Hamilton, Nova Zelandia

Hamilton, Nova Zelandia
Nome orixinal Kirikiriroa (mi) Hamilton (en-nz)
Instancia de cidade grande cidade  Epónimo John Hamilton
Localización  Situado en Hamilton City (en) , Waikato, Nova Zelandia  Situado na entidade xeográfica Illa Norte  Continente Oceanía insular  Irmandado con Saitama Sacramento Chillán Wuxi (pt) Chengdu  Coordenadas 37°47′00″S 175°17′00″L
Cifras e dimensións  Poboación 160.911 (2018) censo de Nova Zelandia de 2028 169.300 (2018) estimación 176.500 (2020) estimación  Superficie    110,8 km²  Altitude    40 m
Fontes e ligazóns VIAF 144757840 Freebase /m/0lw_s  Páxina WEB hamilton.govt.nz…  Descrito pola fonte Grande Enciclopedia Soviética (1926 - 1947)  Tema: Q106150036
Wikidata C:Commons

Hamilton é unha cidade da Illa Norte de Nova Zelandia, cunha poboación estimada duns 169.300 habitantes (2018), o que fai dela a cuarta cidade máis grande do país, por detrás de Auckland, Wellington e Christchurch. A cidade está situada na rexión de Waikato, na beira do Lago Rotorua, a uns 130 quilómetros ó sur de Auckland.

Historia

Os primeiros misioneiros que visitaron a zona fixérono polo ano 1830. Unhas décadas despois, en 1863, cando os primeiros colonos occidentais se asentaron na zona, a maioría dos 3.400 maorís que vivían alí deixaron os seus fogares para loitar fronte ós británicos nas liortas que tiñan lugar mais ó oeste. Unha vez rematas as Guerras Maorís (1845-1872), comezou a construción do ferrocarril que xuntaba Hamilton con Auckland, inaugurado en 1877. Dous anos despois estreouse a primeira ponte sobre o río Hamilton, para unir Hamilton East con Hamilton West.

Aínda que a cidade naceu no seu tempo como un centro de servizos para unha rexión agrícola, co tempo acabou converténdose nunha cidade universitaria cuns 40.000 estudantes, na que ten moita importancia a investigación científica e tecnolóxica.

Actualmente Hamilton ten 3 universidades. A Universidade de Waikato inaugurouse en 1964, o Instituto de Tecnoloxía de Waikato en 1968, e a Te Wānanga o Aotearoa en 1993.

Demografía

Os 203.400 habitantes da cidade son o 65'3% descendentes de europeos, o 19'9% maorís, o 10'6% descendentes de asiáticos orientais, e o resto son descendentes de diversas etnias do Pacífico, África, Oriente Medio, India etc.

Deporte

Na cidade de Hamilton, ó igual que no resto do país, o rugby é o deporte máis importante. O Waikato Rugby Union disputa cada ano a ITM Cup (liga neozelandesa de rugby), acadando a vitoria nos anos 1992 e 2006. Por outra banda, os Waikato Chiefs compiten no torneo Super Rugby (máxima competición de rugby do Hemisferio Sur) dende 1996, acadando o subcampionato no ano 2009. Ámbolos dous equipos xogan como locais no Waikato Stadium, que pode acoller a 30.000 seareiros, e no cal se disputaron tres encontros da Copa do Mundo de Rugby 2011.

Véxase tamén

Ligazóns externas

• Turismo en Hamilton e Waikato Arquivado 05 de marzo de 2018 en Wayback Machine. (en inglés)
• Páxina da cidade de Hamilton Arquivado 03 de marzo de 2012 en Wayback Machine. (en inglés)
• Páxina de información turística Arquivado 10 de xuño de 2022 en Wayback Machine. (en inglés)
• Páxina do xornal Waikato Times (en inglés)