होन्शु

होन्शु (Honshu) जापानयागु दकलय् तःधंगु व मू न्हसिभु खः। थ्व न्हसिभुइ जापानयागु मू शहरत ला। थ्व जाभा (Java) लिपा हलिमया दकलय् अप्व जनसंख्या दुगु न्हसिभु खः।

भूगोल

होन्शुयागु क्षेत्र २२७,९६० वर्ग किलोमिटर ति दु। थ्व टापुयागु ७५% भाग गुंइ भुनाच्वंगु दु। जापानया दकलय् तःजाःगु च्वका माउन्ट फुजी (३,७७६ मिटर) थन हे ला। थ्व न्हसिभुयात प्रशान्त महासागर व जापान सागरं घेरे यानातःगु दु।

अर्थतन्त्र व शहर

जापानयागु मू आर्थिक व सांस्कृतिक केन्द्रत थन हे दु।

• टोकियो (जापानी: 東京, उच्चारणः तोउक्योउ) जापानया राजधानी व दक्ले तःधंगु नगर ख। थ्व नगरया जनसंख्या लगभग ८६ लखः दु। टोक्यो क्षेत्रय् दूगु १.२८ कोटी व उपनगरीय क्षेत्रतयेत स्वाना थन अनुमानित ३.७ कोटी मनुत च्वनि। अतः, थ्व हलिमया दक्ले अप्व जनसंख्या दूगु महानगरीय क्षेत्र ख। टोक्यो लगभग ८० किमीया क्षेत्रय् अवस्थित दु व थ्व क्षेत्रफलया दृष्टिं नं हलिमया दक्ले तःधंगु नगरीय क्षेत्र ख।
• ओसाका (Osaka): जापानया मू व्यापारिक केन्द्र। थ्व नगर योदो खुसिया मुहानय् ओसाका खाडीया सिथय् ला। इतिहासय् ओसाका जापानया मू व्यापारिक व आर्थिक केन्द्रया रूपय् विकसित जुल, गुकियात "जापानया किचन" (Nation's Kitchen) नं धाइ। थ्व नगर थःगु समृद्ध नसा तजिलजि व स्ट्रिट फुडया निंतिं नांजाः, दसु ताकोयाकी (Takoyaki) व ओकोनोमियाकी (Okonomiyaki)। ओसाका क्वाः (Osaka Castle) थ्व नगरया मू ऐतिहासिक व वास्तुशिल्पया चिं ख। थनया दोतोन्बोरी (Dotonbori) व शिन्साईबाशी (Shinsaibashi) लागा थःगु नियोन लाइट व व्यापारिक चहलपहलया निंतिं नांजाः। ओसाकाय् युनिभर्सल स्टुडियो जापान (Universal Studios Japan) नांया तःधंगु मनोरञ्जन पार्क दु। थ्व नगरया मनूत थःगु खुल्ला व्यवहार व न्हिला पहः (Kansai dialect) या निंतिं म्हसीकातःगु दु। ओसाका जापानया तःधंगु वित्तीय, औद्योगिक, व नौवहन केन्द्र ख। थ्व नगरय् अन्तराष्ट्रिय कन्साइ विमानस्थल (Kansai International Airport) दु। ओसाकां २०२५ या विश्व एक्स्पो (World Expo 2025) ग्वसाग्वःगु खः।
• क्योतो (Kyoto): पुलांगु राजधानी व सांस्कृतिक सम्पदाया शहर। थ्व कन्साई क्षेत्रय् लाःगु छगू ऐतिहासिक व सांस्कृतिक नगर ख। थ्व नगर सन् ७९४ निसें १८६८ दथुइ १००० दँ स्वया अप्वः ई जापानया राजधानी जुयाच्वन। थ्व नगरयात जापानया सांस्कृतिक व पारम्परिक नुगःया कथं म्हसीकिगु या। क्योतोय् द्वलंद्वः बौद्ध देगः, शिन्तो देगः, जापानी केबः, व शाही लाय्कू दु। थनया कियोमिजु-देरा (Kiyomizu-dera), लुंया मन्दः (Gold Pavilion), व फुशिमी इनारी ताएशा (Fushimi Inari Taisha) नांया देगःत हलिंन्यंक नांजाः। क्योतोया ऐतिहासिक स्मारक क्षेत्रयात युनेस्को विश्व सम्पदा क्षेत्र घोषणा यानातःगु दु। थ्व नगर थःगु पारम्परिक गेइशा (Geisha) संस्कृति, च्या नखः (Tea Ceremony), व उत्कृष्ट हस्तकलाया निंतिं नांजाः। क्योतो द्वितीय विश्वयुद्धय् बम प्रहारं यक्व प्रभावित मजूगुलिं थनया प्राचीन वास्तुकला आः नं सुरक्षित दु। थ्व नगरय् क्योतो विश्वविद्यालय थेंज्याःगु प्रसिद्ध शिक्षण संस्था व विश्वस्तरीय प्रविधि कम्पनीत नं दु। थनया अरशियामा (Arashiyama) पं व हेआन देगः पर्यटकीय आकर्षणया मू केन्द्र ख। क्योतो जापानया इतिहास, कला, व दर्शनया मू केन्द्र ख। थन दँय्‌दँसं लखौं अन्तराष्ट्रिय व स्थानीय पर्यटकत वइ। थ्व नगर आधुनिकता व प्राचीन परम्पराया उत्कृष्ट मिश्रण ख।
• हिरोशिमा जापानया होन्शु टापुया चुगोकू क्षेत्रया दक्ले तःधंगु नगर ख। थ्व नगर सेतो दुनेया सागर (Seto Inland Sea) या सिथय् सेता खुसि देल्ताय् ला। इतिहासय् हिरोशिमा छगू महत्त्वपूर्ण सैन्य व औद्योगिक नगरया रूपय् पलिस्था जूगु खः। थ्व नगर हलिम इतिहासय् न्हापांगु परमाणविक बम प्रहार (६ अगस्ट १९४५) जूगु नगरया रूपय् म्हसीकातःगु दु। परमाणु प्रहारं थ्व नगर पूर्ण रूपं ध्वस्त जूगु खः, तर लिपा थुकियात शान्तिया प्रतीक नगरया रूपय् पुनःनिर्माण यात। थौंकन्हे हिरोशिमा हलिम शान्ति व परमाणु निशस्त्रीकरणया मू केन्द्र ख। नगरय् दुगु हिरोशिमा शान्ति स्मारक (Atomic Bomb Dome) युनेस्को विश्व सम्पदा क्षेत्रय् सूचिकृत दु। हिरोशिमा नापं दुगु मियाजिमा न्हसिभु इत्सुकुशिमा देगः (Itsukushima Shrine) या लखय् दूगु तोरी ध्वाखा (Torii gate) तसकं नांजाः। थ्व नगर थःगु स्थानीय नसा ओकोनोमियाकी (Okonomiyaki) या निंतिं नं नांजाः। हिरोशिमा अटोमोबाइल उद्योग (दसु माज्दा कम्पनी) व भारी उद्योगया मू केन्द्र ख। थ्व नगरय् बांलाःगु यातायात प्रणाली, पार्क व सांस्कृतिक केन्द्रत दु। हिरोशिमा थःगु दुःखद् इतिहासयात पार यानाः छगू आधुनिक, शान्त व समृद्ध नगरया रूपय् पलिस्था जूगु दु। थन दँय्‌दँस ६ अगस्टय् शान्ति मेमोरियल समारोह याइ गन हलिंन्यंकया नेतात व पर्यटकत वइ।
• कोबे थ्व न्हसिभुया कन्साई क्षेत्रय् लाःगु ह्योगो प्रिफेक्चरया राजधानी नगर ख। थ्व नगर ओसाका खाडीया उत्तर-पश्चिम तटय् रोक्को च्वकाझ्वः व समुद्रया दथुइ ला। १८६८ य् विदेशीतय्‌गु निंतिं चायेकूगु न्हापांगु जापानी बन्दरगाह मध्ये थ्व छगू ख। थ्व नगर थःगु अन्तराष्ट्रिय प्रभाव, ऐतिहासिक पश्चिमी शैलीया छेँ (Ijinkan), व विविधतापूर्ण तजिलजिया निंतिं नांजाः। कोबे थःगु उच्च गुणस्तरया कोबे बीफ (Kobe Beef) या निंतिं हलिंन्यंक नांजाः। १९९५ या तःधंगु हान्शिन भुखाय् (Great Hanshin Earthquake) या विनाश लिपा थ्व नगरयात आधुनिक रूपं पुनःनिर्माण यात। थ्व नगर जापानया दक्ले तःधंगु व व्यस्ततम समुद्री बंदरगाह मध्ये छगू ख। थनया रोक्को च्वापुगुं (Mount Rokko) नं खनेदुगु नगर व खाडीया बहनिया लू (Night View) जापानया उत्कृष्ट दृश्यय् ला। कोबे इटाली, चीन, व पश्चिमी संस्कृतिया प्रभाव दुगु विविधतापूर्ण नगर ख। थ्व नगरय् बहुराष्ट्रीय कम्पनीया मूज्याकुथि, प्रविधि उद्योग व अनुसन्धान केन्द्रत दु। थ्व नगर थःगु फ्यासन, साके (Sake) अय्ला उत्पादन, व पर्यटकीय स्थलतया निंतिं म्हसीकातःगु दु। थ्व नगर कन्साई औद्योगिक क्षेत्रया छगू महत्त्वपूर्ण भाग ख।
• नागोया: थ्व चुबु क्षेत्रय् लाःगु आइची प्रिफेक्चरया राजधानी ख। थ्व नगर तोकियो व ओसाकाया दथुइ इइसे खाडीया सिथय् ला। नागोया जापानया दक्कले तःधंगु औद्योगिक व निर्माण केन्द्र ख। थ्व नगर अटोमोबाइल, एरोस्पेस, व प्रविधि उद्योगया निंतिं नांजाः, गन तोयोता (Toyota) कम्पनीया मू ज्याकुथि दु। इतिहासय् थ्व नगर एदो कालय् नागोया क्वाः (Nagoya Castle) या परिधिइ विकसित जूगु खः। थ्व नगरया नागोया क्वाः थःगु लुँया शिचिहोको (Gold Shachihoko) मूर्तिकिपाया निंतिं प्रसिद्ध दु। नागोयाइ दुगु अत्सुता देगः (Atsuta Shrine) जापानया दक्ले पवित्र शिन्तो देगलय् छगू ख। थ्व नगर थःगु अद्वितीय स्थानीय नसा गथे कि मिसो कात्सु (Miso Katsu) व हित्सुमाबुशी (Hitsumabushi) या निंतिं म्हसीकातःगु दु। नागोया जापानया यातायातया मू केन्द्र ख, गन सिन्कान्सेन बुलेट ट्रेन व तःधंगु राजमार्ग नेटवर्क स्वानाच्वंगु दु। थ्व नगरय् यक्व संग्रहालय, प्रविधि केन्द्र व विश्वविद्यालयत दु। नागोयाया अर्थतन्त्रं जापानया कुल औद्योगिक उत्पादनय् तःधंगु योगदान बियातःगु दु। थ्व नगर आधुनिक प्रविधि व ऐतिहासिक परम्पराया छगू बांलाःगु दसु ख।

स्वयादिसँ

• जापान