badna

ni'o lo badna cu spati la'o ly. Musa .ly .i zo badna cu valsi lo grute be lo badna be'o ji'a .i lo badna grute cu kruvi gi'e miltre li 120 bi'i 300 lo ni clani .i lo badna spati cu barda naltricu gi'e mitre li 2 bi'i 8 .i lo pezli cu mitre li 3.5 .i lo badna cu spaske zei jbari

ni'o lo rarna badna cu vasru so'i tsiju noi miltre li ji'i 15 .iku'i lo'e cange badna cu gincibmei gi'enai ka'e se tsiju

ni'o bu'u la .pilipinas. bau le bangrtagaloga zoi ty. saging .ty. cu cmene lo badna .i le bindo bangu zo'u zoi by. pisang .by. cu cmene lo badna

velski

ni'o lo badna spati cu brarai lo nalmudri ke xrula spati .i ro le pagbu be lo badna spati be'o poi zvati ga'u le tumsfe ku'o cu se krasi lo stura poi se cmene zo baljykemgejystani .a zo genjrkormi .i lo spati so'eroi cu rajycla gi'e jdari gi'e cafne sremlu lo ka tricu kei ki'u lo nu pagbu fa su'o da poi simlu lo ka ricystani .i ki'u je'u da tsustani po'o gi'e jifstani va'i .i lo badna cu zasti va'o so'i lei dertu .i .ei le dertu cu centre li xano to 60 toi lo ni condi kei gi'e se rinci jai frili gi'e na denmi .i lo pezli be lo badna spati cu gunma lo pezyspa joi lo pezba'e .i lo zbepi be lo pezyspa be'o cu ganzma lo nalspa gi'e se gunma lo jifyspa poi zbepi po'o lo spati .i lo korbi be lo pezyspa zbepi cu zvati simxu .i la'edi'u rinka lo nu zy tubnu .i ca lo nu by banro kei lo korbi cu simxu lo ka ce'u mo'i to'o ce'u muvdu .i lo cange ke badna spati cu cenba lo ni rajycla kei fo lo selbadna je lo ba'ortcini .i lo pezli nu ve ganzu cu sarlu gi'e mitre li repize lo ni clani kei gi'e centre li xano lo ni ganra .i cafne fa lo nu lo brife py katna

vlakra

ni'o zo badna cu cnano fi zoi xy. 香蕉 .xy noi valsi fi le jugbau ku'o ce zoi xy. banana .xy noi valsi fi le glibau ku'o ce zoi xy. कदली .xy noi valsi fi le xinbau ku'o ce zoi xy. banana .xy noi valsi fi le sanbau

jutske

ni'o le re badna dzejutsi cu se cmene zoi xy. Musa acuminata .xy je zoi xy. Musa balbisiana .xy .i le panzi be dy cu se cmene zoi xy. Musa × paradisiaca .xy

selvi'a ji'a

ensete