ôrimiele

Walon (Rifondou)

Etimolodjeye

Aplacaedje tîxhon : «ôr» + «miele» (avou « i » eterloyant), miele d' ôr.

Prononçaedje

• AFE :
  • diferins prononçaedjes : /õ.ʀi.ˈmjɛl/ /oː.ʀi.ˈmjɛl/ /õ.ʀe.ˈmjɛl/ /õ.ʀy.ˈmjɛl/ /aː.ʀi.ˈmjɛl/ /a.ʀi.ˈmjɛl/ /ɔ.ʀi.ˈmjɛl/ /õ.ˈʀmjɛl/ /õʀ.mi.ˈjɛl/ /wuʀ.mi.ˈjæːl/ /wuʀ.mi.ˈjɛl/ miersipepieuzmint e l’ notule ALW 8.54 (lijhåve vaici); (betchfessî ô) (36 prononçaedjes).
  • prononçaedje zero-cnoxheu : /õ.ʀi.ˈmjɛl/
• Ricepeures : ôri·miele

Sustantif

singulî	pluriyal
ôrimiele	ôrimieles

ôrimiele omrin

1. (oujhea) gros djaene oujhea (del famile des sprewes) avou des noers penas (pol måye), mins foirt catchete, et målåjhey a vey; li frumele est bråmint pus ptite et avou ene vete coleur ki l’ sincieus no, c’ est : Oriolus oriolus.
   • Des råskignoûs, tchak-tchaks, orondes,
     Rodje-faces, ôrimieles et moxhons,
     Sizets, tchampinnes, beles et totes rondes,
     Grossès poyes d' aiwe, sours des pexhons… — Joseph Hens (fråze rifondowe).
   • Divins les priyestîs, l' ôrimiele et l' tchampinne,
     Gastént-st on dierin côp dvant do rcweri leu nid. — Joseph Mignolet, "Fleûrs di prétins", p.91 (1929), "Li Bon Diu èt l’èfant" (1916) (fråze rifondowe).
   • Come l' ôrimiele so ls åbes del praireye,
     Tchantans l' amour avou nosse pus doûce vwès ;
     Li tins beni k' on-z a pô d' ses oreyes
     Po s' schoûter dire : « Todi-måy, dji vs inmrè ! » — Jean Dessard, D'ine cohe so l'aute, 1939, p.13, Tchantans l’ prétins (1937) (fråze rifondowe).
2. (imådjreçmint) ome ki n' vos mostere nén come il est.
   • I m' faleut foirci l' ôrimiele a moussî foû di s' terêye — Joseph Lahaye (fråze rifondowe).
   • Po vindjî nosse gamén — dji l' a prometou a s' mame cwand dj' esteu-st al môre —, i m' faleut foirci l' ôrimiele a moussî foû di s' terêye — Joseph Lahaye (fråze rifondowe).
   • I fåt qui dji vs esplike çoula et vos voeroz kén ôrimiele ki m' monmonke esteut. — Dieudonné Salme, "Guiyåme li bracneu", 1903, p.9 (fråze rifondowe).
3. arnåjhe efant.
   • Dj' inme tant d' loukî viè ls ôrimieles
     Ariver les flots ki s' hevèt,
     Tot dispårdant des clairès pieles
     Emey les croles di leus blonds tchveas. — Martin Lejeune, Œuvres lyriques du poète wallon Martin Lejeune, p.155, « So l’ bwérd dèl mér » (fråze rifondowe).

• 
• 

Ratourneures

1. on drole d' ôrimiele : èn ome ki n' si cdût nén come les ôtes.

   F. individu, zigoto.

Sinonimeye

gros djaene oujhea

• lôriot
• ôriole
• copere-lôriot
• colåd-piråd
• måvi d' ôr
• colåbriyåd

ome fås

• vexhåd

Sipårdaedje do mot

w. do Levant

ôⁿrimièle, ôrimièle, onrimièle, ôrémièle, ôrumièle, ôrimièle, ârimièle, arimièle, orimièle, ôrémièle, ôrëmièle, ôlumiêre, ôrmièle, ôrmiyèle, wourmiyinle, wourmiyèle

Ratournaedjes

ôrimiele

• Francès : loriot ^(fr)

ôrimiele

• Francès : rusé ^(fr), filou ^(fr)

ôrimiele

• Francès : espiègle ^(fr)

Waitîz eto

Lijhoz l’ årtike ôrimiele so Wikipedia