Fikr

Fikr
	;
Qardosh loyihalar
	Vikipediyadagi maqola Vikimaʼlumotlar sahifasi Vikilugʻatdagi maʼnolari Vikiombordagi tasvirlar

Fikr (arabcha: فِكْر‎‎ — tafakkur, gʻoya; aql, oʻylash, oʻy, xayol, mulohaza) — biror narsa, hodisa yoki kimsa haqida oʻy, xayol.

A

Aqlli kishi oʻz fikrining mevalaridan bahramand boʻladi^[1].

— Otalar soʻzi

Ayrim fikrlar bir yerga jamlangan nur oqimidek odamni u qadar charchatmaydi^[2].

— P. Baust

B

Buyuk fikrlarga vaqt ham kor qilmaydi, ular koʻp asrlar muqaddam oʻz mualliflari ongida dastlab qay tarzda yuzaga kelgan boʻlsalar, hozir ham xuddi oʻshanday dolzarbligicha qolaveradilar^[3].

— Samuel Smiles

F

Fikrlamoq bir oynadir, senga yaxshi va yomon amallaringni koʻrsatadi^[4].

— Fuzayl ibn Iyoz

Fikrlash qobiliyati skripka yoki royal chalishga oʻxshaydi. U bilan har kuni shugʻullanib turish kerak^[5].

— Charlie Chaplin

Fikr qalbga kiruvchi nurdir^[6].

— Sufyon ibn Uyayna

Fikr va hikmatli soʻzlar, xonani bezab turgan gul singari koʻngilni bezaydi^[7].

— Effendi Kapiyev

Fikr — yaxshilik va yomonliklarni koʻrsatadigan oyina^[6].

— Hasan al-Basriy

G

Gapirishda sukutdan, anglab yetishda fikrdan madad olinglar^[6].

— Imom Shofeʼiy

Goʻzal tashbehlar goʻzal fikrga yarashib, uni avaylab turadi^[7].

— Viktor Gyugo

I

Ibodatning kaliti fikrdadir. Istaklarning alomati shahvatlar ketidan quvishdadir. Allohga tavakkulning (suyanish) alomati esa istaklardan voz kechishdir^[8].

— Zunnun Misriy

K

Kimki oʻz fikriga magʻrurlanib ish tutsa, yoʻldan adashadi. Kimki oʻz aqliga suyanib, oʻzgalar bilan hisoblashmasa, xorlik tortadi^[9].

— Muhammad Zehniy

L

Loʻnda fikrlarning afzalligi shundaki, ular jiddiy kitobxonni oʻzicha oʻylashga majbur etadi^[10].

— Lev Tolstoy

M

Muxtasar ifodalangan oʻtkir fikrlar hayotni yaxshilashga koʻp xizmat qiladi^[7].

— Sitseron

O

Oriflik — Allohni tanimoqdir, Allohni tanimoq — fikr yuritmoq va ixlosli boʻlmoqdir^[11].

— Abu Yazid Bastomiy

S

Soʻzlar — asrga, fikrlar esa asrlarga tatiydi^[7].

— Nikolay Karamzin

T

Teran fikrlar — aqlga oʻrnashgan poʻlat mixdek, ularni sugʻurib boʻlmaydi^[7].

— Deni Didro

Oʻ

Oʻzi bilan oʻzi oʻralashib, hech kimni tan olmay qoʻyganlarga taʼna boʻlmasinu, yaxshi fikr qayerdan olinganidan qatʼiy nazar, oʻzingning nodon fikringdan koʻra afzalroqdir^[10].

— Fransua de Lamot-Levaye

Sh

Shunday fikrlar borki, ularni benihoya keng maʼnoda qoʻllash mumkin; shu sababdan bunday fikrlar qanchalik koʻpchilikka mos shaklda ifodalangan boʻlsa, aql va yurakka shunchalik koʻp oziq beradi, ular shu darajada chuqur his etilgan fikrlar boʻlib chiqadi^[2].

— Lev Tolstoy

Ch

Chekmasmen oqshomlar shamning minnatin,
Chunki, fikrim shamdan shuʼlaliroqdur^[12].

— Pahlavon Mahmud

Manbalar

↑ Xomidiy & Hasaniy 1997, s. 61.
↑ ^2,0 ^2,1 Voronsov 1989, s. 9.
↑ Voronsov 1989, s. 8.
↑ Tursun 2006, s. 65.
↑ Rahmat BOBOJON tarjimasi: „Bolaligi boʻlmagan odamning keksaligi ham boʻlmaydi – Charli Chaplindan iqtiboslar“. Oyina.uz (28-yanvar 2025-yil).
↑ ^6,0 ^6,1 ^6,2 Tursun 2006, s. 60.
↑ ^7,0 ^7,1 ^7,2 ^7,3 ^7,4 Voronsov 1989, s. 10.
↑ Tursun 2006, s. 94.
↑ Tursun 2006, s. 156.
↑ ^10,0 ^10,1 Voronsov 1989, s. 11.
↑ Tursun 2006, s. 53.
↑ Xomidiy & Hasaniy 1997, s. 145.

Adabiyotlar

Xomidiy, Hamidjon; Hasaniy, Mahmud. Mashriqzamin hikmat boʻstoni ( PDF), Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5.
Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet.
Voronsov, Vladimir. Tafakkur gulshani ( PDF), Sharifa Abdurazzoqova tarjimasi, Toshkent: Gʻafur Gʻulom nomidagi Adabiyot va sanʼat nashriyoti, 1989 — 464-bet. ISBN 5-635-00915-X.

[FOOTNOTEXomidiyHasaniy199761-1] Xomidiy & Hasaniy 1997, s. 61.

[FOOTNOTEVoronsov19899-2] 2,0 ^2,1 Voronsov 1989, s. 9.

[FOOTNOTEVoronsov19898-3] Voronsov 1989, s. 8.

[FOOTNOTETursun200665-4] Tursun 2006, s. 65.

[:1-5] Rahmat BOBOJON tarjimasi: „Bolaligi boʻlmagan odamning keksaligi ham boʻlmaydi – Charli Chaplindan iqtiboslar“. Oyina.uz (28-yanvar 2025-yil).

[FOOTNOTETursun200660-6] 6,0 ^6,1 ^6,2 Tursun 2006, s. 60.

[FOOTNOTEVoronsov198910-7] 7,0 ^7,1 ^7,2 ^7,3 ^7,4 Voronsov 1989, s. 10.

[FOOTNOTETursun200694-8] Tursun 2006, s. 94.

[FOOTNOTETursun2006156-9] Tursun 2006, s. 156.

[FOOTNOTEVoronsov198911-10] 10,0 ^10,1 Voronsov 1989, s. 11.

[FOOTNOTETursun200653-11] Tursun 2006, s. 53.

[FOOTNOTEXomidiyHasaniy1997145-12] Xomidiy & Hasaniy 1997, s. 145.

[1]

[2]

[3]

[4]

[5]

[6]

[7]

[8]

[9]

[10]

[11]

[12]