Yari 1900a
| Historio 19ma yarcento  20ma 21ma yarcento
|
| Yardeki: 1900a • 1910a • 1920a • 1930a • 1940a |
| Yari: 1901 • 1902 • 1903 • 1904 • 1905 |
La yari 1900a de la 20ma yarcento eventis de la 1ma di januaro 1900 til la 31ma di decembro 1909. Dum la yari 1900a, l'uzo di motori di interna kombusto augmentis, samatempe kam kreskis la produktado di automobili. En oficeyi, skribomashini populareskis. Ank eventis l'unesma experienci kun avioni en Usa, da fratuli Wright en 1903, e da Alberto Santos-Dumont en Europa en 1906.
Feministi komencis obtenar importanta konquesti por mulieri. Exemple, en Japonia, Bulgaria, Kuba, Rusa imperio e Peru li unesmafoye povis enirar universitato. Finlando divenis l'unesma Europana lando ube mulieri darfis votar. La Sociala e Politikala Movado di Mulieri, fondita da Emmeline Pankhurst en 1903, organizesis por demandar votoyuro por mulieri en Britania ed Irlando.
Dum ca yardeko, Kuba, Bulgaria e Norvegia nedependanteskis. Tamen, Filipini perdis lua nedependo pos la milito Usana-Filipinana, qua finis en 1902.
Yen altra eventi de la yari 1900a:
- 22ma di januaro 1905 til la 16ma di junio 1907 - Eventas Rusa revoluciono di 1905, qua koaktas imperiestro Nikolaus la 2ma aceptar l'adopoto di konstitucala monarkio.
- Ye la 23ma di oktobro 1906 Alberto Santos-Dumont flugas per aeroplano unesmafoye en Paris.
- 5ma di oktobro 1906 - Bulgaria deklaras lua nedependo de Otoman imperio.
- 1902 - Usa prenas kontrolo di Filipini pos Filipinana-Usana milito.
- 1904 til 1905 - Eventas Rusa-Japoniana milito. Rusa imperio vinkesas da Japonian imperio.
- Buro-milito duras til 1902. Britaniani uzas koncentreyi.
- 1903 - Fratuli Wright flugas unesmafoye per aeroplano en Usa.
- 1908 - Henry Ford lansas lua automobilo Modelo T, di qua vendesas plua kam 15 milion unaji.
- Milion enmigranti translojas ad Usa. La maxim granda multa esas katoliki de sudal Europa, ma antee enmigranti esis protestanti de nordal Europa. Multa Usani volas ke Usa perseverez blanka e protestanta.
- Hamburger e kremoglacio venas a butiki.
- 1903 - Per tale nomizita Traktato di Petrópolis Brazilia recevas Acre de Bolivia.