Eutropius (rerum gestarum scriptor)

Vide etiam paginam discretivam: Eutropius (pagina discretiva).

Flavius Eutropius, qui floruit altera parte saeculi IV, fuit rerum gestarum scriptor ac magister memoriae Flavi Valentis imperatoris.

De cursu honorum

Burdigalae fortasse natus^[1] magister epistularum Constantii II fuit ac deinde comes Iuliani imperatoris in Persas^[2] (paganus enim fuisse videtur). Anno 369 magister memoriae imperatoris Valentis^[3] cui Breviarium suum dedicavit. Postea anno 371/372 proconsul Asiae fuit: a successore Festo accusatus a iudicibus absolutus est^[4]. Deinde circa 379 Romae et ad Gratiani aulam versabatur^[5]. Anno 380/381 praefectus praetorio per Illyricum^[6] et anno 387 consul fuit una cum Valentiniano II imperatore^[7]. Praedia in Asia possidebat^[8].

Opera

Flavius Eutropius scripsit Breviarium historiae Romanae ab Urbe condita usque ad Iovianum imperatorem in decem libris quos imperatori Valenti dedicavit. Primus liber historiam a Romulo usque ad Furium Camillum narrat; ultimus ad annum Urbis conditae 1118 (hoc est ad annum 364 p.C.n.) peragitur. Tunc finem facit scriptor, hoc dicens:

Quia autem ad inclitos principes venerandosque perventum est, interim operi modum dabimus. Nam reliqua stilo maiore dicenda sunt. Quae nunc non tam praetermittimus, quam ad maiorem scribendi diligentiam reservamus.

Praeter historiam etiam medicinae operam dedit siquidem Marcello Empirico credimus^[9].

Notae

↑ Marcellus, De medicamentis, praefatio.
↑ Breviarium X.16.
↑ Breviarium, dedicatio.
↑ Ammianus Marcellinus XXIX.1.36. Libanius, ep. I.159.
↑ Symmachus III.50-51.
↑ Codex Theodosianus et Iustiniani.
↑ The Prosopography of the Later Roman Empire, 1971: I.317. Der Neue Pauly, Stuttgardiae 1999, T. 4, c. 322
↑ Symmachus III.53.
↑ De medicamentis, praefatio.

Fontes

Gregorius Nazianzenus, Epistulae 70-71
Quintus Aurelius Symmachus, Epistulae III.46-53

Editiones

Collection des Universités de France: Joseph Hellegouarc'h, Eutrope. Abrégé d'histoire romaine, Les Belles Lettres, 1999 (bilinguis)

Bibliographia

Beyer, Brian, editor. War with Hannibal Authentic Latin Prose for the Beginning Student. New Haven: Yale University Press, 2009. (Latine, Anglice)
Bird, H. W., interpres et commentator. Eutropius: Breviarium. Liverpolii: 1993. (Anglice)
A.H.M. Jones; J. R. Martindale; J. Morris. The Prosopography of the Later Roman Empire, Cambridge, 1971, t.I: 317
Keefer, Tracy D. Eutropius the Presbyter, Cerasia, and literary culture in Late Antiquity. Dissertatio apud Universitatem Carolinensem Meridianam, 2004.
Motta, Daniella. "Sull'uso del passato nei breviari tardoantichi e nella Historia Augusta." Storiografia ellenistica e tardoantica 2010, pp. 179–208.
Ferrero, Isobel Moreno. "La « breuitas » en los « Breviarios » históricos latinos : idiosincrasia, multifuncionalidad y práctica de un recurso literario." Homenaje a M. D. Verdejo (2010), p. 235-285.

Nexus externi

Lexica biographica: • Den store danske • Deutsche Biographie • Treccani • Store norske leksikon •

Breviarium ab Urbe condita (Latine)

Antecessores: Flavius Honorius et Flavius Euodius	Consul 387 cum Imp. Caesare Flavio Valentiniano Augusto III	Successores: Imp. Caesar Flavius Magnus Maximus Augustus II ; Imp. Caesar Flavius Theodosius Augustus II et Maternus Cynegius

[1] Marcellus, De medicamentis, praefatio.

[2] Breviarium X.16.

[3] Breviarium, dedicatio.

[4] Ammianus Marcellinus XXIX.1.36. Libanius, ep. I.159.

[5] Symmachus III.50-51.

[6] Codex Theodosianus et Iustiniani.

[7] The Prosopography of the Later Roman Empire, 1971: I.317. Der Neue Pauly, Stuttgardiae 1999, T. 4, c. 322

[8] Symmachus III.53.

[9] De medicamentis, praefatio.

[1]

[2]

[3]

[4]

[5]

[6]

[7]

[8]

[9]