Siri Hustvedt

Siri Hustvedt
	; Irudi gehiago
Bizitza
Jaiotza	Northfield, 1955eko otsailaren 19a (71 urte)
Herrialdea	Ameriketako Estatu Batuak
Bizilekua	Brooklyn
Lehen hizkuntza	norvegiera
Familia
Aita	Lloyd Hustvedt
Ezkontidea(k)	Paul Auster (1982ko ekainaren 16a - 2024ko apirilaren 30a)
Seme-alabak	ikusi Sophie Auster;
Hezkuntza
Heziketa	St. Olaf College (en) ; Bergen Cathedral School (en) ; Columbia Unibertsitatea doktoretza ; Northfield High School (en)
Hezkuntza-maila	doktoretza
Hizkuntzak	ingelesa; norvegiera
Jarduerak
Jarduerak	olerkaria, eleberrigilea, saiakeragilea eta idazlea
Enplegatzailea(k)	Cornell Unibertsitatea
Lan nabarmenak	ikusi The Sorrows of an American (en) ; The Summer Without Men (en) ;
Jasotako sariak	ikusi Quebec bookseller's award (2004) ; Princess of Asturias Literary Prize (2019) ; Femina saria (2011) ; honorary doctorate of Grenoble-III University (2015) ; Prix Européen de l'Essai Charles Veillon (2019) ; honorary doctorate of Paris Nanterre University (2019ko irailaren 27a) ; [[]] (2004) : What I Loved (en) ; [[]] (2019) ;
	sirihustvedt.net

Siri Hustvedt (Northfield, Minessota, Ameriketako Estatu Batuak, 1955eko otsailaren 19a) nobelagile, saiogile eta poeta feminista^[1] da. 2026ko irailean Fair Saturday Awards saria jaso zuen Bilbon.^[2]

Ibilbidea

Historian lizentziatu zen St. Olaf Collegen, eta Columbiako Unibertsitatean egin zituen doktoretza ikasketak. Bere doktore tesia Charles Dickensen obrari buruzkoa da, eta honela du izena: Figures of Dust. A Reading of "Our Mutual Friend".

Hustvedt batez ere nobelagile gisa nabarmendu da, baina poesia liburu bat eta hainbat ipuin eta saiakera ere argitaratuak ditu, The Art of the Essayn (1999), Best American Short Storiesen (1990 eta 1991), The Paris Reviewen, The Yale Reviewen eta Modern Painters aldizkarian, besteak beste.

2019ko maiatzean, Letretako Asturiasko Printzesa saria^[3] lortu zuen, feminismoan, artean eta zientzian oinarritutako obra oparoagatik.

2026ko irailean Bilbon Fair Saturday Awards saria jaso zue , eta hitzaldia ere eman zuen atzo, Kirmen Uribe Urbieta idazleak lagunduta, BBK banku fundazioak Bilboko Euskalduna jauregian antolatutako Bilbao Kultura Social Forum hitzaldi zikloan. Ghost stories liburuan bezala, doluari buruz aritzeari utzi gabe, literaturaz, maitasunaz eta Donald Trumpez ere jardun zuen.

Zientzia eta filosofia eskutik

Siri Hustvedt-en esanetan Genoma ez da gure nortasunaren diktadorea. Zientzia eta filosofia eskutik joan behar dira. Zalantza adimenaren bertute gisa errebindikatzen du eta aurrez pentsatutako ideiak zalantzan jartzen ditu.^[4] Simone Weil-ek bezala, uste du zalantza adimenaren bertutea dela eta aurrera egiteko aukera ematen digun beharradela, eta Descartesekiko kontraesanean dagoela. Erabat oker zegoen gorputza eta burua bereizteko ideian, eta horrekin batera neurozientziaren paradigma gehienak. Burua ez dagoela gorputza ez den substantzia batez egina dio eleberrigileak, saiakerak egiten dituenak eta neurozientziaren, psikiatriaren, genetikaren edo adimen artifizialaren esploratzaile argiak.^[4]

Bizitza pertsonala

Brooklynen (New York) bizi da, Paul Austerrekin (senarra, 2024ko apirilean hil zen arte) eta bien alabarekin, Sophie Austerrekin.

Obra

Fikzioa

The Blindfold (1992)
The Enchantment of Lily Dahl (1996)
What I Loved (2003)
The Sorrows of an American (2009)
The Summer Without Men (2011)
The Blazing World (2014)
Memories of the Future (2019)

Poesia

Reading to You (1983)

Saiakera

Yonder (1998)
Mysteries of the Rectangle: Essays on Painting (2005)
A Plea for Eros (2005)
The Shaking Woman or A History of My Nerves (2009)
Living, Thinking, Looking (2012)
A Woman Looking at Men Looking at women (2016)

Memoria liburuak

Ghost stories (Mamu ipuinak)^[5]

Sariak eta aintzatespenak

2019ko Letretako Asturias Printzesa saria^[3]

Erreferentziak

↑ (Gaztelaniaz) Fernández, Laura. (2017). «Siri Hustvedt: Para los hombres no existimos» Vanity Fair (kontsulta data: 2019-06-26).
↑ Astiz, Iñigo. (2026-09-30). ««Pentsamendu neoliberalaren ondorio dira norbere burua hobetzeko kontakizun horiek»» Berria (kontsulta data: 2026-10-05).
1 2 (Gaztelaniaz) Geli, Carles. (2019-05-22). «Siri Hustvedt, Premio Princesa de Asturias de las Letras 2019» El País ISSN 1134-6582. (kontsulta data: 2019-06-26).
1 2 (Gaztelaniaz) Colpisa. (2021-03-20). «Siri Hustvedt: "El genoma no es el dictador de nuestra personalidad"» diariodenavarra.es (kontsulta data: 2023-03-15).
↑ Astiz, Iñigo. (2026-09-30). ««Pentsamendu neoliberalaren ondorio dira norbere burua hobetzeko kontakizun horiek»» Berria (kontsulta data: 2026-10-05).

Kanpo estekak

Datuak: Q259543
Multimedia: Siri Hustvedt / Q259543

[1] (Gaztelaniaz) Fernández, Laura. (2017). «Siri Hustvedt: Para los hombres no existimos» Vanity Fair (kontsulta data: 2019-06-26).

[2] Astiz, Iñigo. (2026-09-30). ««Pentsamendu neoliberalaren ondorio dira norbere burua hobetzeko kontakizun horiek»» Berria (kontsulta data: 2026-10-05).

[:0-3] 1 2 (Gaztelaniaz) Geli, Carles. (2019-05-22). «Siri Hustvedt, Premio Princesa de Asturias de las Letras 2019» El País ISSN 1134-6582. (kontsulta data: 2019-06-26).

[:1-4] 1 2 (Gaztelaniaz) Colpisa. (2021-03-20). «Siri Hustvedt: "El genoma no es el dictador de nuestra personalidad"» diariodenavarra.es (kontsulta data: 2023-03-15).

[5] Astiz, Iñigo. (2026-09-30). ««Pentsamendu neoliberalaren ondorio dira norbere burua hobetzeko kontakizun horiek»» Berria (kontsulta data: 2026-10-05).

[1]

[2]

[3]

[4]

[5]