José Ogea

José Ogea Otero, ás veces José Ojea Otero, nado en Cortegada o 16 de agosto de 1845 e finado no mesmo concello o 3 de decembro de 1909, foi un político, farmacéutico e escritor galego, membro numerario da Real Academia Galega desde a súa fundación.

José Ogea

Biografía
Nacemento	16 de agosto de 1845 Cortegada
Morte	3 de decembro de 1909 (64 anos) Cortegada
Educación	Universidade de Santiago de Compostela
Actividade
Ocupación	escritor, político
Membro de	Real Academia Galega (académico de número) (1905–1909)
Descrito pola fonte	Gran Enciclopedia Galega Silverio Cañada Enciclopedia Galega Universal Diccionario bio-bibliográfico de escritores

Traxectoria

De pé, de esquerda a dereita, Uxío Carré Aldao, Florencio Vaamonde, Francisco Tettamancy e Eladio Rodríguez González. Sentados, José Ogea, Manuel Murguía, Manuel Curros Enríquez e Andrés Martínez Salazar, na Coruña, en outubro de 1904.

Militou no Partido Republicano e participou en pronunciamentos e movementos políticos en favor da Primeira República Española. Foi deputado no Congreso polo distrito de Bande (1873-1874). Ao caer a República, foi perseguido e tivo que exiliarse en Portugal. Co reinado de Afonso XII puido regresar á súa casa de Cortegada onde se dedicou a escribir.

Foi amigo dos grandes intelectuais do Rexurdimento como Manuel Curros Enríquez (ao que lle escribiu o prólogo de Aires da miña terra) e Manuel Murguía (que prologou a súa obra Célticos. Cuentos y leyendas de Galicia).

Obras

Entre outras:

• La visión dantesca. Vigo: Imp. de M. Fernández Dios, 1882.
• Céltigos. Cuentos y leyendas de Galicia. Ourense: Imp. por Antonio Otero, 1883. Prólogo de Murguía.
• El mundo rural. Cuadros de costumbres. A Coruña: Andrés Martínez, 1890. Reedición na Biblioteca Gallega de Martínez Salazar.
• Olas rugientes: estudio dramático-filosófico. Ourense: Imp. de El Miño, 1898.
• No seminario da Habana, La Tierra Gallega, dirixido por Curros Enríquez, publicou a novela Regalo de la vida, que comezou a saír no nº 60 (1895).
• No semanario En Marcha, da mesma capital, viu a luz en 1906 a novela Gentes sencillas.

Véxase tamén

Bibliografía

• O farmacéutico e deputado de Cortegada. José Ojea. Ourense: Deputación Provincial de Ourense ; Real Academia Galega. 2016. ISBN 978-84-16643-02-8. 
• Couceiro Freijomil, Antonio (1951-53). Diccionario bio-bibliográfico de escritores (en castelán) II. Bibliófilos Gallegos. pp. 501–502. 
• Liñares Giraut, Amancio (2005). "OGEA, José". Gran Enciclopedia Galega Silverio Cañada (DVD). El Progreso. ISBN 84-87804-88-8. 
• Murguía, Manuel (1909). "Necrología: José Ojea". Boletín de la Real Academia Gallega (31): 166–167.