Salvaterra de Miño

	Nome oficial Salvaterra de Miño (gl) dende 1985; Salvatierra de Miño (es) dende 1916 ata 1985; Salvatierra (es) ata 1916
	Xentilicio Salvaterrense (it)

Salvaterra de Miño
	Nome oficial Salvaterra de Miño (gl) dende 1985; Salvatierra de Miño (es) dende 1916 ata 1985; Salvatierra (es) ata 1916
	Xentilicio Salvaterrense (it)
	Instancia de concello de Galicia
	Parte de Mancomunidade da Área Intermunicipal de Vigo
	Epónimo río Miño
	Lista do elemento eleccións municipais en Salvaterra de Miño
Implicados
	Xefe do goberno Cargo: alcalde de Salvaterra de Miño ; Marta Valcárcel Gómez (2019 - ); Arturo Grandal Vaqueiro
Localización
	Situado en provincia de Pontevedra, Galicia, España
	Capital O Castelo
	Comparte fronteira con Tui; A Caniza; Mondariz; Monção; As Neves; Salceda de Caselas; Ponteareas; Valença
OpenStreetMap
	Coordenadas 42°04′59″N 8°29′53″O / 42.083055555556, -8.4980555555556
Cifras e dimensións
	Poboación 8.320 (2001) rexistro civil; 8.240 (2002) rexistro civil; 8.019 (2004) rexistro civil; 8.375 (2005) rexistro civil; 8.505 (2006) rexistro civil; 8.761 (2007) rexistro civil; 9.140 (2008) rexistro civil; 9.293 (2009) rexistro civil; 9.456 (2010) rexistro civil; 9.546 (2011) rexistro civil; 9.677 (2012) rexistro civil; 9.816 (2013) rexistro civil; 9.626 (2014) rexistro civil; 9.619 (2015) rexistro civil; 9.566 (2016) rexistro civil; 9.657 (2017) rexistro civil; 9.691 (2018) rexistro civil; 9.819 (2019) rexistro civil; 9.990 (2020) rexistro civil; 10.048 (2021) rexistro civil; 10.079 (2022) rexistro civil; 10.274 (2023) rexistro civil; 10.471 (2024) rexistro civil; 10.617 (2025) rexistro civil
	Poboación feminina 4.914 (2019)
	Poboación masculina 4.905 (2019)
	Superficie 62 km²
	Superficie 62 km²
	Altitude 32 m
	Altitude 32 m
Código postal
Fontes e ligazóns
Código postal
Código postal	36450
Código INE	36050
OpenStreetMap	341380
VIAF	316733183
Freebase	/m/09k5rl
	Páxina WEB concellodesalvaterra.org
	Wikidata G:Commons C:Commons

Para outras páxinas con títulos homónimos véxase: Salvaterra e Miño.

Salvaterra de Miño^[1] é un concello da provincia de Pontevedra, pertencente á comarca do Condado. Segundo o IGE en 2024 tiña 10.459 habitantes. O seu xentilicio (véxase no Galizionario) é «salvaterrense».

Xeografía

O concello, de 62,5 km², está situado ao sur da provincia de Pontevedra, na confluencia dos vales do río Tea e o Miño. Limita ao norte con Mondariz e Ponteareas, ao sur con Monção (na beira portuguesa do Miño), ao leste coas Neves (a través dos montes da Paradanta) e ao oeste con Salceda de Caselas e a parroquia tudense de Caldelas de Miño.

Demografía

Nota: Este gráfico xerouse automaticamente a partir de datos recollidos de Wikidata. Se precisa cambiar ou actualizar algún dos datos, fágao no propio Wikidata.

Distribución de idade da poboación

Censo total de habitantes	10459
Menores de 15 anos	1278
Entre 15 e 64 anos	6378
Maiores de 65 anos	2443

Historia

O 24 de maio de 991 o rei Vermudo II doou á Arquidiocese de Santiago de Compostela o señorío e val de Salvaterra, herdado do seu pai Ordoño III. A fundación da vila de Salvaterra foi promovida en 1218 polo rei Afonso IX. O obxectivo era facilitar a viláns e pecheiros os medios de burlar os excesos dos señores feudais. Tralas guerras entre Tareixa de Portugal e Urraca de Castela a comezos do século XIII, Salvaterra pertenceu a Portugal. En 1643 foi ocupada por tropas castelás no marco da Guerra de restauración portuguesa. O nome de Salvaterra aparece no século XIV, cando se substituíu o topónimo da vila de Lazoiro.^[2]

Segundo relata Vasco da Ponte, logo da Gran Guerra Irmandiña, cando Pedro Madruga pasou a Portugal fuxindo do arcebispo de Compostela e do conde de Monterrei, asaltou a gornición de Salvaterra.

En 1568 o señor de Salvaterra, Diego Sarmiento, acudiu con 500 homes á defensa de Pontevedra contra as incursións do pirata Francis Drake, que xa desembarcara en Vigo.

Até 1916 recibía simplemente o nome de Salvaterra, pero coa reforma da nomenclatura municipal de España de 1916 pasou a chamarse Salvaterra de Miño para distinguilo doutros concellos de España, como Salvatierra-Agurain en Araba ou Salvatierra de Esca en Zaragoza^[3].

Cultura

Patrimonio

Castelo de Salvaterra (Pazo de Dona Urraca)
Covas de Dona Urraca
Murallas do século XVII
Capela da Oliveira
Igrexa de San Lourenzo de Salvaterra
Pazo de Lira
Pazo-torre de Petán
Portalón da Inquisición
Pazo de Barreiras
Pazo da Fillaboa
Ponte da Fillaboa
Pazo de Santo Amaro
Pazo do Piñeiro
Pazo de Souto

Pazo de Dona Urraca

O castelo de Salvaterra ou castelo de Dona Urraca é unha fortaleza medieval ao pé do río Miño. As súas orixes remóntanse aos séculos X e XI. Ocupa unha superficie de 9 700 m² conformados polo recinto amurallado coas súas garitas, a Casa do Conde, o Pazo de Dona Urraca e a Capela da Virxe da Oliva. Do século XII consérvanse as chamadas Covas de Dona Urraca, coa súa escaleira de caracol.

O castelo de Salvaterra e a súa contorna histórica foron declarados en 1949 Bens de Interese Cultural.

Etnografía

Festas e celebracións

Festa do viño do Condado.
Festival da Poesía no Condado.^[4]

Salvaterra na literatura popular

Vilanova é do rei,/ Salvaterra da raíña;/ se eu fora filla do rei/ Vilanova érache miña ^[5].

Economía

Salvaterra ten características de cidade satélite de Vigo, da cal dependen economicamente a meirande parte dos seus habitantes. Preto do núcleo principal da vila atópase un pequeno polígono industrial. A partir de 2001 comezou a proxectarse a Plataforma Loxística Salvaterra-As Neves (PLISAN), proxectada no leste do concello co obxectivo de aliviar a falta de solo industrial na Área Metropolitana de Vigo. Despois de vinte anos de litixios e construción^[6] promovida polo Consorcio da Zona Franca de Vigo, a Xunta de Galiza e o Porto de Vigo, espérase que se efectúe a construción de numerosas naves industriais de distintas firmas^[7]^[8] nos vindeiros anos.

Alén disto, destacan tamén a produción de viño, a extracción de áridos no río Mendo, o turismo e a pesca da lamprea.

Galería de imaxes

Vexa o artigo principal en: Galería de imaxes de Salvaterra de Miño

Castelo de Salvaterra, Pazo de Dona Urraca
Igrexa de San Lourenzo
Murallas de Salvaterra
Ponte da Fillaboa

Parroquias

Galicia \| Provincia de Pontevedra \| Parroquias de Salvaterra de Miño
Alxén (San Paio) \| Arantei (San Pedro) \| Cabreira (San Miguel) \| Corzáns (San Miguel) \| Fiolledo (San Paio) \| Fornelos (San Xoán) \| Leirado (San Salvador) \| Lira (San Simón) \| Lourido (Santo André) \| Meder (Santo Adrián) \| Oleiros (Santa María) \| Pesqueiras (Santa Mariña) \| Porto (San Paulo) \| Salvaterra (San Lourenzo) \| Soutolobre (Santa Comba) \| Uma (Santo André) \| Vilacova (San Xoán)

Lugares de Salvaterra de Miño

Para unha lista completa de todos os lugares do concello de Salvaterra de Miño vexa: Lugares de Salvaterra de Miño.

Notas

↑ Nomenclátor da Xunta de Galicia. Busca das parroquias de Salvaterra de Miño.
↑ Navaza, Gonzalo (2016). Universidade da Coruña, eds. "A orixe literaria do nome da Coruña". Revista Galega de Filoloxía 17: 119–164. ISSN 1576-2661. doi:10.17979/rgf.2016.17.0.1873.
↑ Méndez Fernández, Luz (2016). Real Academia Galega, ed. "Galicia no Decreto de 1916". Boletín da Real Academia Galega (377): 365–383. ISSN 1576-8767.
↑ "SCDCondado.org". Arquivado dende o orixinal o 29 de novembro de 2009. Consultado o 20 de setembro de 2010.
↑ Xaquín Lorenzo Fernández: Cantigueiro popular da Limia Baixa 1973, 161. San Salvador de Vilanova dos Infantes é parroquia de Celanova; Salvaterra de Miño, concello da provincia de Pontevedra.
↑ Prego, Carlos (2021-09-19). "La Plisan coge fuerza... en la veintena". Faro de Vigo (en castelán). Consultado o 2022-05-14.
↑ Carneiro, José (2022-05-06). "O polo industrial pesqueiro da Plisan colle forza cunha terceira factoría de 12.000 m2". Faro de Vigo (en castelán). Consultado o 2022-05-14.
↑ ue03523 (2020-08-31). "A matriz de Albo activa a “megaplanta” da Plisan para iniciar a súa actividade en 2022". Observatorio do solo empresarial. Consultado o 2022-05-14.

Véxase tamén

Bibliografía

Oya Pérez, Elisa. Informe Económico año 2004 Antena Salvaterra de Miño (en castelán).

Ligazóns externas

Gonzalo Navaza en "O Seminario de Onomástica responde (Real Academia Galega, 7.10.2024)

[1] Nomenclátor da Xunta de Galicia. Busca das parroquias de Salvaterra de Miño.

[navaza2016-2] Navaza, Gonzalo (2016). Universidade da Coruña, eds. "A orixe literaria do nome da Coruña". Revista Galega de Filoloxía 17: 119–164. ISSN 1576-2661. doi:10.17979/rgf.2016.17.0.1873.

[3] Méndez Fernández, Luz (2016). Real Academia Galega, ed. "Galicia no Decreto de 1916". Boletín da Real Academia Galega (377): 365–383. ISSN 1576-8767.

[4] "SCDCondado.org". Arquivado dende o orixinal o 29 de novembro de 2009. Consultado o 20 de setembro de 2010.

[5] Xaquín Lorenzo Fernández: Cantigueiro popular da Limia Baixa 1973, 161. San Salvador de Vilanova dos Infantes é parroquia de Celanova; Salvaterra de Miño, concello da provincia de Pontevedra.

[6] Prego, Carlos (2021-09-19). "La Plisan coge fuerza... en la veintena". Faro de Vigo (en castelán). Consultado o 2022-05-14.

[7] Carneiro, José (2022-05-06). "O polo industrial pesqueiro da Plisan colle forza cunha terceira factoría de 12.000 m2". Faro de Vigo (en castelán). Consultado o 2022-05-14.

[8] ue03523 (2020-08-31). "A matriz de Albo activa a “megaplanta” da Plisan para iniciar a súa actividade en 2022". Observatorio do solo empresarial. Consultado o 2022-05-14.

[1]

[2]

[3]

[4]

[5]

[6]

[7]

[8]