Wikipedia:Bainvegni
Bainvegnì tar la Vichipedia, l'enciclopedia libra.
Tge è la Vichipedia?
[modifitgar il code]Vichipedia
[modifitgar il code]La Vichipedia fa part dal moviment internaziunal da Wikimedia che s'engascha per l'access liber a la savida sco dretg fundamental da l'uman sin furmaziun. Sco enciclopedia libra è la Vichipedia il pli enconuschent dals 16 projects da Wikimedia e sa concentrescha sin la creaziun e la derasaziun d'artitgels enciclopedics.
Projects da Wikimedia (Wikiversum)
[modifitgar il code]En tut cumpiglian ils projects da Wikimedia u er numnada «Wikiversum», 16 projects. Da quels fan part actualmain (situaziun dal 2026):
Wikipedia, l'enciclopedia libra – Wikidata – Wikifunctions - Wikimedia Commons – Wiktionary – Wikibooks – Wikiquote – Wikisource – Wikiversity - Wikivoyage - Wikispecies – Wikimedia Incubator – Meta-Wiki – MediaWiki – Wikimania – Wikimedia Outreach.
Dapli infurmaziuns en curt chattas ti a la fin dal text: Agid:Utensils
Wikimedia Foundation (WMF)
[modifitgar il code]La Wikimedia Foundation è vegnida fundada il 2003 dal confundatur da Vichipedia Jimmy Wales. Ella è ina fundaziun d'utilitad publica tenor il dretg american cun sedia a San Francisco e maina la Vichpipedia sco er ulteriurs projects da Wikimania. Lur finmira è da far accessibel la savida libra sin l'entir mund.
La WMF metta a disposiziun l'infrastructura tecnica ed organisatorica e sustegna il moviment da Wikimedia internaziunal cun ses numerus voluntaris, sviluppaders ed organisaziuns. Latiers tutgan uniuns independentas da Wikimedia naziunelas, uschenumnads «chapters» sco Wikimedia CH, sco er gruppas d'utilisaders tematicas (User Groups).
Entant che la fundaziun è vegnida purtada a l'entschatta surtut da voluntaris, è ella sa sviluppeda ad in'organisaziun professiunala cun plirs tschients emploiads. Il 2023 ha ella occupà radund 700 collavuraturs.
Wikimedia CH
[modifitgar il code]Wikimedia CH è vegnì fundà il 2006 sco uniun d'utilitad publica ed è vegnì renconuschì il 2007 sco «chapter» da Wikimedia naziunal. Sco organisaziun autonoma è l'uniun giuridicamain e finanzialmain independenta da la Wikimedia Foundation ed è autorisada da duvrar la denominaziun protegida «Wikimedia». Wikimedia CH ha la finamira da promover e far enconuschent la lavur da las quatter communitads linguisticas en Svizra. Sco la fundaziun ha l'interpresa er cuntinuà ad expander en Svizra, per la quala èn engaschadas 16 persunes (situaziun dal 2026).
Projects da Wikimedia CH (situaziun dal 2026)
[modifitgar il code]- Community: Wikimedia CH sustegna voluntaris da Vichipedia e ses projects-sora, promova la diversitad da la communitad e s'engascha per savida libra. Cun contribuziuns finanzialas, stipendis ed indemnisaziuns dals custs da viadi sustegna l'uniun projects ed il barat tranter ils voluntaris.
- GLAM stat per «Galleries, Libraries, Archives and Museums». Wikimedia CH promova la collavuraziun cun instituziuns culturals per digitaliser lur collecziuns e per render libramain accessibel il patrimoni cultural svizzer sin l'entir mund.
- Education: Wikimedia CH collavura cun instituziuns da furmaziuns svizras per promover la qualitad dals projects da Wikimedia, per rinforzar la cumpetenza da medias e per motiver emprendistas ed emprendists, studentas e students sco er perscrutadras e perscutaders da collavurar a Vichipedia.
- Innovaziun: «L'Innovation Lab» è in spazi per ideas creativas, utensils, models e per promover innovaziuns en differents secturs d'accent (midada dal clima, furmaziun, GLAM e.u.v.). Il concept d'innovaziun s'integrescha en la strategia dal moviment da Wikimedia.
- Outreach: Wikimedia CH s'engascha per digitalisaziun, open source e savida libra. L'uniun sensibilisescha la politica e la societad per temas sco il dretg d'autur e la neutralitad da la rait e sustegna organisaziuns da la societad civila cun enconuschientschas professiunalas.