuurkundige
1968 – Thom Edward Yorke, hoofsanger van Radiohead.
1969 – Ernie Els, Suid-Afrikaanse beroepsgholfspeler en entrepeneur.
1972 – Eminem, Amerikaanse kletsrymer.
1979 – Kimi Räikkönen, Finse motorrenjaer.
1987 – Andriëtte Norman, Afrikaanse sangeres.
1990 – Patrick Lambie, Springbokrugbyspeler.
1992 – Jacob Artist, Amerikaanse akteur.

Sterftes

532 – Pous Bonifatius II, 55ste pous van die Rooms-Katolieke Kerk (* onbekend).
1744 – Giuseppe "del Gesù" Guarneri, Italiaanse maker van strykinstrumente uit die Guarneri-familie van Cremona (* 1698).
1837 – Johann Hummel, Duitse komponis (* 1778).
1849 – Frédéric Chopin, Poolse pianis en komponis (* 1810).
1967 – Puyi, laaste Chinese keiser (* 1906).
1967 – Jan Serfontein, Suid-Afrikaanse politikus en kabinetsminister 1954–1966 (* 1898).
1970 – Vola Vale, Amerikaanse aktrise (* 1897).
1973 – Ingeborg Bachmann, Oostenrykse skrywer en digter (* 1926).
1991 – Tennessee Ernie Ford, Amerikaanse akteur en sanger (* 1919).
2007 – Joey Bishop, Amerikaanse akteur (* 1918).
2008 – Levi Stubbs, Amerikaanse akteur en sanger (* 1936).
2015 – Danièle Delorme, Franse aktrise en filmvervaardiger (* 1926).
2019 – Bill Macy, Amerikaanse akteur (* 1922).
2025 – Tomiichi Murayama, Japannese politikus (* 1924).

Vakansies, vierings en waarnemingsdae