羊皮紙

一份拉丁文授權文件，日期為1329年，係寫喺精細嘅羊皮紙或牛皮紙上，並附有封印。

羊皮紙（parchment）係古時歐洲人用嘅紙。

羊皮紙係一種書寫材料，由經過特別處理但未經鞣製嘅動物皮製成，主要來自羊、牛犢同山羊。佢喺西亞同歐洲已經使用咗超過兩千年。到公元四百年左右，當地好多重要文獻都由紙莎草轉寫到羊皮紙上保存。

牛皮紙（vellum ）係一種高品質嘅羊皮紙，通常用幼年動物（例如羊仔或牛仔）嘅皮製成。另一方面，一啲圖書館同博物館會用「動物膜」（animal membrane）做統稱，以避免嚴格區分羊皮紙同牛皮紙。