Nayeon

Nayeon
Nayeon árið 2025
Fædd	Im Na-yeon 22. september 1995 (1995-09-22) Seúl, Suður-Kórea
Störf	Söngvari
Ár virk	2015–núverandi
Tónlistarferill
Stefnur	K-pop J-pop bubblegum
Hljóðfæri	Vocals
Útgefandi	JYP Warner Japan Republic
Meðlimur í	Twice JYP Nation
Vefsíða	twice.jype.com
Undirskrift

Im Na-yeon (kóreska: 임나연; fædd 22. september 1995), einnig þekkt sem Nayeon, er suður-kóresk söngkona. Hún varð fræg sem meðlimur í stúlknahljómsveitinni Twice, sem var stofnuð af JYP Entertainment í gegnum raunveruleikaþáttinn Sixteen (2015).

Nayeon gaf út stuttskífuna (EP) sína, Im Nayeon, í júní 2022. Platan náði efsta sæti á Circle Album Chart í Suður-Kóreu og sjöunda sæti á US Billboard 200, sem gerði hana að fyrsta suður-kóreska sólólistamanninum til að komast í efstu tíu á þeim vinsældalista. Aðal lagið Pop! náði öðru sæti á Circle Digital Chart í Suður-Kóreu og fór í topp tíu í sex löndum. Árið 2024 fékk Nayeon annað topp-sæti á Circle Album Chart og aðra topp-tíu stöðu á US Billboard 200 með sinni annarri stuttskífu Na.

Æska

Im Na-yeon fæddist 22. september 1995 í Gangdonghverfi, Seúl í Suður-Kóreu. Sem barn tók Nayeon þátt í fyrirsætu­keppni og var þá skráð af JYP Entertainment. Þrátt fyrir að móðir hennar hafi upphaflega komið í veg fyrir að hún færi í skemmtanabransann vegna ungs aldurs, sótti Nayeon í leyni opið prufuhald hjá fyrirtækinu 15. september 2010 og varð þar með þjálfunarnemi. Árið 2014 átti hún að frumsýna í stúlknahljómsveit sem átti að heita 6mix, en frumraun hópsins var aflýst þegar tveir meðlimir yfirgáfu JYP Entertainment. Hún kom einnig fram í öðru þætti sjónvarpsþáttaraðarinnar Dream High 2 árið 2012.

Menntun

Nayeon útskrifaðist úr Seoul Myeongwon-grunnskólanum, Seongdeok-stúlknaskólanum og Apgujeong-menntaskólanum. Áður en hún fór í Twice var hún nemandi við Konkuk-háskóla í leiklistar- og kvikmyndadeild. Á árinu 2018, á What Is Love? tímabilinu, upplýsti hún að hún hefði tekið sér „leyfi frá námi“ vegna annríkis í starfi.

Ferill

Árið 2015 tók Nayeon þátt í raunveruleikaþættinum Sixteen, keppni sem átti að ákveða meðlimi nýrrar stúlknahljómsveitar JYP Entertainment sem skyldi bera nafnið Twice. Hún var ein af níu þátttakendum sem komust í lokahópinn og í október sama ár debutaði hún formlega sem meðlimur Twice með útgáfu fyrstu stuttskífu þeirra (EP), The Story Begins.

Hinn 19. maí 2022 var tilkynnt að Nayeon myndi hefja sólóferil sinn með útgáfu fyrstu smáskífunnar Im Nayeon þann 24. júní. Diskurinn inniheldur sjö lög, þar á meðal aðal lagið „Pop!”, og samstarf við Wonstein og Felix úr Stray Kids. „Pop!” náði öðru sæti á Circle Digital Chart í Suður-Kóreu. Þann 10. júlí fékk Nayeon sinn fyrsta sigur á tónlistarþættinum SBS Inkigayo. Hún hlaut verðlaunin Best Female Artist á MAMA Awards 2022.

Önnur suttskífa Nayeon, Na, kom út 14. júní 2024. Hún inniheldur sjö lög, þar á meðal aðal lagið „ABCD”, og samstarf við Sam Kim og Julie úr Kiss of Life. Í febrúar 2025 hélt Nayeon sína fyrstu sólótónleika í Japan á Beat AX Vol.5, tónlistarhátíð sem Nippon Television hélt í Ariake Arena. Eftir tónleikanna náði túlkun hennar á laginu „Kimagure Romantic” eftir Ikimonogakari vinsældum á samfélagsmiðlum og upprunalega lagið fór aftur inn á vinsældalista á streymisveitum. Að beiðni Ikimonogakari gaf Nayeon út sína útgáfu sem stafræna smáskífu 30. maí.

Hinn 4. júlí 2025 kom Nayeon fram á Kaohsiung Beer Rock Festival, og varð þar með fyrsti meðlimur Twice til að spila á tónleikum í Taívan.