ಯುನೈಟೆಡ್ ಅರಬ್ ಎಮಿರೇಟ್ಸ್
ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಉಂದು ಪಶ್ಚಿಮ ಏಷ್ಯಾದ ಅರೇಬಿಯನ್ ಪರ್ಯಾಯ ದ್ವೀಪದ ಮೂಡಾಯಿ ಕೊಡಿಟ್ ಇಪ್ಪುನ ಒಂಜಿ ದೇಶ. ಉಂದು ಏಳ್ ಎಮಿರೇಟ್ಸ್‌ಲೆನ್ ಸೇರ್ದ್ ಮಲ್ತಿನ ಫೆಡರಲ್ ಅರೆ-ಸಾಂವಿಧಾನಿಕ ರಾಜಪ್ರಭುತ್ವ ಆದುಂಡು. ಅಬುಧಾಬಿ ಯುಎಇದ ರಾಜಧಾನಿ ಆದುಂಡು. ಯುಎಇದ ಮೂಡಾಯಿಡ್ ಒಮಾನ್, ಯುಎಇದ ಪಡ್ಡಾಯಿ ಬೊಕ್ಕ ತೆಂಕಾಯಿಡ್ ಸೌದಿ ಅರೇಬಿಯಾ ಉಂಡು. ಪರ್ಷಿಯನ್ ಕೊಲ್ಲಿಡ್ ಸೌದಿ ಅರೇಬಿಯಾ, ಕತಾರ್, ಬೊಕ್ಕ ಇರಾನ್‌ದ ಒಟ್ಟುಗು, ಬೊಕ್ಕ ಒಮಾನ್ ಕೊಲ್ಲಿಡ್ ಒಮಾನ್‌ದ ಒಟ್ಟುಗು ಕಡಲ ಗಡಿಕ್ಲೆನ್ ಪಟ್ಟೊಂದುಂಡು. ೨೦೨೪ನೇ ಇಸವಿದ ಪೊರ್ತುಗು, ಯುಎಇಡ್ ೧.೧ ಕೋಟಿ ಜನಸಂಕೆ ಇತ್ತ್ಂಡ್. ದುಬೈ ಈ ದೇಶದ ಮಾಮಲ್ಲ ಪೇಂಟೆ ಆದುಂಡು. ಇಸ್ಲಾಂ ಈ ದೇಶದ ಧರ್ಮ. ಅರೇಬಿಕ್ ಮುಲ್ಪದ ಅಧಿಕೃತ ಭಾಷೆ ಆಂಡಲಾ, ಇಂಗ್ಲಿಷ್ ಬಾಸೆಲಾ ಮಸ್ತ್ ಜನ ಪಾತೆರುನ ಬೊಕ್ಕ ವ್ಯಾಪಾರದ ಭಾಷೆಯಾದ್ ಗಲಸುವೆರ್.[1]
ಮಾಮಲ್ಲ ಪೇಂಟೆ ಆಯಿನ ದುಬೈ, ಈ ದೇಸೊದ ಪಣವು, ಪ್ರವಾಸೋದ್ಯಮ ಬೊಕ್ಕ ವಾಣಿಜ್ಯದ ಅಂತರಾಷ್ಟ್ರೀಯ ಕೇಂದ್ರವಾದ್ ಬೇಲೆ ಮಲ್ಪುಂಡು. ಮುಲ್ಪದ ಜನಸಂಖ್ಯೆಡ್ ೧೧% ಮಾತ್ರ ಜನೊಕುಲು ಮೂಲ ದೇಸೊದಕುಲು. ಬಾಕಿದ ಮುಕಾಲ್‌ವಾಸಿ ಜನಕುಲು ಪಿದಯಿ ಊರುದಕುಲು ಬೊಕ್ಕ ಬೇಲೆ ನಾಡೊಂದು ಬತ್ತಿನ ವಲಸೆ ಕಾರ್ಮಿಕೆರ್ ಆದುಲ್ಲೆರ್.[2][3] ಇಂದೆಟ್ಲಾ ಎಚ್ಚ ಜನ ದಕ್ಷಿಣ ಏಷ್ಯಾದಕುಲು. ಯುಎಇಡ್ ಪ್ರಪಂಚದ ಏಳನೇ ಮಾಮಲ್ಲ ತೈಲ ನಿಕ್ಷೇಪೊಲು ಉಲ್ಲ. ಅಂಚನೆ ಬೊಕ್ಕ ಏಳನೇ ಮಾಮಲ್ಲ ನೈಸರ್ಗಿಕ ಅನಿಲ ನಿಕ್ಷೇಪೊಲು ಉಲ್ಲ.[4][5] ಯುಎಇ ಗಲ್ಫ್ ಸಹಕಾರ ಮಂಡಳಿದ ಸದಸ್ಯರಾಷ್ಟ್ರಲಾ ಆದುಂಡು. ೨೧ನೇ ಶತಮಾನಡ್ ತೈಲ ಸಂಪನ್ಮೂಲೊಲೆದ ಮಿತ್ತ್ ಅವಲಂಬನೆನ್ ಕಮ್ಮಿ ಮಲ್ತೊಂದು ಪ್ರವಾಸೋದ್ಯಮ ಬೊಕ್ಕ ವ್ಯಾಪಾರದ ಮಿತ್ತ್ ಜಾಸ್ತಿ ಗಮನ ಕೊರೊಂದುಂಡು. ವಿಶ್ವಸಂಸ್ಥೆ, ಅರಬ್ ಲೀಗ್, ಆರ್ಗನೈಸೇಶನ್ ಆಫ್ ಇಸ್ಲಾಮಿಕ್ ಕೋಆಪರೇಷನ್, ಆಲಿಪ್ತ ಚಳುವಳಿ, ವಿಶ್ವ ವ್ಯಾಪಾರ ಒಕ್ಕೂಟ, ಬೊಕ್ಕ ಬ್ರಿಕ್ಸ್‌ದ ಸದಸ್ಯ ಆದುಂಡು.
ಕಿನ್ಯ ಇತಿಯಾಸೊ
[ಸಂಪೊಲಿಪುಲೆ]ಸುಮಾರು ೧೫೦೦ನೇ ಇಸವಿದ ಪೊರ್ತುಗು ಪೋರ್ಚುಗೀಸೆರ್ ಈ ಜಾಗೆಗ್ ಬತ್ತ್‌ದ್ ಪರ್ಷಿಯನ್ನೆರೆನ ವಿರುದ್ಧ ಲಡಾಯಿ ಮಲ್ತ್‌ದ್ ಮುಲ್ಪ ಅಕುಲೆನ ನೆಲೆಕ್ಲೆನ್ ಸ್ಥಾಪನೆ ಮಲ್ತೆರ್. ೧೯ನೇ ಶತಮಾನದ ಪೊರ್ತುಗು, ಮುತ್ತು ದೆಪ್ಪುನವು ಪ್ರಮುಖ ಆರ್ಥಿಕ ಚಟುವಟಿಕೆ ಆಯಿನೆರ್ದಾವರ, ಕೊಲ್ಲಿಡ್ ಕಡಲ್ಗಳ್ಳತನ ಮಸ್ತ್ ಜಾಸ್ತಿ ಆಂಡ್. ಇಂದೆಡ್ದಾತ್ರ ಈ ದೇಸೊದ ರಕ್ಷಣೆಗಾತ್ರ ಪಂಡ್‍ದ್ ಬ್ರಿಟಿಷೆರ್‌ಲಾ ಇಡೆ ಬತ್ತ್‌ದ್ ಉಂತಿಯೆರ್. ಸ್ಥಳೀಯ ಶೇಖ್‌ಶಾಹಿಲು ಬ್ರಿಟೀಷೆರೆನ ಒಟ್ಟುಗು ಒಪ್ಪಂದ ಮಲ್ತ್‌ದ್ ಟ್ರೂಷಿಯಲ್ ಸ್ಟೇಟ್ಸ್ ಪನ್ಪಿನ ಬ್ರಿಟಿಷ್ ರಕ್ಷಿತ ಪ್ರದೇಶನ್ ಉಂಡು ಮಲ್ತೆರ್.[6] ೧೯೭೧ನೇ ಇಸವಿ ಮುಟ್ಟ ಯುನೈಟೆಡ್ ಅರಬ್ ಎಮಿರೇಟ್ಸ್ ಟ್ರೂಷಿಯಲ್ ಸ್ಟೇಟ್ಸ್ ಪುದರ್‌ಡ್ ಬ್ರಿಟಿಷೆರೆನ ಪ್ರಭಾವದ ಅಡಿಟೇ ಇತ್ತ್ಂಡ್. ೧೯೭೧ನೇ ಇಸವಿಡ್ದ್ ಯುಎಇಗ್ ಪೂರ್ತಿ ಸ್ವಾತಂತ್ರ್ಯ ತಿಕ್ಕಿಂಡ್. ಅಬುಧಾಬಿದ ಆಡಳಿತಗಾರೆ ಬೊಕ್ಕ ದೇಶದ ಸುರುತ ಅಧ್ಯಕ್ಷೆರಾಯಿನ ಜಾಯೆದ್ ಬಿನ್ ಸುಲ್ತಾನ್ ಅಲ್ ನಹ್ಯಾನ್, ಸ್ವಾತಂತ್ರ್ಯೊದ ಪೊರ್ತುಗು ಪೊಸತಾದ್ ತಿಕ್ಕಿನ ತೈಲದ ಆದಾಯೊನು ಆರೋಗ್ಯ, ಶಿಕ್ಷಣ, ಬೊಕ್ಕ ಮೂಲಸೌಕರ್ಯದ ಮಿತ್ತ್ ಪಾಡ್‌ದ್ ದೇಸೊ ಮಲ್ಲ ಮಟ್ಟ್‌ದ ಬುಲೆಚಿಲ್‌ ಪಡೆವರ ಕಾರಣ ಆಯೆರ್ ತೂವೊಂಡೆರ್.[7]
ಉಲ್ಲೇಕಲು
[ಸಂಪೊಲಿಪುಲೆ]- ↑ "The Federal Boundaries of the United Arab Emirates" (PDF). Archived (PDF) from the original on 13 July 2023. Retrieved 28 March 2024.
- ↑ "United Arab Emirates Country Summary", The World Factbook (in ಇಂಗ್ಲಿಷ್), Central Intelligence Agency, archived from the original on 2 November 2023, retrieved 2 November 2023
- ↑ "By Location | Pivot Table | Data Portal".
- ↑ "Production of Crude Oil including Lease Condensate 2016" (CVS download). U.S. Energy Information Administration. Archived from the original on 27 April 2017. Retrieved 27 May 2017.
- ↑ U.S. Energy Information Administration, International Energy Statistics Archived 16 ಆಗೋಸ್ಟು 2016 at the Wayback Machine, accessed 17 January 2019.
- ↑ Pennel, C.R. (2001). Bandits at Sea: A Pirates Reader. NYU Press. p. 11. ISBN 0814766781.
- ↑ "United Arab Emirates profile". BBC News. 14 November 2012. Archived from the original on 27 November 2020. Retrieved 28 March 2024.