ກຸ່ມປະຕິການ

ໃນທາງລັດຖະສາດ ກຸ່ມປະຕິກິລິຍາ (ອັງກິດ: Reactionary) ຫຼືປະຕິການ (ອັງກິດ: Reactionist) ແມ່ນບຸກຄົນທີ່ມີທັດສະນະຄະຕິທາງການເມືອງທີ່ສະໜັບສະໜຸນໃຫ້ກັບສູ່ສະພາບເດິມ ຊື່ງແມ່ນສະພາບທາງການເມືອງຫຼືສະພາບສັງຄົມໃນອະດີດ ໂດຍບຸກຄົນນັ້ນເຊື່ອວ່າມີລັກສະນະເຊີງບວກທີ່ສັງຄົມໃນປະຈຸບັນບໍ່ມີຢູ່

ກຸ່ມປະຕິກິລິຍາແມ່ນເປັນກຸ່ມການເມືອງຝ່າຍຂວາຫຼືອະນຸລັກນິຍົມທາງອຸດົມການ ໂດຍກຸ່ມປະຕິກິລິຍາແມ່ນເປັນກຸ່ມທີ່ຕໍ່ຕ້ານການປ່ຽນແປງຂອງສັງຄົມ ໃນຂະນະທີ່ກຸ່ມອະນຸລັກນິຍົມພະຍະຍາມຮັກສາໂຄງສ້າງແລະຄວາມເປັນລະບຽບທາງສັງຄົມ - ເສດຖະກິດທີ່ມີຢູ່ ໃນຄວາມໝາຍທົ່ວໄປ ກຸ່ມປະຕິກິລິຍາໝາຍເຖິງການເມືອງແບບອະນຸລັກນິຍົມທີ່ຕໍ່ຕ້ານການປ່ຽນແປງໃນສັງຄົມ ການເມືອງ ແລະເສດຖະກິດ

ປະຕິກິລິຍາ ຫຼືປະຕິການ ມີໃຊ້ຄັ້ງທຳອິດໃນການປະຕິວັດຝະລັ່ງ (French Revolution) ໂດຍເປັນການຮຽກກຸ່ມຜູ້ນິຍົມລະບອບກະສັດຝະລັ່ງເຊີ່ງຖືກມ້າງເພໄປໃນການປະຕິວັດ ພາຍຫຼັງຖືກນຳໃຊ້ເປັນສັບທາງການເມືອງລັດທິຄອມມູນິດຫຼືສັງຄົມນິຍົມເຊີ່ງນຳໃຊ້ເພື່ອຮຽກຜູ້ຕໍ່ຕ້ານລັດທິຄອມມູນິດວ່າເປັນຜູ້ຕໍ່ຕ້ານການປ່ຽນແປງ ໃນພາສາລາວ ຄຳວ່າ ປະຕິການ ໝາຍເຖິງກຸ່ມຕໍ່ຕ້ານພັກປະຊາຊົນປະຕິວັດລາວແລະລັດຖະບານລະບອບໃໝ່ເຊິ່ງເກີດເປັນສາທາລະນະລັດປະຊາທິປະໄຕປະຊາຊົນລາວພາຍຫຼັງການປະຕິວັດໃນປີ 1975