Tigẓẓlt

Tigẓẓlt (Amagut nns: Tigẓẓal) tga yan usknaf tawdurant ɣ tɣssa n imudar, ɣ mad iẓlin s ufgan ar dars ttilin-tt snat tgẓẓal dar amaka n mddn, ilin kra n wid dar tlla ɣar yat (5% n mddn), tawuri nnsn izwarn ad isizdg idammn da- tn zzizdignt (ar sfllasn sittiynt arras zun d Yuri d ukryatinin), maccan ar daɣ ttawsnt ɣ umyas n iɣrɣr agʷnsan, d usggm n uduz n idammn (Aṭansyu) acku ar ṭṭaynt yan wurmun mi ismn Arinin da- t ittalln, gnt yan usknaf da lkkmn bahra iẓuṛan n idammn. Kra iga tt tigẓẓlt ar gis ttilin ma ittggan mnnaw id mlyun n ifrdisn ar asn ttinin Anifrun, ku Yanifrun gis yat tkura d yat uslda, d nttan ad igan amstggar n tidt f twuri n tgẓẓal.

Tigẓẓlt, yan usknaf igan tin tudrt n imudar

Aglam

Talɣa

Kra iga tt tigẓẓlt trwas ɣ talɣa ⵏns tin yan wabaw, asgum ⵏns uɣzif iwala tasga d wadday.

Afⵍla nns imgala s kra n kṛaḍ niɣ d kkuẓ n usantimitr d uḍṛf amuẓun, imma izddar ⵏns yaggug uggar, imgala dis s yan smmus niɣ d ṣḍiṣ n usantimitr.

Tigẓẓlt trwas yan wabaw ɣ talɣa nns.

Ida

Tigẓẓal gant yaⵏ usknaf ilⵍan ɣ ugns n idmarn-adis, gant snat, yat ɣ ufasi ṭayyaḍ ɣ uẓlmaḍ, ilint ɣ tɣrdin n uflus, sɣummrnt asnsul sɣ kra iga tt tasga.

Ida n tgẓẓal ɣ tɣssa

Astal d usɣal

Ku Tigẓẓlt ar as ilkkm usɣal nns sin d mraw cm ɣ tɣzi d ṣḍiṣ cm ɣ turrut, ar ilkkm ustal nns 120 n ugram dar urgaz d 130 dar tmɣart waxxa hati isqquln ad ur tn saswa dar mddn, kuyan d mnck ad ila.

Aklu

Aklu n tgẓẓal iga azggʷaɣ-urɣis, tuggra nns tkṛẓ.

Aglam

Llan dar tgẓẓlt sin wudmawn yan ar ittmnad s dat, wayyaḍ s ḍaṛat, snat tmwin ad dars, yat ittmnadn s wasa/ammas sɣ ar kccmn iẓuṛan, ffɣn sgis isura n imnɣal (ibẓḍan), ṭayyaḍ ittmnadn s tsga tga taɣnjawt ɣ talɣa ⵏns, tla tgẓẓlt sin isunaḍ niɣ d takṭṭutin: yan usanuḍ ɣ uflla d wayyaḍ ɣ izddar.

Imassan n ussikl

Takul (tzga) tgẓẓlt d twlsist da illan ɣ nnig, s ulfaf ugẓẓil, dln s sin isutal yan iga dat-ugẓẓil, wayyaḍ iga ḍaṛat-ugẓẓil. Isutal ad ar tmnnaggarn ɣ kṛaḍ idɣarn:

Ɣ uflla: iggi n taytrt n twlsist ann, asatul ad yakul s ilft.

Ɣ wadday: ar ittqqn taytrt n tgẓẓlt

Ɣ ugns: ar tt kullu ittqqn.

Alfaf ugẓẓil ar ittazn gr tgẓẓlt d twlsist tanigẓẓlt yat tabya da yaṭṭun gratsnt.

Ɣ irni n twuri n ulfaf n ugẓẓil ɣ mad iẓlin s ussikl tili taytrt tamadunt (tadunt).

Tasngzmt

Tasngzamt n yat tgẓẓlt