12 Augustus

12 Augustus is die 224ste dag van die jaar in die Gregoriaanse kalender (225ste in skrikkeljare). Daar volg nog 141 dae in die res van die jaar.

Gebeure

'n Kwagga in die Londense dieretuin in 1870

Die Verenigde State ná die Spaans-Amerikaanse Oorlog: Tien duisend myle vanaf Puerto Rico tot die Filippyne.

• 1099 – Godfried van Bouillon verslaan die Sarasene. Die Koninkryk van Jerusalem word gestig.
• 1308 – Pous Clemens V publiseer die aanklagte teen die Tempeliers.
• 1812 – Die eerste tandratspoor ter wêreld word in Groot-Brittanje in gebruik geneem.
• 1851 – Isaac Singer verkry 'n patent vir sy naaimasjien.
• 1877 – Asaph Hall ontdek Mars se kleinste en uiterste maan, Deimos.
• 1883 – Die laaste kwagga sterf in 'n Amsterdamse dieretuin.
• 1898 – Die Spaans-Amerikaanse Oorlog eindig met die anneksasie van die Filippyne, Guam, Kuba en Puerto Rico deur die Verenigde State.
• 1908 – Die eerste Model T motor word geproduseer deur die Ford Motor Company.
• 1953 – Die Sowjetunie laat hulle eerste waterstofbom ontplof.
• 1975 – John Walker slaag daarin om die eerste Supermyl te hardloop; die myl in 3:49:04.
• 1981 – IBM stel die nuwe kantoor- en verbruikersproduk , die IBM persoonlike rekenaar (Engels: PC), bekend.
• 1985 – 'n Boeing 747SR van die lugredery Japan Airlines bots teen Takamagaharaberg - 520 mense sterf.
• 1990 – 'n Tyrannosaurus rex se fossiel word in Suid-Dakota ontdek.
• 2000 – Die Russiese kernduikboot, K-141 Koersk, sink in die Barentssee - 118 seemanne sterf.

Geboortes

• 1503 – Christiaan III van Denemarke, Koning van Denemarke en Noorweë († 1559).
• 1720 – Konrad Ekhof, Duitse akteur en regisseur († 1778)
• 1762 – George IV, Britse koning († 1830).
• 1775 – Michiel van Breda, die eerste burgemeester van Kaapstad († 1847).
• 1779 – Johannes Janse van Rensburg, Voortrekkerleier († 1836).
• 1857 – Sir Henricus Hubertus Juta, speaker en regter van die Kaapkolonie († 1930).
• 1887 – Erwin Schrödinger, Oostenrykse fisikus († 1961).
• 1930 – George Soros, internasionale finansier, bestuurder van fondse en filantroop.
• 1932 – Alwyn du Plessis, Gereformeerde predikant († 2021).
• 1933 – P.J. Bosman, Afrikaanse digter en skrywer († 2025).
• 1952 – Charlie Whiting, Britse Formule 1 en motorsportadministrateur († 2019).
• 1954 – François Hollande, Franse president (2012–2017).
• 1955 – Heintje Simons, Nederlandse sanger.
• 1960 – Cameron Mackenzie, Suid-Afrikaanse politikus en parlementslid vir die Demokratiese Alliansie († 2021).
• 1971 – Pete Sampras, voormalige Amerikaanse tenniswêreldkampioen.
• 1975 – Casey Affleck, Academy- en Golden Globe-genomineerde Amerikaanse akteur.
• 1977 – Zanne Stapelberg, Suid-Afrikaanse operasangeres.
• 1995 – Nicholas Dlamini, Suid-Afrikaanse fietsryer.

Sterftes

• 30 v.C. – Cleopatra (39), laaste koningin van Egipte (* 69 v.C.).
• 1484 – Pous Sixtus IV, die 212de pous van die Rooms-Katolieke Kerk (* 1414).
• 1648 – Ibrahim, sultan van die Ottomaanse Ryk (* 1615).
• 1689 – Pous Innocentius XI, die 240ste pous van die Rooms-Katolieke Kerk (* 1611).
• 1827 – William Blake, Engelse waterverfskilder (* 1757).
• 1847 – Michiel van Breda, die eerste burgemeester van Kaapstad (* 1775).
• 1928 – Leoš Janáček, Tsjeggiese komponis (* 1854).
• 1942 – Phillips Holmes, Amerikaanse akteur (* 1907).
• 1955 – Thomas Mann, Duitse skrywer (* 1875).
• 1988 – Jean-Michel Basquiat, Amerikaanse kunstenaar (* 1960).
• 1978 – Gregor Wentzel, Duitse fisikus (* 1898).
• 1979 – Ernst Boris Chain, Duits-Britse biochemikus (* 1906).
• 1982 – Henry Fonda, Amerikaanse akteur (* 1905).
• 1999 – J.R. Hale, Britse geskiedkundige en vertaler.(* 1923).
• 2000 – Loretta Young, Amerikaanse aktrise (* 1913).
• 2014 – Lauren Bacall, Amerikaanse aktrise (* 1924).
• 2021 – Una Stubbs, Britse aktrise en danseres (* 1937).
• 2022 – Anne Heche, Amerikaanse aktrise,skryfster en vervaardiger (* 1969).

Vakansies, vierings, en waarnemingsdae

• Internasionale Jeugdag
• Feesdag van die salige Pous Innocentius XI in die Rooms-Katolieke Kerk.