ბაიტი

ერთეულები ბაიტებში
ათობითი სისტემა (სი თავსართები)				ორობითი სისტემა (IEC 60027)
დასახელება	სიმბოლო		მნიშვნელობა	დასახელება	სიმბოლო		მნიშვნელობა
ბაიტი	B	ბაიტი	100	ბაიტი	B	ბაიტი	20
კილობაიტი	kB	კბ	103	კიბიბაიტი	KiB	კიბ	210
მეგაბაიტი	MB	მბ	106	მებიბაიტი	MiB	მიბ	220
გიგაბაიტი	GB	გბ	109	გიბიბაიტი	GiB	გიბ	230
ტერაბაიტი	TB	ტბ	1012	ტებიბაიტი	TiB	ტიბ	240
პეტაბაიტი	PB	პბ	1015	პებიბაიტი	PiB	პიბ	250
ექსაბაიტი	EB	ებ	1018	ექსბიბაიტი	EiB	ეიბ	260
ზეტაბაიტი	ZB	ზბ	1021	ზებიბაიტი	ZiB	ზიბ	270
იოტაბაიტი	YB	იბ	1024	იობიბაიტი	YiB	იიბ	280

ბაიტი (byte) — ინფორმაციის შენახვის ძირითადი ერთეული კომპიუტერულ მეცნიერებებში. მრავალ კომპიუტერულ არქიტექტურაში ბაიტი არის მეხსიერების დამისამართების ერთეული და უმთავრესად შედგება რვა ბიტისაგან. ბაიტი დაპროგრამირების ენების მონაცემთა უმთავრესი ტიპია, განსაკუთრებით დაპროგრამირების სისტემურ ენებში.

ბაიტი ბიტების მოწესრიგებული თანამიმდევრობაა, რომელშიც თითოეული ბიტს ორიდან ერთ–ერთი მნიშვნელობა აქვს – 0 ან 1. ბაიტის ზომა კომპიუტერის ტექნიკური უზრუნველყოფის (ჰარდვეარი) განვითარებასთან ერთად იცვლებოდა, თუმცა თანამედროვე სისტემებში მიღებულია სტანდარტი, რომ ერთი ბაიტი შეიცავს რვა ბიტს. ისტორიულად ბაიტის ზომა განისაზღვრებოდა იმ ბიტების ერთობლიობით, რომლებიც საჭირო იყო ლათინური ანბანის ერთი სიმბოლოს ჩასაწერად. მისი ზომა განისაზღვრა ლათინური ანბანის სიმბოლოების შესაძლო მაქსიმალური რაოდენობით და საბოლოოდ ერთი კომპიუტერული სიტყვის თანაზომადი გახდა. ბაიტის ზომა ისტორიულად ვარირებდა ხუთიდან თორმეტი ბიტის დიაპაზონში.

1960–იან წწ. IBM–ის System/360 არქიტექტურის მქონე მიკროკომპიუტერების პოპულარობამ ფორმულა: "ერთი ბაიტი უდროს რვა ბიტს" კანონიკურად აქცია. ბაიტს ზოგიერთ ქვეყანაში ასევე ოქტეტადაც მოიხსენიებენ (მაგ. საფრანგეთში).