«Վիքիմեդիա Հայաստան» գիտակրթական հասարակական կազմակերպությունը Ֆրիդրիխ Նաումանի «Հանուն ազատության» հիմնադրամի հետ համատեղ հոկտեմբերի 28-ից մինչև նոյեմբերի 1-ը կազմակերպում է «Վիքիպեդիան հանուն կենսաբազմազանության» արտագնա վիքիհավաքը։
Նախքան վիքիհավաքը այն մասնակիցների համար, ովքեր չեն տիրապետում Վիքիպեդիան խմբագրելու և հոդված ստեղծելու հմտություններին, սեպտեմբերի 30-ից հոկտեմբերի 18-ին կկազմակերպվի դասընթաց «Վիքիմեդիա Հայաստանի» գրասենյակում (հասցե՝ Երևան, Արշակունյաց պողոտա, 4, Մամուլի շենք, 4-րդ հարկ) և առցանց (օնլայն) տարբերակով։ Դասընթացի մասնակիցները, կախված ցուցաբերած արդյունքներից, կստանան «Վիքիպեդիան հանուն կենսաբազմազանության» վիքիհավաքին մասնակցելու հնարավորություն։
Հավաքը նախատեսված է 16 տարեկանը լրացած՝ նախապես գրանցված մասնակիցների համար։
Կացության, սննդի և տեղափոխման ծախսերը հոգում են կազմակերպիչները։
Մասնակիցը, հոդվածն ընտրելուց հետո, պետք է ստորագրի ցանկերի համապատասխան վանդակում։ Նախապես կարելի է ստորագրել միայն երկու հոդվածի անվան դիմաց։ Հոդված ստեղծելուց հետո կարող եք ստորագրել նոր հոդվածի անվան դիմաց։ Եթե ստորագրելուց հետո հոդվածը չստեղծվի 5 օրվա ընթացքում, ստորագրությունը կհեռացվի։
Հոդվածը ստեղծելուց հետո նրա քննարկման էջում հարկավոր է տեղադրել նախագծի հոդվածի կաղապարը։
