Ángel Acebes
.jpg)
.svg){kind=small}
.svg){kind=small}
.svg){kind=small}
Ángel Jesús Acebes Paniagua, (Pajares de Adaja, Ávila, 1958ko uztailaren 3) Alderdi Popularreko politikaria da. José María Aznar Espainiako presidentea zelarik, Angel Acebesek hainbat ministeriotako karguetan jardun zuen, Justizia edo Barne ministroa besteak beste. Egun, Alderdi Popularreko Idazkari Orokorra da.
Biografia
[aldatu | aldatu iturburu kodea]Salamancako Unibertsitatean zuzenbidea ikasi zuen. UCD alderdian izena emanda, Avilako zinegotzia (1987-1991) eta geroago alkatea (1991-1995) izan zen. 1993ko ekainetik 1996ko martxo arte Espainiako Senatuko kide izan zen, eta GALen auzian José Barrionuevoren agerraldia eskatu zuen, laburki eratu zen Senatuko ikerketa-batzordean.[1] Jose Maria Aznarrek 1996ko hauteskundeak irabazi zituenean, alderdian sartu zen koordinatzaile orokor karguan. Jose Maria Aznarrek, 1999ko urtarrilean, gobernura eraman zuen orduan, Administrazio Publikoetako Ministro izendatuta. 2000ko martxoan Justiziako ministroa eta 2002ko uztailean, alderdiak Espainiako 2004ko hauteskundeak galdu arte, Barne Ministroa izan zen.
Beraz, Madrilgo 2004ko martxoaren 11ko atentatuak burutu zirenean, Angel Acebes zen Barne Ministroa. Bere jarduera egun horietan gaur egun ere polemikoa da oso. Atentatuetako egunetik hauteskundeen egunera arte (martxoaren 14) eman zituen prentsaurrekoetan atentatuen erantzulea ETA zela adierazi zuen, nahiz eta denborak aurrera egin ahala aurkitutako zantzuek islamista bortitzen ekintza zela seinalatu; are, hipotesi hori baztertzea "intoxikazio onartezintzat" jo zuen. Gainera, Espainiako kongresuan egin zen komisioan zein epaiketan bertan, polizia buruek adierazi dute martxoaren 11ren arratsalderako islamisten hipotesia irekita eta oinarrituta zegoela.[2] Zenbaiten ustez, Angel Acebes barne ministroak orduko Espainiako gobernuan zuen eraginak eta haren irudiak hauteskundeak galarazi zizkion Alderdi Popularrari.
2012ko apirilean, Ángel Acebes Iberdrolako administrazio kontseiluan hasi zen. Handik gutxira, Bankiako eskandaluan inputatua izan zen, eta Bárcenasen paperengatik ere auzipetua. 2019ko urtarrilean, bertako administrazio kontseilua utzi zuen. Administrazio kontseiluan izandako aldian, 2,19 milioi euroko diru sarrerak izan zituen gordinik; gainera, konpainia horren 6.377 akzio zituen, 45.914 eurokoa balioaz.[3]
Erreferentziak
[aldatu | aldatu iturburu kodea]- ↑ (Gaztelaniaz) SL, TAI GABE DIGITALA. (2020-06-23). «Cuando el Senado investigó los GAL... hasta que llegó el teniente general y el PP mandó parar» naiz: (kontsulta data: 2020-06-24).
- ↑ (Gaztelaniaz) País, Ediciones El. (2004-03-12). «Cuatro atentados simultáneos causan una matanza en trenes de Madrid» El País ISSN 1134-6582. (kontsulta data: 2018-08-15).
- ↑ «Acebes, vocal del consejo de administración de Iberdrola, no renovará su mandato» www.publico.es (kontsulta data: 2019-04-25).
  |
Artikulu hau Gaztela eta Leongo biografia baten zirriborroa da. Wikipedia lagun dezakezu edukia osatuz. |
| Autoritate kontrola |
|
|---|
Datuak: Q2628231
Multimedia: Ángel Acebes / Q2628231
- Gaztela eta Leongo biografia zirriborroak
- 1958ko jaiotzak
- Gizabanako biziak
- Ávila probintziako jendea
- Espainiako Alderdi Popularreko politikariak
- Espainiako ministroak
- Espainiako diputatuak IX. legegintzaldian
- Espainiako diputatuak VIII. legegintzaldian
- Espainiako alkateak
- Salamancako Unibertsitateko ikasleak