María Castro

María Castro
	; (2025) Irudi gehiago
Bizitza
Jaiotza	Vigo, 1981eko azaroaren 30a (44 urte)
Herrialdea	Galizia
Hezkuntza
Heziketa	Pontevedrako campusa ; Faculty of Education and Sport Sciences of Pontevedra (en)
Hizkuntzak	gaztelania
Jarduerak
Jarduerak	aktorea, telebista aurkezlea eta gimnasta erritmikoa
	maria-castro.net

Maria Castro Jato (Vigo, Pontevedra, 1981eko azaroaren 30a) aktorea, telebista aurkezlea, dantzaria eta gimnasta erritmiko ohia da.

Bizitza

12 urtez gimnasta izan zen gimnasia erritmikoko diziplinan (6 urtetik 18 urtera arte), Nelly Bouso Gasalla eta Eva Bouso Gasalla ahizpekin batera Galiziako txapelketa irabazi zuen. Lorpen handiena 1996. urtean Espainiako Klub eta Autonomien Txapelketan pilotako txapeldunordea izatea izan zen. Gero, Gorputz Hezkuntzako Magisteritzako Diplomatura eta Jarduera Fisikoen eta Kirolaren Zientzietako Lizentziatura lortu zituen Pontevedrako Hezkuntza eta Kirol Zientzien Fakultatean, Vigoko Unibertsitatean.

Interpretazioan guztiz murgildu baino lehen, Gorputz Hezkuntzako irakasle lanetan jardun zuen denboraldi labur batez. Kazetaritza ikasi zuen. Prestakuntza osagarriari dagokionez, dantza garaikidea, ballet klasikoa, dantza modernoa, hip-hopa zein kabareta ikasi zituen. Interpretazio eta bikoizketa ikastaro batzuk ere egin zituen.^[1]

Ibilbidea

Ikus-entzunezko hedabide batean lan egin zuen lehen aldiz bere hiriko telebistan (Televigo), azafata jardun zuen. Aktore debuta egin zuen Paula Barreiro pertsonaia interpretatzen (aurretik Cristina Castañok interpretatua), Galiziako TVG kanal autonomikoaren Pratos combinados telesail arrakastatsuan. Bertan, Ernesto Chao, Mabel Rivera, Antonio Durán "Morris", Manuel Millán edo Xosé Manuel Olveira "Pico" telesailean bere aita izan zena ezagutu zituen. Handik aurrera, TVGko hainbat telesail eta saiotan hartu zuen parte aurkezle zein aktore lanetan. Antzerkian eta bikoizketako aktore lanetan ere jardun du, baita publizitatean eta modelo pase zein argazki saioetan. La Sextaren Espainiako eguneroko produkzioko lehen telesailean, SMSn, aktore gisa parte hartu zuen eta Lucia pertsonaiarena egin zuen. Telesail horretan, Espainiako zinema eta telebistako beste gazte promesa batzuekin egin zuen topo, hala nola Amaia Salamancarekin (geroago Sin tetas no hay paraíso telesailean harexekin bat egin zuen), Yon Gonzálezekin, Aroa Gimenorekin eta Mario Casasekin.

2008. urtean, estatu mailan eman zen ezagutzera, Sin tetas no hay paraíso izeneko telesailean Jessica pertsonaiari esker. Telecincok eman zuen telesail hori, eta 2007-2008 denboraldiko telebistako errebelazio saioa bihurtu zen, astero 4 milioi ikusletik gora eta % 23,4ko pantaila-kuota izan baitzuen. STNHPn, emakume erakargarri bat interpretatu zuen, arrakasta izateko gogoa zuena eta limurtzailea, nahi zuen guztia lortzeko gai zena, eta bere anbizioak noizbehinka prostituzioa praktikatzera eramaten zuena, bere behar ekonomikoak asetzeko eta ez zegokion estatus sozial batean mantentzeko. Berarekin batera, Amaia Salamanca, Miguel Ángel Silvestre, Cuca Escribano, Fernando Guillén Cuervo edo Armando del Río aritu ziren. Gainera, 2008. urtean Melocosen bideoklip berrian ere hartu zuen parte, "Fuiste tú" izenekoan, hain zuzen ere. Handik urtebetera Carlos Bauterekin kolaboratu zuen "Nada se compara a ti" abestiaren bideoklipean. 2009. urteko urriaren 16an, Ondas saria irabazi zuela iragarri ostean, aktoreak Público egunkariari aitortu zion: «Shock egoeran geratu nintzen jakin nuenean».^[2]

2010 eta 2012 artean Mollie Ralston pertsonaia antzeztu zuen Agatha Christie britainiar idazlearen La ratonera lanean Madrilgo Victoria erregina Antzokian Gorka Otxoa, Leo Rivera, Paco Churruca, Aroa Gimeno, Alvaro Roig, Maribel Ripoll eta Guillermo Muñozekin batera. Kritikak mistoak izan ziren Maria Castrorentzat, «izua, larritasuna, gozotasuna, mesfidantza eta aktore gisa moldakortasuna aldarrikatzen duten beste emozio asko senti ditzakegu» eta «La Ratonera' antzezlanean lortzen du bere lanarekin maila gainditzea, baina, ezta gutxiagorik ere, interpretazio gogoangarria lortzea. Ibilbide luzea falta zaio, baina egia da izaera eta gogoa dituela eta bere figura ez dela oharkabean pasatzen eszenan.» María Castro Tierra de lobos telesailaren bi denboraldietan agertu zen Elena pertsonaia antzezten eta 2014. urtean bukatutako telesailaren hirugarren denboraldian eta azken denboraldian ere agertu zen. 2012. urteko irailaren 3an Interviu aldizkariaren azala izan zen, Kanarietako hondartza batean topless-ean agertu zenean^[3]^[4]^[5]

2013. urteko martxoan, Maria Castro aktorea Antena 3 telebista katean fitxatu zuen Vive cantando telesaileko protagonista izateko. Trini izan zen telesaileko protagonista, eta kateko prime timean eman zuten, nahiz eta Telecincok astearteetarako ere Tierra de lobos telesaileko hirugarren denboraldia programatu zuen, beraz bi kateetan batera egon zen, bi kateen lehian. 2015. urteko apirilean hasi zen emititzen Televisión Españolaren Seis hermanas telesaila, 1913. urteko Madrilen girotua, non María Castrok Francisca Silvaren papera egin zuen, Silva ahizpen artean abenturazaleena. 2015. urteko abenduan, Neox-en Neox Fan Confidential saioa aurkezten hasi zen, aktorea nola desmuntatzen zen erakusten zuena. 2016. urteko urriaren hasieran, Telecinco katean parte hartuko zuela iragarri zuten, besteak beste, Ruben Cortadarekin batera 2017. urtean estreinatu zen Ella es tu padre telesailean protagonista izateko. 2017 eta 2018. urtean Amar es para siempre eguerdi osteko eguneroko telesailaren zazpigarren denboraldiko protagonista izan zen, Natalia Medina / Ana López interpretatuz.^[6]

Bizitza pertsonala

2013tik harremana izan ostean, 2018ko irailaren 15ean Jose Manuel Villalba aktorearekin ezkondu zen Pontevedra probintziako Baionako Paradorean.^[7]

2016. urteko martxoan iragarri zuen Mariak haurdun zegoela lehen aldiz. 2016ko ekainaren 22an jaio zen bere lehen alaba, Maia. 2020. urteko maiatzean berretsi zuen bigarren aldiz zegoela haurdun. Bigarren alaba, Olivia, 2020ko urriaren 1ean jaio zen. Bere hirugarren alaba, Emma, 2024ko apirilaren 9an jaio zen.^[8]^[9]^[10]^[11]

Filmografia

Telebistako serieak

Urtea	Lana	Pertsonaia	Oharrak
2001-2006	Pratos combinados	Paula Barreiro	154 kapitulu
2002-2005	Avenida de América	Sara	14 kapitulu
2006-2007	SMS, sin miedo a soñar	Lucía Jimeno	185 kapitulu
2006	Los Serrano	María	kapitulu 1
	Ellas y el sexo débil	gonbidatua
	O show dos Tonechos	María
2007	Rocío, casi madre	María
2008-2009	Sin tetas no hay paraíso	Jessica del Río	43 kapitulu
2009	Una bala para el Rey	Laura	Telesail txikia
2010-2014	Tierra de lobos	Elena Valdés	42 kapitulu
2013-2014	Vive cantando	María Trinidad «Trini» Almagro López	25 kapitulu
2013	Salaó	Sagrario	Telesail txikia
2013	Aída	Leticia	kapitulu 1
2014	Anna Karenina	Varenka	telesail txikia^[12]
2015-2017	Seis hermanas	Francisca Silva	381 kapitulu
2017-2018	Ella es tu padre	Carmen Weiller	13 kapitulu
2018-2019	Amar es para siempre	Ana López Rayos / Natalia Medina Alcázar	255 kapitulu
2022	La que se avecina	Cristina	kapitulu 1
2022; 2025	Machos alfa	Eugenia	6 kapitulu
2023-presente	La promesa	Pía Adarre	? kapitulu

Zinea

Urtea	Izenburua	Pertsonaia	Zuzendaria
2003	La vida mancha	Begiralea	Enrique Urbizu
2006	Días azules	Hilarria	Miguel Santesmases
2009	Los muertos van deprisa	Maria	Angel de la Cruz
2013	Combustión	Julia	Daniel Calparsoro
2014	Pancho, el perro millonario	Luisa	Tom Fernandez
2016	Las invasoras	CIA agentea	Victor Conde
2016	22 ángeles	Isabel Zendal	Miguel Bardem
2018	Memorias de un hombres en pijama	txoria	Carlos Ferfer
2022	Mama no enRedes	Alizia	Daniela Fejerman
2022	El juego de las llaves	Cris	Vicente Villanueva

Telebistako saioak

Grandes Musicais (1999) - TVG.
Estreas TVG (2000) - TVG.
Gala Especial de Noiteboa (2001) - TVG.
Álvaro Cunqueiro Galako sari ematea (2002) - TVG.
Gala Cutty Sark (2002) - TVG.
Noites de verán (2002, 2003) - TVG.
Pillados (2005) - TVG.
Curtocircuito (2005, 2006) - TVG.
Arredemo (2007) - TVG.
Neox Fan Confidential (2015-2016) - Neox.
Trabajo temporal (2016) - La 1.
MasterChef Celebrity (2018) - La 1. 8. kanporatua
El juego de los anillos (2021) - Antena 3.
El cazador (2023) - La 1.
La ratonera (2010), Agatha Christierena; zuzendaria: Víctor Conde - Mollie Ralston pertsonaia
Crimen perfecto (2011), Alfred Hitchcockena; zuzendaria: por Víctor Conde - Margot Wendice pertsonaia.
Una semana, nada más (2013), Clément Michelena; zuzendaria: Gabriel Olivares - Sofía pertsonaia.
La novia de papá (2015), Paloma Bravorena; zuzendaria: Joseph O'Curneen - Sol pertsonaia.
Dos más dos (2017-2018), Daniel Cúparo eta Juan Verarena; zuzendaria: Maite Pérez Astorga y David Serrano - Silvia pertsonaia.

Sariak eta izendapenak

Ondas sariak^[13]

Urtea	Kategoria	Filma	Emaitza
2009	Espainiako fikzioko emakumezko antzezlerik onena	Sin tetas no hay paraíso	Irabazlea

Zilarrezko Fotogramak

Urtea	Kategoria	Filma	Emaitza
2013	Telebistako emakumezko aktore onena	Vive cantando	Izendatua
2010	Antzerkiko emakumezko aktore onena	La ratonera	Izendatua
2009	Telebistako emakumezko aktore onena	Sin tetas no hay paraíso	Izendatua

Urrezko TP Sariak

Urtea	Kategoria	Filma	Emaitza
2009	Emakumezko aktore onena	Sin tetas no hay paraíso	Izendatua

Mestre Mateo sariak

Urtea	Kategoria	Filma	Emaitza
2008	Bigarren mailako emakumezko aktore onena	Los muertos van deprisa	Izendatua
2007	Telebista komunikatzaile onena	Arredemo	Izendatua
2005	Bigarren mailako emakumezko aktore onena	Pratoa conbinados	Izendatua

Neox Fan Awards

Urtea	Kategoria	Filma	Emaitza
2014	Zinemako emakumezko aktore onena	Pancho, el perro millonario	Irabazlea
2014	Telebistako emakumezko aktore onena	Vive cantando	Izendatua
2013	Zinemako emakumezko aktore onena	Combustión	Izendatua

Kapital sariak

Urtea	Kategoria	TBko seriea	Emaitza
2014	Telebistako emakumezko aktore onena	Vive cantando	Irabazlea ^[14]

Beste batzuk

2023an, Viguesa nabarmena .^[15]
Baionako Urrezko Karabela Sariaren irabazlea.

Erreferentziak

↑ Si volviese a nacer, volvería a practicar gimnasia rítmica. .
↑ María Castro, tras ganar el Ondas
↑ María Castro realiza su primera aparición teatral con la que está recibiendo buena crítica y aplausos del público. .
↑ María Castro se enfrenta con altibajos a su primera obra teatral
↑ María Castro, clase magistral artxibatua 2016 ko apirilaren 7an Wayback Machinen., Interviú
↑ María Castro Ficha por Antena 3 para protagonizar Vivo Cantando
↑ María Castro se casa tras su romántica pedida de mano. .
↑ María Castro presenta su embarazo sorpresa: “Estoy de cinco meses y es niña” artxibo kopia Wayback Machinen., Semana
↑ Nuevos detalles del nacimiento de Maia, la primera hija de María Castro, el 28 de noviembre de 2017 su pareja José Manuel Villalba Le pide matrimonio en el programa de TV el hormiguero. Hola
↑ María Castro presume de embarazo en su Galicia natal. .
↑ María Castro ha sido mamá por segunda vez. .
↑ ^{[Esteka hautsia]}
↑ María Castro gana el Premio Ondas 2009
↑ María Castro, premio Kapital 2014
↑ Picatoste, Mauro. (21 de marzo de 2023). Estos son los galardonados con la Medalla de la Ciudad y los Vigueses Distinguidos de 2023. El León de El Español Publicaciones.

Kanpo estekak

María Castro Internet Movie Databaseren webgunean (Ingelesez)

Datuak: Q3330458
Multimedia: María Castro / Q3330458

[1] Si volviese a nacer, volvería a practicar gimnasia rítmica. .

[2] María Castro, tras ganar el Ondas

[3] María Castro realiza su primera aparición teatral con la que está recibiendo buena crítica y aplausos del público. .

[4] María Castro se enfrenta con altibajos a su primera obra teatral

[5] María Castro, clase magistral artxibatua 2016 ko apirilaren 7an Wayback Machinen., Interviú

[6] María Castro Ficha por Antena 3 para protagonizar Vivo Cantando

[7] María Castro se casa tras su romántica pedida de mano. .

[8] María Castro presenta su embarazo sorpresa: “Estoy de cinco meses y es niña” artxibo kopia Wayback Machinen., Semana

[9] Nuevos detalles del nacimiento de Maia, la primera hija de María Castro, el 28 de noviembre de 2017 su pareja José Manuel Villalba Le pide matrimonio en el programa de TV el hormiguero. Hola

[10] María Castro presume de embarazo en su Galicia natal. .

[11] María Castro ha sido mamá por segunda vez. .

[12] {[Esteka hautsia]}

[13] María Castro gana el Premio Ondas 2009

[14] María Castro, premio Kapital 2014

[15] Picatoste, Mauro. (21 de marzo de 2023). Estos son los galardonados con la Medalla de la Ciudad y los Vigueses Distinguidos de 2023. El León de El Español Publicaciones.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]