埃及

埃及（英文名：Egypt），此地立拉上古辰光，曾经有过邪气辉煌个古文明。弗过到古罗马辰光已经衰落，之后先后经历基督教搭回教个传播，乃朝已经是伊斯兰国家搭阿拉伯国家。搭老早个古文明，联系弗大哉。

历史

埃及个历史可以分成古埃及、托勒密埃及、罗马时代埃及、基督教埃及、中古埃及、近代埃及搭当代埃及几个部分。个当中，有两趟邪气大个断档，第一趟是基督教立在埃及个传播，这让老早个古埃及宗教搭社会完全发生变化。第二趟是回教立在7世纪进入埃及，并强制同化大部分埃及人，之后，埃及个语言也变成阿拉伯文。伊拉个文化更搭中东完全一路哉。

近代个埃及，大部分是奥斯曼帝国个总督默罕默德阿里帕夏创造个，伊立在19世纪初统治埃及，实施近代化举措，也让埃及人重新发现自家个历史。到20世纪初，埃及是英国个保护国，有一个法鲁克王朝，到二战结束，王朝畀军人推翻，之后，纳赛尔、萨达特、穆巴拉克先后建立军人统治，到2012年，暴法阿拉伯之春个社会动荡，穆斯林兄弟会趁乱上台，推行沙利亚教法，引发国内个反抗，2013年，埃及军人再次政变，让塞西取代穆兄会，埃及又重新回到军人政治个老路哉。

经济

埃及嘸海湾国家介多个石油资源，弗过，经济还算全面。

工业

埃及个工业基础立在阿拉伯国家当中算比较好个，有一定个工业制造能力。伊拉个尿素生产，邪气出名，也成为迭个国家重要个出口商品。

旅游业

因为上古辰光个文明遗留，埃及乃朝也是一个旅游业个中心。旅游每年要贡献邪气大个GDP，弗过，因为恐怖活动多，近两年旅游业也受到冲击。

人口

埃及个人口增长，是邪气快个，乃朝个人口已经将近9000万人，立在阿拉伯世界，是顶顶多个，甚至超过其余北非国家个总和。同时，埃及个人口出生率，一直嘸下降个趋势，尽管埃及政府也想过要计划生育，弗过因为回教信仰个根深蒂固，基本呒可能推广。人口个增长带来经济个负担，这也畀人认为是2012年阿拉伯之春爆发个一个因素。

民族

埃及个人口，大部分自认是阿拉伯人，伊拉对埃及人个认同，朆有对阿拉伯人认同高。

宗教

埃及老早个古埃及宗教立在公元4世纪就逐渐灭脱，后势来个基督教，也大部分畀伊斯兰教取代，乃朝，迭个国家是一个拿伊斯兰作为主要宗教个国家。将近90%个人口是穆斯林。此外，坚持基督信仰个人口有7%-10%，伊拉大部分是科普特基督徒，也稍许有一眼希腊正教会搭亚美尼亚教会个信徒。埃及个宗教压迫是蛮结棍个，假使有穆斯林要皈依基督教，会遭到政府个压制搭社会个严重迫害。

语言

埃及官方语言为阿拉伯语，大多数国民亦视作母语；及嫡语（古埃及语变得来）只来拉及嫡人基督教堂个仪式上使用。另外，大城市搭著旅游区通用英语、法语。 原始埃及语（用象形文字）来拉公元3-4世纪畀拉及嫡语（用及嫡字母）取代。公元7世纪后期，阿拉伯穆斯林征服埃及后，阿拉伯语逐渐成为通用语言，但是及嫡语情原广泛使用。但是到著15世纪，日常生活就弗用及嫡语，侪改用阿拉伯语哉。