1630

Ár

Áratugir

Aldir

Árið 1630 (MDCXXX í rómverskum tölum) var 30. ár 17. aldar sem hófst á þriðjudegi samkvæmt gregoríska tímatalinu en föstudegi samkvæmt júlíska tímatalinu sem er tíu dögum á eftir.

Ísland

21. febrúar - Jarðskjálftar hófust á Suðurlandi og ollu nokkru tjóni. Hveravirkni í Biskupstungum breyttist. Hrundu margir bæir í Árnessýslu, fórust þar menn nokkrir og fénaður. Gerði og mikið tjón í Rangárvallasýslu. Urðu 6 menn undir húsum fyrir austan Þjórsá.
24. febrúar - Skálholtsstaður brann til grunna.
Gísli Hákonarson lét af embætti lögmanns sunnan og austan.
Íslandskort Joris Carolus, hollensks kortagerðarmanns, kom fyrst út. Það varð fyrirmynd flestra Íslandskorta í rúm 120 ár. ^[1]

22. febrúar - Frumbyggjar Ameríku kynntu poppkorn fyrir enskum landnemum.
Mars - Kósakkar gerðu uppreisn í Pólsk-litáíska samveldinu í nútíma-Úkraínu.
17. maí -
- Kýlapest breiddist út í Mílanó. Á einu ári dóu tveir þriðju íbúanna úr pestinni.
- Ítalskir stjörnufræðingar uppgötvuðu hringi Júpíters.
20. maí - Embætti þjóðminjavarðar Svíþjóðar var stofnað.
29. maí - Þrjátíu ára stríðið: Orrustan um Villabuona í Langbarðalandi. Heilaga rómverksa keisaradæmið vann sigur á Feneyingum og Frökkum sem misstu yfir 4.000 menn.
25. júní - Gústaf 2. Adolf steig á land með lið sitt í Rügen til að taka þátt í Þrjátíu ára stríðinu.
9. júlí - Sænski herinn lagði borgina Stettin undir sig.
18. júlí - Karl 1. Gonzaga gafst upp fyrir keisarahernum undir stjórn Jóhanns af Aldringen sem rændi Mantúu í kjölfarið.
13. ágúst - Albrecht von Wallenstein var settur af sem hershöfðingi.
25. ágúst - Portúgalar biðu ósigur fyrir Senarat konungi á Sri Lanka.
Ágúst - Svíar gerðu bandalag við borgina Magdeburg.
17. september - Borgin Boston í Bandaríkjunum var stofnuð af breskum landnemum.
10.-11. nóvember - Dagur flónanna: Misheppnuð tilraun Maríu af Medici til að velta Richelieu kardinála úr sessi.
13. nóvember - Svíar sigruðu her keisarans í orrustunni við Falkenberg.
25. desember - Svíar sigruðu her keisarans í orrustunni við Marwitz.

Paramaríbó í Súrínam var stofnuð af breskum landnemum.
Tvö hundruð Portúgalir voru drepnir í uppreisn innfæddra í Monomotapa í Austur-Afríku.
Torgið í Covent Garden í London var byggt.