Пастыш

Пасты́ш (фр.: pastiche: ад італ. pasticcio — пастыча, стылізаваная опера-папуры, літар. «сумесь, паштэт») — другасны мастацкі твор (літаратурны, музычны, тэатральны і інш.), які ўяўляе сабой імітацыю стылю работ аднаго або некалькіх аўтараў. У адрозненне ад пародыі, пастыш не столькі высмейвае, колькі ўшаноўвае арыгінал.

Пастыш адрозніваецца таксама ад алюзіі. Алюзія можа адносіцца да іншага твора, але не паўтарае яго. Больш за тое, алюзія патрабуе, каб аўдыторыя падзяляла культурныя веды аўтара. Алюзія і пастыш — гэта механізмы інтэртэкстуальнасці.

У літаратуры пастыш часцей за ўсё з'яўляецца працягам або іншай сюжэтнай версіяй арыгінальнага (аўтарскага) твора, якая захоўвае стыль аўтара, персанажаў, абстаноўку, час дзеяння і гэтак далей. У адрозненне ад стылізацыі і так званага фанфіку, якія дазваляюць больш свабодную інтэрпрэтацыю зыходнага матэрыялу, літаратурны пастыш прад'яўляе аўтару строгія крытэрыі ў плане ўвядзення дадатковых персанажаў і развіцця сюжэта.