梨屬

  呢篇文講梨嘅樹種。揾緊同一個題目嘅生果？請睇「梨」。

  「梨樹」跳轉到呢度。假如你想揾嘅係中國吉林四平一個縣，請睇「梨樹縣」。

How to read a taxobox 梨屬
梨花
物種分類
域(Domain): 真核域 Eukarya 界 植物界 Plantae 門(Divisio): 被子植物門 Magnoliophyta 綱 雙子葉植物綱 Magnoliopsida 目 薔薇目 Rosales 科 薔薇科 Rosaceae 屬 梨屬 Pyrus Carolus Linnaeus

梨屬（粵拼：lei5 suk6；學名：Pyrus），日常生活叫梨樹（粵拼：lei5 syu6），係屬於被子植物門雙子葉植物綱薔薇科蘋果亞科嘅植物，佢嘅果係梨。葉係鵝蛋形，花係白色，有一啲會帶黃或者粉紅。梨樹嘅木，亦都適合做傢俬。

梨樹多數係落葉樹；喬木或者係灌木，但係有一兩個品種響東南亞係常綠樹。樹原本係歐、亞、非三洲溫帶生長，本身都好抵得冷。

文化

【梨】響書面文裏面係指梨樹呢種植物，唔係只係隻生果。【梨】亦有老或者年紀大嘅意思。有『孔融讓梨』嘅故仔。【梨園】係唐代教音樂戲曲嘅地方，之後泛指戲班，學戲嘅戲子叫【梨園子弟】。

梨花又係人名，例如薛丁山與樊梨花，梨花亦係日本人名。美國作家 Vladimir Nabokov 嘅小說 "Lolita" 被譯成《一樹梨花壓海棠》。

中文裏面，梨同離同音，唔係咁吉利。所以有啲時候會避忌。【梨】嘅異體字係【棃】。