Ræðismaður

Ræðismaður eða konsúll er einstaklingur sem vinnur undir opinberum sendiherra. Ræðismaður hefur ekki eins sterkt vald og sendiherra og ekki eins mikil diplómatísk réttindi. Ræðismaður nýtur ekki friðhelgi á sama hátt og sendiherra. Ræðismaður getur verið formlegur sendifulltrúi, launaður eða ólaunaður, og þá oftast borgari þess lands sem hann er fulltrúi fyrir; eða kjörræðismaður án launa, og þá oftast borgari þess lands sem hann er staðsettur í.

Ræðismannsskrifstofa Íslands í Nuuk á Grænlandi.

Í stærri ríkjum vinna konsúlar oft á ræðismannaskrifstofum sem eru stofnanir undir sendiráðum sem þjónusta oft svæði utan höfuðborga. Á Íslandi eru nokkrir starfandi konsúlar sem heyra undir sendiráð í Reykjavík. Til að mynda hefur Danska sendiráðið þrjár ræðismannaskrifstofur á Íslandi: á Ísafirði, á Seyðisfirði og á Akureyri. Á sama hátt rekur Ísland sendiráð í London, en hefur kjörræðismenn í Aberdeen, Belfast, Birmingham, Cardiff, Dover, Edinborg, Glasgow, Grimsby, Hull og Prestwich.