Goieniz zine-kluba

Goieniz zine-kluba
	;
Datu Orokorrak
Barne egitura
Sorrera-data	1995
Bestelakoak
Webgunea	https://goieniz.com/

Goieniz zine-kluba egoitza Beasainen (Gipuzkoa) duen zine-kluba da, 1995ean sortua. Beasaingo Usurbe antzokian eskaintzen dituzte emanaldiak, jatorrizko bertsioan.^[1]

Sorrera

1980eko hamarkadan, Goierriko Zine Klubak Ordizian egiten zituen emanaldiak. Garai hartan, Donostiako Zinemaldiak herriz herri ibiltzen zen atal bat zuen: Barrios y pueblos. Horietako bat Ordizian eskaintzen zen, hain zuzen ere. Emanaldi horien inguruan bildutako jendeak sortu zuen Goierriko zine-kluba.^[2]

1995eko martxoaren 2an eman zuen lehen emanaldia Usurbe zinema aretoan, Sergio Cabrera zuzendariaren La estrategia del caracol filmarekin.^[1]^[3]^[4]^[5]

Filmak

Hasiera batean, urtero 20 film inguru ematen zituzten, bi ziklotan. Lehena, urritik abendura; eta bigarrena, urtarriletik apirilera. Horrela, 35 ziklo osatu ziren. ^[6]

Begirada ziklo berezia ere eskaini zuten 1999 eta 2012 urteen artean, apiriletik maiatzera.^[7]^[8]^[9]

2012 urtetik aurrera, urritik ekainera bitartean hamabostean behin proiektatzen dituzte filmak. Proiekzioen eguna 2022an ostegunetik asteartera aldatu zen. ^[10]^[11]^[12]^[13]

Film Kuttuna

Ziklo bakoitzean ikusleen proposamenak jasotzen ziren, bost filmeko zerrenda osatzen zen eta ondoren, bozketa bidez, ikusleek aukeratzen zuten Film Kuttuna izango zena. Dinamika hau 2017ra arte mantendu zen.

Gau Laburra

Urte bukaeran, saio berezi batean ematen duten film laburren bilduma da.

Jatorrian film luzeen saio berean ematen zuten, saio horren hasieran; baina, antolaketa arazoak kausa, saio berezia sortu zen horretarako 2001 urtean.^[14]^[15]^[16]^[17]

Irudiak

Goienizeko kideak.1995eko otsaileko argazkia: Ainhoa Alfageme, Julen Arina, Pepe Erauskin, Mikel Lasa eta Xabier Carnicer.
Goienizeko kide batzuk 2014ko urrian, Usurbe antzokiko langileekin: Jose Ignacio Sanchez, Olatz Larrea, Leire Iturrioz, Xabier Amenabarro eta Edorta Martinez
Goieniz zine-klubeko programak jasotzeko ontzia (1995)
Zineklubeko kide batzuk XXIII. Gau Laburra aurkezten 2024ko abenduan; Eli Lasa, Egle Escamilla, Olatz Larrea, Nerea Erauskin eta Leire Iturrioz
Zineklubeko kide batzuk XXII. Gau Laburra aurkezten 2023ko abenduan: Nerea Erauskin, Marian Segovia, Egle Escamilla, Leire Iturrioz, Olatz Larrea eta Eli Lasa
XXIII. Gau Laburra. 2024-12-28