Río Biobío

Río Biobío
	Nome orixinal Río Biobío (es)
	Nome orixinal Río Biobío (es)
	Instancia de río
	Instancia de río
Localización
	Situado en Rexión de Biobío; Rexión de Araucanía
	País da cunca Chile
	Conca hidrográfica conca do río Biobío
	Desembocadura océano Pacífico
	Afluente Río Laja; Tavolevo River (en) ; Vergara River (en) ; Quilacoya River (en) ; Rió Bureo (pt) ; Río Duqueco (en) ; Río Huaqui (en)
	Lago do río Laguna Galletué (en)
OpenStreetMap
	Coordenadas 36°49′10″S 73°09′52″O / -36.8194, -73.1644
Cifras e dimensións
	Lonxitude 380 km
	Lonxitude 380 km
	Superficie cunca hidrográfica 23.920 km²
	Caudal 899 m³/s
OpenStreetMap
Fontes e ligazóns
OpenStreetMap
OpenStreetMap	5120221
VIAF	316747030
Freebase	/m/06bfgn
	Descrito pola fonte Encyclopædia Britannica ; Tema: 1911 Encyclopædia Britannica/Bio-Bio (en)
	Wikidata C:Commons

O río Biobío é o segundo río máis longo de Chile. Atravesa a rexión de Biobío de leste a oeste.

Etimoloxía

O hidrónimo Biobío provén da voz Biu-biu (en mapuche: vuu ou viu, equivalente a 'dobre fío' ou 'cordello'), nome co cal era designado polos mapuches; tamén acostumaban chamalo Butanleuvu ou 'río Grande'.^[1] Asemade, foi chamado Ribimbi e Tuihuy polos indíxenas.

Descrición

Nace na lagoa Galletué e no lago Icalma, atopado no extremo nororiental da IX Rexión de Araucanía na cordilleira dos Andes, preto do límite internacional coa Arxentina. Dende alí, percorre gran parte da zona sur do Val Central, cruzando as provincias do Biobío e de Concepción, na VIII Rexión de Biobío. Finalmente, desemboca na cidade de Concepción.

O Biobío é o segundo río máis longo de Chile, cunha lonxitude de 380 km, e é o leito principal da terceira conca hidrográfica meirande do país (tralo Loa e o Baker). Diversos ríos de salientables, como o río de La Laja e o Malleco son afluentes do Biobío. É o río máis ancho do país, cun quilómetro por termo medio, sendo atravesado na área metropolitana de Concepción por catro pontes: Ponte Ferroviaria Biobío (1889), Ponte Juan Pablo II (1973), Llacolén (2000) e Ponte Chacabuco (2011). Até o 2010, tamén foi cruzado polo Puente Viejo (1942).

Hidrografía

O río Biobío nace na ribeira oeste da lagoa Galletué e do lago Icalma, na reserva nacional homónima. O río avanza en dirección leste e, algúns quilómetros máis adiante, o río recibe as augas da achegada lagoa Icalma. Paseniño, comeza a virar o seu curso cara ó noroeste percorrendo os vales de forma serpeante e recibindo os leitos dalgúns ríos menores, como o Lonquimay, Rahue e Ránquil. O "Alto Biobío" comeza a ficarse nas ladeiras anteriores á cordilleira, aumentando a velocidade das súas augas.

Ó internarse na depresión intermedia, o río bole entre ladeiras chás aumentando de entre 60 a 120 metros de ancho, reducindo a súa velocidade, o cal permite a navegación nalgunhas zonas. Xa no seu treito medio, desemboca o río Vergara preto de Negrete, drenando gran parte meridional da conca ó recibir augas de ríos como o Malleco e o Renaico, que constitúeen unha rede de drenaxe paralela ó Biobío en sentido noroeste da meirande parte da zona setentrional da Rexión de Araucanía.

Ó leste da cordilleira da Costa, preto das cidades de San Rosendo e La Laja, desemboca o Río de La Laja, o principal afluente do Biobío considerando o seu leito. O río continua o seu curso aumentando o ancho considerablemente chegando ós dous quilómetros ó desembocar no océano Pacífico, enSan Pedro de la Paz, Gran Concepción.

O Alto Biobío ten un réxime esencialmente nival polo que o seu leito medra no verán por mor do desxeo da cordilleira. Porén, segundo que diversos leitos pluviais se unen ó río principal, este cambia a características de réxime mixto. O leito do Biobío, medido na zona da desembocadura, acada as súas máximas cifras durante os meses de outubro e novembro, aínda que se mantén alto entre maio e setembro, decaendo notablemente entre xaneiro e abril.

Con 353 m³/s, o río Biobío é o segundo máis caudaloso de Chile detrás do río Baker, con 875 m³/s.

Notas

↑ «Diccionario geográfico de la República de Chile», Francisco Solano Asta-Buruaga y Cienfuegos, 1867, D. Appelton & Cia , 1900 Harvard College Library, Cift of Archibald Carv Coolidge and Clarence Leonard Hay April 7, 1909 p. 802, Río Biobío.

Véxase tamén

Outros artigos

Bibliografía

Niemeyer, Hans; Cereceda, Pilar (1983). Geografía de Chile — Tomo VIII: Hidrografía. 1º edición, Santiago de Chile: Instituto Geográfico Militar.

Ligazóns externas

Cuenca del río Biobío (en castelán)

[1] «Diccionario geográfico de la República de Chile», Francisco Solano Asta-Buruaga y Cienfuegos, 1867, D. Appelton & Cia , 1900 Harvard College Library, Cift of Archibald Carv Coolidge and Clarence Leonard Hay April 7, 1909 p. 802, Río Biobío.

[1]