Temas

Filósofo budista e escritor hindú. É un dos fundadores do Budismo Mahāyāna. Nun dos seus escritos atacou o sistema de castes e sostivo que se era brāhman por sabedoría, non de nacemento. Escribiu unha biografía poética de Buda, Buddhācharita, e unha epopeia lírica do xénero kāvya, Saundarānanda (‘A bela beatitude’). O estilo, se ben primitivo, queda compensado pola mesura e a busca poética.

Filósofo pitagórico, médico e astrónomo grego. Mestre de Demócrito e de Arquitas, desenvolveu un sistema cosmolóxico no que a Terra se movía polo espazo de igual xeito que os outros astros, sen ter un papel privilexiado.

Filósofo alemán. Exerceu influencia na Aufklärung alemá, ordenando sistematicamente e dun xeito escolástico o pensamento de Leibniz, aínda que o modificou en certos puntos. Dividiu a filosofía en teórica (ontoloxía, seguida de cosmoloxía, psicoloxía racional e teodicea) e práctica (ética, política e economía).

Filósofo e médico francés. A publicación da súa obra materialista Histoire naturelle de l’âme (1745) fíxolle perder o cargo de médico da garde-française. Continuador das teorías cartesianas, describiu o home como simple máquina material. Escribiu L' homme-machine (1748), Origine des animaux (1750) e Venus métaphysique (1752).

Filósofo idealista. Formulou o empirocriticismo ou a filosofía da experiencia pura. Procurou formular cientificamente as características esenciais da experiencia, depurada das superestruturas metafísicas. Para definir os elementos orixinais que preceden a toda teoría fixo unha análise crítica do feito da experiencia, tendo en conta a relación suxeito-obxecto e os condicionamentos físicos. Empregou unha terminoloxía nova con miras a construír unha linguaxe simbólica, como a dos matemáticos. As súas obras máis notables son Kritik der reinen Erfahrung (Crítica da experiencia pura, 1888) e Der menschilche Weltabegriff (A concepción humana do mundo, 1891).

Filósofo francés. Coñecido como le curé Meslier, escribiu Mon testament, en que atacou a relixión e as institucións políticas e sociais do seu tempo. Voltaire publicou diversos extractos co título de Testament du curé Meslier (1762).

Filósofo inglés. Da súas obras destacan Philosophical Arguments (1945), The Concept of Mind (1949), Dilemmas (1954), A Rational Animal (1962), Plato’s Progress (1966) e Collected Papers (1971).

Filósofo e teólogo portugués. Entrou na Compañía de Xesús en 1548 e foi profesor de filosofía na Universidade de Coimbra. Destacou pola súa teoría da ciencia media, na que admitía que Deus coñecía desde a eternidade os futuros continxentes. Entre as súas obra destacan Institutionum dialecticarum libri octo (1567), compendio da lóxica aristotélica, e Comentarii in libros metaphysicorum Aristotelis Stagiritae (1577-1612).