Эрбій

← Гольмій  ·  Тулій → 68 Er Эрбій Перыядычная сістэма элементаў 68Er
Вонкавы выгляд простага рэчыва
Уласцівасці атама
Атамны нумар	68
Сімвал	Er
Група, перыяд, блок	—, 6, f
Тып элемента	Лантаноіды
Атамная маса	167,259 ± 0,003 а. а. м. (г/моль)
Электронная канфігурацыя	[Xe] 6s² 4f¹²
Электраадмоўнасць	1
Ступені акіслення	+3
Энергія іанізацыі	1-я: 6,1077 эВ
Тэрмадынамічныя ўласцівасці простага рэчыва
Шчыльнасць	9045 кг/м³ (цвёрдае цела, 298,15 K (25 °C))
Тэмпература плаўлення	1795 K (1521,85 °C)
Тэмпература кіпення	3173 K (2899,85 °C)

Эрбій (лац.: Erbium) Er — хімічны элемент III групы перыядычнай сістэмы, лантаноід; атамны нумар 68. Адкрыты ў 1843 годзе шведскім хімікам К. Масандэрам (шведск.: Carl Gustaf Mosander)).

Адносіцца да рэдказямельных элементаў. Атамная маса 167,26. У прыродзе прысутнічаюць 6 стабільных ізатопаў з масавымі лікамі 162, 164, 166—168, 170. Мяккі серабрысты метал. Тэмпература плаўлення 1522 °С, тэмпература кіпення 2510 °С. Шчыльнасць 9062 кг/м³. Раствараецца ў мінеральных кіслотах з утварэннем солей. На паветры акісляецца павольна. Пры награванні з кіпеннем узаемадзейнічае з галагенамі, халькагенамі, вадародам і азотам.

Выкарыстанне

Атрыманне люмінафорных і лазерных матэрыялаў, выраб спецыяльнага шкла і керамікі з уласцівасцямі высокатэмпературных звышправаднікоў, аптычных валокнаў. Складнік магнітных сплаваў з жалезам, кобальтам, нікелем. Аксід эрбію выкарыстоўваецца ў ядзернай энергетыцы. Злучэнні эрбію выкарыстоўваюць у тэхналогіі раздзялення і грубай ачысткі рэдказямельных элементаў.

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 148. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Хімічны слоўнік навучэнца: Дапам. для вучняў / Б. Н. Качаргін, В. М. Макарэўскі, Л. Я. Гарнастаева, В. С. Аранская. — Мн.: Народная асвета, 2003. — С. 281. — 287 с. — 1 000 экз. — ISBN 985-12-0621-8.

Спасылкі

• Артыкул на сайце ХиМиК.ру (руск.)
• На Вікісховішчы ёсць медыяфайлы па тэме Эрбій