चार्ली मङ्गर

चार्ल्स मंगर
बर्कशायर हथवेको शेयरधनी बैठकमा मङ्गर
जन्म	चार्ल्स थमस मङ्गर (१९२४-०१-०१)जनवरी १, १९२४
मृत्यु	२८ नोभेम्बर २०२३(2023-11-28) (उमेर ९९) Santa Barbara, California, अमेरिका
मातृ शिक्षाप्रतिष्ठान	हावार्ड विश्वविद्यालय
पेशा	बर्कशायर हथवेको उपाध्यक्ष
चिनारीको कारण	वारेन बफेटको साथ वर्कसायर हाथवेको नेतृत्व
तलव	US$ १ लाख
जम्मा सम्पति	US$ १.९ अरब (१५ डिसेम्बर २०२०)
सैन्य कार्यजीवन
निष्ठा	United States
सेवा/शाखा	संयुक्त राज्य अमेरिका सेना  • United States Army Corps
सक्रिय सेवा अवधि	१९४३-१९४६
सैन्य क्रम	सेकेन्ड लेफ्टिनेन्ट
युद्ध	दोश्रो विश्वयुद्ध
हस्ताक्षर

चार्ल्स थमस मङ्गर (जन्म: जनवरी १, १९२४ – नोभेम्बर २८, २०२३) एक अमेरिकी लगानीकर्ता, व्यापारी, परोपकारी र दार्शनिक थिए। उनी बर्कशायर हथवेको उपाध्यक्ष थिए। यो वारेन बफेटद्वारा नियन्त्रित सङ्गठन हो; बफेटले मङ्गरलाई आफ्नो साथीको रूपमा वर्णन गरेका छन्। मङ्गर वेस्को वित्तीय निगमको अध्यक्षको रूपमा १९८४ देखि २०११ सम्म काम गरे।

चाल्र्स थोमस मङ्गरलाई वारेन बफेटका दायाँ हातको रूपमा पनि चिनिन्छ । वारेन बफेटको बर्कसायर हाथवेका उपाध्यक्ष रहेका मङ्गरलाई बफेटले आफ्नो पार्टनर बताउँछन् । चार्ली मङ्गरको जन्म १९२४ जनवरी १ मा ओहामा नेब्रास्कामा भएको थियो । युवा अवस्थामा उनले वारेन बफेटका हजुरबुवाको खाद्यान्य पसलमा काम गरेका थिए । उनका पिता, अल्फ्रेड मङ्गर, वकिल थिए। उनका हजुरबुबाको नाम थोमस चार्ल्स मङ्गर थियो।

उनी युनिभर्सिटी अफ मिसिगनमा भर्ना भए जहाँ उनले गणित अध्ययन गरे।

लगानी दर्शन र विचारहरू

चार्ली मुङ्गरका विचार र लगानी शैलीका मुख्य कुराहरू:

• सांसारिक ज्ञान र मानसिक मोडेलहरू: मुङ्गरले व्यापारिक समस्याहरू समाधान गर्न विभिन्न क्षेत्रका ज्ञानलाई एक ठाउँमा जोडेर सोच्ने तरिका अपनाए। यसलाई उनले "सांसारिक ज्ञान" भनेका छन्।
• इमानदारी र नैतिकता: उनी राम्रो व्यवसाय भनेको नैतिक व्यवसाय हो भन्ने विश्वास राख्थे। झुक्याएर वा झूट बोलेर चलाउने व्यवसाय टिक्दैन भन्ने उनको मान्यता थियो।
• सादा जीवन: मुङ्गरले देखावटी र महँगो जीवनशैली मन पराएनन्। उनले ७० वर्षसम्म एउटै साधारण घरमा जीवन बिताए र धेरै धनसम्पत्ति वा देखावटीपनले मानिसलाई खुसी नबनाउने बताए।

लोल्लापाल्जा प्रभाव

जब धेरै कुराहरू वा पूर्वाग्रहहरू एकै दिशामा सँगै काम गर्छन्, मानिसहरूले एकदमै गलत र अविवेकी निर्णय लिन्छन्। यसैलाई उनले 'लोल्लापाल्जा प्रभाव' भनेका छन्।

क्रिप्टोकरेन्सी र रोबिनहुडप्रति आलोचना

मुङ्गरले बिटक्वाइन र अन्य क्रिप्टोकरेन्सीलाई "विष" र "मूर्खता" भन्दै कडा आलोचना गरे। उनले क्रिप्टोकरेन्सीको प्रयोगमाथि प्रतिबन्ध लगाइनुपर्ने र यसलाई "घोर निन्दनीय" कुरा बताउँदै भने कि बिटकोइन "मूर्खतापूर्ण", "अनैतिक" र "घृणित" बताए; यो यस्तो कुरा हो जसमा "अरू कसैले घिनलाग्दो कारोबार गरिरहेको हुन्छ र तपाईंलाई लाग्छ—'म यसबाट पछि पर्नु हुँदैन'"; साथै उनले यसको तुलना यौन रोगसँग समेत गरे। उनले रोबिनहुड जस्ता कमिसन नलिने ट्रेडिङ प्लेटफर्महरूलाई जुवा खेल्नेसँग तुलना गरे।