Diego Armando Maradona
| Diego Maradona | ||
 | ||
| Profesiono: | Futbalisto | |
| Lando: |  Arjentinia | |
| Naskodato: | 30 di oktobro 1960 | |
| Nasko-loko: | Lanús, provinco Buenos Aires | |
| Mortodato: | 25 di novembro 2020 | |
| Morto-loko: | Tigre, provinco Buenos Aires | |
Diego Armando Maradona Franco (n. ye la 30ma di oktobro 1960 til la 25ma di novembro 2020) esis notora Arjentiniana futbalisto. Ilu helpis Arjentinia vinkar la Mondala Kupo di Futbalo en 1986.
Il recevis futbalo kande il evis tri yari, e balde havis granda intereso en la ludo; evante ok yari, ilua talento esis remarkata, ed il divenis membro di Los Cebollitas, juniora esquadro di Argentinos Juniors, de Buenos Aires. Il unesmafoye aparis en profesionala ludo di futbalo ye 20 di oktobro 1976, dek dii avan lua 16ma naskodio, kun la esquadro Argentinos Juniors, kontre Talleres de Córdoba.
De 1976 til 1981 il ganis 115 goli dum 167 apari kun Argentinos Juniors, e pose il transferesis a Boca Juniors, anke en Buenos Aires, per transfero-pago quar milion Usana dolari. En 1982 il transferesis a FC Barcelona en Hispania, per pago 7,6 milion dolari, ed en 1986 il transferesis a SSC Napoli en Italia, per pago 10 milion dolari. En la Mondala Kupo di Futbalo 1986 en Mexikia, il esis chefo di la esquadro di Arjentinia, qua vinkis West-Germania en la finala ludo.