Quelltext vun der Säit Polizist weisen

[[Fichier:Luxembourg, boulevard Royal intervention Police (101).jpg|thumb|[[Police grand-ducale|Lëtzebuerger Poliziste]] bei enger Kontroll um [[Boulevard Royal]].]]
[[Fichier:Xian, China (9569546855).jpg|thumb|E Verkéierspolizist an der chineesescher Stad [[Xian]].]]
E '''Polizist ''' (fir de [[Mann]]) oder eng '''Polizistin''' (fir d'[[Fra]]) ass eng Persoun, déi fir e staatleche Sécherheetsdéngscht, d'[[Police]], schafft sief et als Offizéier oder als Ënneroffizéier. Hir Haaptaufgab ass et, d'ëffentlech Uerdnung a Sécherheet ze garantéieren, [[Delikt]]er ze verhënneren, opzeklären an ze verfollegen, an de Schutz vun de [[Bierger]] an hirem [[Eegentum]] sécherzestellen. Polizisten hunn d'Aufgab, an Noutfäll a bei Accidenter ze hëllefen, de Verkéier ze reegelen, an a Konfliktsituatiounen anzegräifen.

D'Ausbildung zum Polizist geschitt fir d'Ënneroffizéieschcarrière an der Reegel iwwer eng Poliziste-Grondausbildung, déi an Europa jee no Land a Police tëscht zwee an dräi Joer dauert. Déi Ausbildung kombinéiert theoreteschen Unterrecht am [[Droit]], der [[Kriminalistik]], dem [[Code de la route|Verkéiersrecht]], an de Sozialwëssenschafte mat prakteschen Übungen an der Selbstverdeedegung, dem Schéisstraining, Asaztechniken an der [[Éischt Hëllef|Éischter Hëllef]]. Nom erfollegräichem Ofschloss vun der Ausbildung fänken d'Polizisten hir Karriär meeschtens an der Policepatrull un.

Fir zu Lëtzebuerg vun der [[Police grand-ducale]] kënne rekrutéiert ze ginn, mussen d'Kandidaten e [[Staatsexamen]] ofleeën an zousätzlech Tester packen. D'Grondausbildung an der Policeschoul um [[Findel]] dauert zwee Joer.<ref>Chamber: [https://www.chd.lu/lu/node/122 ''Visite de la nouvelle Ecole de Police''] (21. September 2021)</ref><ref>Police Lëtzebuerg: [https://police.public.lu/fr/votre-police/services-et-unites/ecole-police.html ''Ecole de police (EP)''] (gekuckt den 23. August 2024)</ref>

Nieft der Policepatrull gëtt et nach aner Beräicher an der Police, dorënner de Verkéiersdéngscht, d'Police judiciaire, d'administrativ Police an d'Spezialeenheeten. D'Aarbechtsfeld vum Polizist ka ganz ënnerschiddlech sinn a geet vun der Presenz op der Strooss iwwer d'Ermëttlungsaarbecht um Büro bis hin zu Asätz a kritesche Situatiounen.

De [[Beruff]] vum Polizist erfuerdert physesch a psychesch Belaaschtbarkeet, Entscheedungs- a Kommunikatiounsfäegkeet. Poliziste spillen eng zentral Roll am Oprechterhale vun der ëffentlecher Sécherheet am [[Rechtsstaat]] a si sinn dacks déi éischt Ulafplaz fir Bierger an der Nout.

== Kuckt och ==
* [[Noutruff]]
== Um Spaweck ==
{{Commonscat|Police officers|Polizisten}}
{{Referenzen}}
[[Kategorie:Polizisten| ]]
[[Kategorie:Beruffer]]