Jon Idigoras

Jon Idigoras
Espainiako Diputatuen Kongresuko diputatua 1993ko ekainaren 28a - 1996ko urtarrilaren 9a Barrutia: Bizkaia Hautetsia: 1993ko Espainiako hauteskunde orokorrak Espainiako Diputatuen Kongresuko diputatua 1989ko azaroaren 20a - 1993ko apirilaren 13a Barrutia: Bizkaia Hautetsia: 1989ko Espainiako hauteskunde orokorrak Espainiako Diputatuen Kongresuko diputatua 1986ko uztailaren 8a - 1989ko irailaren 2a Barrutia: Bizkaia Hautetsia: 1986ko Espainiako hauteskunde orokorrak Diputatua Eusko Legebiltzarrean 1984ko martxoaren 22a - 1986ko uztailaren 9a Barrutia: Araba Hautetsia: Eusko Legebiltzarreko II. legealdia Diputatua Eusko Legebiltzarrean 1980ko martxoaren 31 - 1984ko urtarrilaren 19a Barrutia: Bizkaia Hautetsia: Eusko Legebiltzarreko I. legealdia Eusko Legebiltzarreko legebiltzarkideak I. legealdian
Bizitza
Jaiotzako izen-deiturak	Juan Cruz Idígoras Guerricabeitia
Jaiotza	Zornotza, 1936ko maiatzaren 3a
Herrialdea	Bizkaia, Euskal Herria
Heriotza	Bilbo, 2005eko ekainaren 3a (69 urte)
Heriotza modua	berezko heriotza: birika-enfisema
Hezkuntza
Hizkuntzak	gaztelania euskara
Jarduerak
Jarduerak	politikaria eta toreatzailea
Lantokia(k)	Madril
Kidetza	Langile Abertzaleen Batzordeak
Izengoitia(k)	Chiquito de Amorebieta, Chiquito de Éibar eta Morenito del Alto
Ideologia eta sinesmenak
Alderdi politikoa	Herri Batasuna

Jon Idigoras Gerrikabeitia (Zornotza, Bizkaia, 1936ko maiatzaren 3a - Bilbo, 2005eko ekainaren 3a) euskal herritar politikaria izan zen, ezker abertzale independentistaren militante historikoa; LAB sindikatuaren (1974) eta Herri Batasuna koalizioaren (1978) sortzeetan parte hartu zuen.

Zezenketak zituen gustuko, eta gaztetan nobilleroa izan zen, 'Txikito de Amorebieta' eta 'Morenito del Alto' izenpez ere ezagutua.

Biografia

Idigoras langile giroan jaio zen eta langile mugimenduan ibili. 1974. urtean LAB sindikatuaren sortze prozesuan parte hartu zuen eta 1978. urtean Herri Batasuna alderdi politikoarenean.

1978 urtetik 1995. urte bitartean HBko mahai nazionaleko mahaikide izan zen. 1980, 1984, 1986. urteetan Eusko Legebiltzarran biltzarkide izan zen, eta 1986, 1989 eta 1993. urteetan Espainiako Kongresuan diputatu.

Jon Idigorasen aldeko eranskailua garai hartako hizkerarekin,1996.

1996an Baltasar Garzón epaileak Herri Batasunako Mahai Nazionaleko 25 kideak atxilotzeko eta prozesatzeko agindua eman zuen, ETAren "Alternatiba Demokratikoa" bideoa hedatzea delitua zela iritzita. Epailea berak, 300 milioi pezetako (1,8 milioi euro inguru) bermea eskatu zion behin-behinean askatzeko. 1996ko apirilean fidantzaren murrizketa egin zion Garzónek eta 15 milioi pezetara jaitsi zion. Jaitsiera hori izanda ere, ordaintzeari uko erabaki zuen, "duintasun politikoagatik" eta bere eskubideak "ez zirela erosten" argudiatuta. Azkenean, fidantza hori ordaindu gabe utzi zuten behin-behinean libre, biriketako gaixotasun oso larria zuela-eta espetxealdia osasunarentzat arriskutsua zela egiaztatu ondoren.

HBko beste mahahikide guztiekin bat, Espainiako Auzitegi Gorenak 7 urteko zigorra ezarri zion ETArekin kolaboratzeagatik, eta Basauriko espetxean sartu zuten 1997ko abenduaren 5ean. 1998ko maiatzean Barakaldoko Gurutzeta ospitalean ingresatu zuten eta aste bete geroago irten, espetxeko 3. gradu penitentziarioa jaso ondoren.

2002ko azaroan Baltasar Garzón epaileak Batasuneko beste 21 lagunekin batera Batasunaren parte izana edo izatea leporatzen die, alderdi politiko hau ETAren sare terroristaren zatia delakoan.

Idatziak

Idigorasek bere bizitzako hainbat pasarte El hijo de Juanita Gerrikabeitia (Txalaparta argitaletxea) liburuan idatzi zituen gaztelaniaz.

Ikus, gainera

• Espainiako trantsizioa

Kanpo estekak

• (Gaztelaniaz) (Ingelesez) Txalaparta argitaletxea

• Datuak: Q1353284