Homo cepranensis é o nome proposto para unha especie humana para a que só se coñece un córtex cranial descuberto no 1994[1]. O fósil descubriuno o arqueólogo Italo Biddittu e este deulle o alcume de home de Ceprano, en referencia á vila máis próxima ao sitio arqueolóxico, que está na Provincia de Frosinone[2].
A idade do fósil estímase que está entre os 350,000 e os 500,000 anos de antigüidade[3]. Un sitio adxacente, Fontana Ranuccio, datouse con 487,000 ± 6000 anos e Muttoni et al. suxeriron que Ceprano é probablemente de 450,000 anos de antigüidade.
As características faciais do óso semellan ser intermedias entre as atopadas para Homo erectus e especies máis posteriores como Homo heidelbergensis, que dominaría Europa moito antes de Homo neanderthalensis. Suxeriuse que H. cepranensis é un devanceiro de Homo neanderthalensis[4], mais non hai suficientes restos e material como para completar a análise dese individuo.
↑Malegni et al. "Homo cepranensis sp. nov. and the evolution of African-European Middle Pleistocene hominids". Comptes rendus de l'Académie des sciences. Vol 2, páx 153-159. 2003.
↑Manzi et al.'. "A cranium for the earliest Europeans: Phylogenetic position of the hominid from Ceprano, Italy". Proceedings of the National Academy of Sciences. páx Vol 98. 10001-10016. 2001.
↑Muttoni G et al. "Pleistocene magnetochronology of early hominin sites at Ceprano and Fontana Ranuccio, Italy". Earth Planet. Sci. Lett. vol. 286, páx 255. 2009
↑Arquivado 12 de decembro de 2013 en Wayback Machine. Mounier et al. The Stem Species of Our Species: A Place for the Archaic Human Cranium from Ceprano, Italy. PLOS. 2010
