𐌹𐍃𐌻𐌰𐌼

𐌹𐍃𐌻𐌰𐌼 (𐌰𐍂𐌰𐌱𐌹𐍃𐌺: ۘالِإسلَام «𐌰𐍄𐌱𐌰𐌿𐌷𐍄𐍃 [𐌳𐌿 𐌲𐌿𐌳𐌰]») 𐌲𐌰𐌻𐌰𐌿𐌱𐌴𐌹𐌽𐍃 𐌰𐌱𐍂𐌰𐌷𐌰𐌼𐌹𐍃𐌺𐌰 𐌰𐌹𐌽𐌰𐌲𐌿𐌳𐌰𐌳𐍉𐌼𐌰𐌲𐌰 𐌼𐌹𐌸 𐍃𐌺𐍉𐌻𐌰𐌹 𐌱𐌹 𐌰𐌻𐌺𐌿𐍂𐌰𐌽𐌰 𐌾𐌰𐌷 𐍀𐍂𐌰𐌿𐍀𐍆𐌴𐍄𐌰𐌿 𐌼𐌿𐌷𐌰𐌼𐌼𐌰𐌳𐌰. 𐍃𐌰𐌲𐌾𐌰 𐌹𐍃𐌻𐌰𐌼𐌹𐍃, 𐌷𐌰𐌹𐍄𐌰𐌰𐌽𐌳𐌰 𐌼𐌿𐍃𐌻𐌹𐌼𐌰𐌽𐍃, 𐍄𐌰𐌻𐍉𐌽𐌳 𐌱𐌹 1.9 𐌼𐌹𐌺𐌹𐌻𐌿𐌽𐌳𐌾𐌰, 𐌾𐌰𐌷, 𐌰𐍆𐍄𐌰 𐌺𐍂𐌹𐍃𐍄𐌹𐌰𐌽𐌿𐌼, 𐌰𐌽𐌰 𐌰𐌹𐍂𐌸𐌰𐌹 𐌰𐌽𐌸𐌰𐍂𐌰 𐌼𐌰𐌹𐍃𐍄𐍉 𐌲𐌰𐌻𐌰𐌿𐌱𐌴𐌹𐌽𐍃 𐌹𐍃𐍄.

𐌲𐌿𐌸 ("𐌰𐌻𐌻𐌰𐌷") 𐌹𐌽 𐌰𐍂𐌰𐌱𐌹𐍃𐌺𐌰𐌹 𐍂𐌰𐌶𐌳𐌰𐌹, 𐌰𐌽𐌰𐍃𐌺𐍂𐌴𐌳𐍃𐌺𐍃 𐍃𐍄𐍉𐌼𐌹𐌻𐌰𐍃 𐌹𐌽 𐌹𐍃𐌻𐌰𐌼

𐌼𐌿𐍃𐌻𐌹𐌼𐌰𐌽𐍃 𐌲𐌰𐌻𐌰𐌿𐌱𐌾𐌰𐌽𐌳 𐌴𐌹 𐌹𐍃𐌻𐌰𐌼 𐍃𐌺𐌰𐍀 𐌷𐌰𐌹𐌻 𐌾𐌰𐌷 𐌰𐌻𐌰𐍆𐌰𐌹𐍂𐍈𐌹𐍃𐌺 𐍆𐍂𐌿𐌼𐌹𐍃𐍄𐍉𐌽𐍃 𐍄𐍂𐌰𐌿𐌰𐌹𐌽𐌹𐍃 𐌹𐍃𐍄 𐌴𐌹 𐌸𐌰𐌹𐍂𐌷 𐌰𐌹𐍂𐌹𐌶𐌰𐌼 𐍀𐍂𐌰𐌿𐍆𐌴𐍄𐌿𐌼 𐍃𐍅𐌰 𐌰𐌳𐌰𐌼, 𐌰𐌱𐍂𐌰𐌷𐌰𐌼, 𐌼𐍉𐍃𐌴𐍃, 𐌾𐌰𐌷 𐌹𐌴𐍃𐌿𐍃, 𐌱𐌹 𐌰𐌻𐌾𐌰𐌼, 𐌿𐍃𐍄𐌰𐌹𐌺𐌽𐌹𐌳𐌰 𐍅𐌰𐍃. 𐌼𐌿𐍃𐌻𐌹𐌼𐌰𐌽𐍃 𐍂𐌰𐌷𐌽𐌾𐌰𐌽𐌳 𐌴𐌹 𐌰𐌻𐌺𐌿𐍂𐌰𐌽 𐌹𐍃𐍄 𐌲𐌻𐌰𐌲𐌲𐍅𐍉 𐍅𐌰𐌿𐍂𐌳 𐌲𐌿𐌳𐌹𐍃 𐌾𐌰𐌷 𐌰𐍆𐍄𐌿𐌼𐍉 𐌾𐌰𐌷 𐌿𐌽𐌹𐌽𐌼𐌰𐌹𐌳𐌹𐌽𐍉 𐌿𐍃𐍄𐌰𐌹𐌺𐌽𐌴𐌹𐌽𐍃. 𐌾𐌰𐌷 𐍂𐌰𐌹𐌷𐌽𐌾𐌰𐌽𐌳 𐌴𐌹 𐌼𐌿𐌷𐌰𐌼𐌼𐌰𐌸 𐌹𐍃𐍄 𐌰𐍆𐍄𐌿𐌼𐌰 𐍀𐍂𐌰𐌿𐍆𐌴𐍄𐌴𐍃. 𐍃𐌺𐍉𐌻𐍉𐍃 𐌾𐌰𐌷 𐌿𐍃𐌼𐌹𐍄𐌰𐌸𐍃 𐌼𐌿𐌷𐌰𐌼𐌼𐌰𐌳𐌹𐍃, 𐌷𐌰𐌹𐍄𐌰𐌳𐌰 𐍃𐌴𐌹𐍂𐌰, 𐍃𐍄𐌿𐌺𐌺𐌹𐌳𐍉𐌽𐌰 𐌹𐌽 𐍄𐌰𐌻𐍉𐌽𐌰𐌼 𐌷𐌰𐌹𐍄𐌰𐌳𐌰 𐌷𐌰𐌳𐌴𐌹𐌸, 𐍆𐍂𐌹𐍃𐌰𐌷𐍄 𐌿𐍃𐌼𐌹𐍄𐌰𐌳𐌹𐍃 𐌳𐌿 𐌼𐌿𐍃𐌻𐌹𐌼𐌰𐌼 𐌰𐌽𐌳𐍃𐍄𐌰𐌻𐌳𐌰𐌽𐌳.

𐌹𐍃𐌻𐌰𐌼 𐌻𐌰𐌹𐍃𐌴𐌹𐌸 𐌴𐌹 𐌰𐌹𐌽𐌰𐌲𐍃 𐌾𐌰𐌷 𐌿𐌽𐌲𐌰𐌻𐌴𐌹𐌺𐍃 𐌳𐌿 𐌰𐌻𐌻𐌰𐌼 𐌲𐌿𐌸 𐌹𐍃𐍄. 𐌵𐌹𐌸𐌹𐌸 𐌴𐌹 𐍅𐌰𐌹𐍂𐌸𐌹𐌸 𐌰𐍆𐍄𐌿𐌼𐌰𐌽𐍃 𐌳𐍉𐌼 𐌹𐌽 𐌸𐌰𐌼𐌼𐌴𐌹 𐌲𐌰𐍂𐌰𐌹𐌷𐍄𐌰𐌽𐍃 𐌼𐌹𐌸 𐍅𐌰𐌲𐌲𐌰 𐌲𐌰𐌻𐌰𐌿𐌽𐌾𐌰𐌽𐌳𐌰 𐌾𐌰𐌷 𐌿𐌱𐌹𐌻𐌰𐌽𐍃 𐌼𐌹𐌸 𐌷𐌰𐌻𐌾𐌰𐌹 𐌰𐌽𐌳𐌱𐌹𐍄𐌰𐌽𐌳𐌰. 𐍆𐌹𐌼𐍆 𐍃𐌰𐌿𐌻𐌴𐌹𐍃, 𐌼𐌿𐌽𐍉𐌳𐌴𐌹𐍃 𐍅𐌹𐍃𐌰𐌽 𐍄𐌰𐌿𐌾𐌰 𐌿𐍆𐍃𐌺𐌿𐌻𐌳𐌴𐌹𐌷𐌰, 𐍃𐌹𐌽𐌳 𐌰𐌹𐌸𐍃 𐌾𐌰𐌷 𐍄𐍂𐌰𐌿𐌰 𐌹𐍃𐌻𐌰𐌼𐌹𐍃𐌺𐍉𐌽𐌰 (𐍃𐌰𐌷𐌰𐌳𐌰𐍄)· 𐌱𐌹𐌳𐍉𐍃 𐌳𐍉𐌲𐍉𐍃 (𐍃𐌰𐌻𐌰𐍄)· 𐌰𐍂𐌼𐌰𐌹𐌰𐌲𐌹𐍆𐍄𐍃 (𐌶𐌰𐌺𐌰𐍄)· 𐍆𐌰𐍃𐍄𐌿𐌱𐌽𐌹 𐌹𐌽 𐌼𐌴𐌽𐍉𐌸𐌰 𐍂𐌰𐌼𐌰𐌶𐌰𐌽𐌹𐍃 (𐍃𐌰𐌿𐌼)· 𐌾𐌰𐌷 𐌳𐌿 𐌼𐌰𐌺𐌺𐌰𐌷𐌰 𐍀𐌰𐌹𐍂𐌹𐌲𐍂𐌴𐌹𐌽𐌰𐌽 (𐌷𐌰𐌳𐌳𐌹)