Está situado a 8 quilómetros ao sur da marxe esquerda do río Ravi (hai 3.000 anos, o río pasaría a poucos metros da cidade), a 35 quilómetros ao suroeste de Sahiwal, a 185 quilómetros ao suroeste de Lahore e a 1.000 quilómetros ao nordeste de Karachi (na costa do mar Arábigo).
A pequena cidade moderna de Harappa está construída a 7 quilómetros ao sueste das ruínas da antiga cidade fortificada.
A mediados do século XIX, as ruínas foron saqueadas, deixando atrás os impresionantes restos da cidade antiga. Entre 1872 e 1873, o forte foi escavado polo equipo arqueolóxico de Alexander Cunningham.
En 1920, o equipo de Rai Bahadur Daya Ram Shani comezou unha escavación máis profunda. O seu traballo e o dos seus contemporáneos, tanto en Harappa como na antiga cidade de Mohenjo-Daro permitiu que o mundo coñecese esta civilización esquecida.
Nas décadas de 1930 e 1940, outros arqueólogos continuaron a escavación, até que en 1946, Sir Mortimer Wheeler descubriu os restos da muralla da cidade.
Os arqueólogos cren que a antiga cidade de Harappa foi un asentamento urbano que dominaba a zona ao norte do río Indo.
↑"Harapana (escritura)". www.ucm.es; Quid est liber: proyecto de innovación para la docencia en libro antiguo y patrimonio bibliográfico. Consultado o 2026-04-24.
Vista do xacemento arqueolóxico de Harappa
Exposición de pezas datadas entre o 2000 e o 2500 a. C.
Figuriñas de terracota procedentes de Harappa, datadas arredor de 2500 a. C.
Fragmento dun recipiente de cerámica vermella, arredor de 2500 a. C.
Vaso funerario procedente de Harappa.
Xerra de almacenamento do período harappano maduro
