Pape Calist III
 | |
| Nazionalitât | Spagnole |
|---|---|
| Date de nassite | 8 Zen 1379 |
| Lûc de nassite | Torreta de Canals |
| Date de muart | 15 Avo 1458 |
| Lûc de muart | Rome |
| Ativitât | Pape de Glesie Catoliche, vescul, jurist, diplomât |
Calist III (nassût Alfonso de Borja; Xàtiva, 31 di Dicembar 1378 – Rome, 6 di Avost 1458) al è stât il 209esim Pape de Glesie catoliche e sovran dal Stât Pontifici dal 8 di Avost 1455 fin a la sô muart.
Originari dal Ream di Valencia, al è stât il prin pape de famose e potente famee dei Borgia (talianizât in Borgia). Il so pontificât al è stât intieramentri dominât de urgence di organizâ une crosade cuintri l'Imperi Otoman daspò de cjapade di Costantinopoli (1453) e de revision dal proçès di Zuane dal Arc.
Biografie
[cambie | modifiche il codiç]Prins agns e cariere eclesiastiche
[cambie | modifiche il codiç]Alfonso al à studiât dirit canonic e civîl inte Universitât di Leida, deventant un dai gjuriscunsults plui famôs dal sô timp e professôr di dirit.
Al à scomençât la sô cariere diplomatiche al servizi dal re Alfons V di Aragone. Par vie de sô abilitât te risoluzion dal Grant Schisme d'Occident,rivant a cunvinci l'antipape Clement VIII a abdicâ, al è stât nomât vescul di Valencia tal 1429. In tal 1444, pape Pape Eugjeni IV lu à creat cardinâl.
Elezion
[cambie | modifiche il codiç]Daspò de muart di Pape Nicolau V, il conclave dal 1455 al jere dividût jenfri lis fazionis romanis dei Colonna e Orsini. Alfonso de Borja, ormai vecjo di 77 agns e neutrâl te politiche taliane, al è stât elezût pape come candidât di mediazion ai 8 di Avost 1455, cjapant il nom di Calist III.
Pontificât
[cambie | modifiche il codiç]La lote cuintri i turcs otomans
[cambie | modifiche il codiç]L'obietîf principâl di Calist III al è stât chel di difindi la cristiantât cuintri l'avanzade di Maomet II:
- Al à spindût un grum di bêçs par le costruzion de prime flote pontificie e al à mandât legâts in dutis lis corts europeis par cjatâ fonts.
- Al à mandât supuàrts al nobîl albaniês Scanderbeg e al cjâf militâr ongjarês János Hunyadi.
- Daspò de grande vitorie cristiane te Bataie di Belgrât (1456) , Calist III al à ordenât che lis cjampanis di dutis lis glesiis a sunassin a misdì par ricuardâ la priere, une tradizion conservade ancjmo' vuê.
Revision dal proçès di Zuane d'Arc
[cambie | modifiche il codiç]Intal 1455, rispondint a la supliche de mari di Zuane dal Arc, Calist III al à istituît une comission di Incuisizion par riordinâ il proçès condöt dai inglês tal 1431. Intal 1456, la sentence di condane par eresie e je stâde anulade ufiçialmentri, declarant Zuande d'Arc inocente e martare.
Nepotisim
[cambie | modifiche il codiç]Calist III al à favorît fuartementri la sô famee e i siei coregjonâi catalans te Curie romane:
- Al à creat cardinâl so nêvôt Rodrigo Borgia (il futur Pape Lissandri VI), introdusint la famee Borgia tal cûr de politiche romane.
- Al à nomenât un altri nevôt, Luis Juan de Milà, cardinâl, e sô fradi Pedro Luis Borgia cjâf de armade pontificie.
Muart
[cambie | modifiche il codiç]Calist III al è muart a Rome ai 6 di Avost 1478 a 79 agns. La sô salme e je conservade te glesie di Santa Maria in Monserrato degli Spagnoli a Rome.
Vôs coreladis
[cambie | modifiche il codiç]| Predecessôr: Pape Nicolau V |
Pape de Glesie Catoliche 1455 – 1458 |
Sucessôr: Pape Piu II |