Cile

Icono de esbozo Cheste vôs al è un aboç, che al è stât juste scomençât e al conten dome pocjis informazions. Se tu puedis, zonte alc cumò e judinus a fâle deventâ simpri miôr seguint lis convenzions de Vichipedie. Par vê une liste complete des vôs in cheste condizion, cjale la rispetive categorie. Graciis di cûr!

Il Cile al è un paîs de Americhe Meridionâl che al confine a soreli a nord cun la Bolivie e il Peru,a soreli jevât cun l’Argjentine e cun la Bolivie meridionâl. La sô capitâl e je Santiago.

Cile
Figure:Coat of arms of Chile.svg
Informazions
Nomenance	República de Chile
Lenghe ufiziâl	spagnûl
Capitâl	Santiago del Cile
Politiche
Forme di guvier	Republiche
Cjâf dal stât	José Antonio Kast
Cjâf dal guvier
Indipendence	18 di Setembar 1810
Jentrade inte ONU	24 di Otubar 1945
Gjeografie
Continent	Americhe dal Sud
Fûs orari	UTC -4
LocationChile
Superficie
Superficie Totâl	2.791.810
Intal mont	8°
% di aghe	1,1%
Popolazion
Popolazion totâl	16.928.873 ab.
Intal mont	31°
Densitât	19.9 ab./km2
Economie
Monede	Peso cilen
Consum energjie	0,24; kWh/ab.
Domini di prin nivel	.cl
Prefìs tel. internazionâl	+56
Plache automobilistiche	CL
Imni nazionâl	Imni nazionâl dal Cile
Fieste nazionâl	18 di Setembar

Atacama

Rapa Nui

Storie

Ete precolombiane:

Il teritori dal Cile al jere abitât di diviers popui indigjens, tant che i Mapuche, che a àn fronteât cun estreme resistenze lis invasions di fûr. Te isule di Pasche e jere nassude invezit une culture polinesiane autore dai Moai.

Dominazion spagnule (XVI sec. - 1810)

Concuistât dai spagnûi vuidâts di Pedro de Valdivia, il Cile al devente une colonie dal Imperi spagnûl integrade tal Viceream dal Perù.

Indipendence (1810 - 1818)

Vuidât di figuris tant che Bernardo O'Higgins e José de San Martín, il Paîs al oten la indipendence de Spagne tal 1818.

Consolidament e disvilup (XIX sec.)

Dulinvie pal XIX secul, in Cile e si forme une republiche stabil che e slargje i siei confins a nord cun la vitorie de Vuere dal Pacific (1879-1884) cuintri Perù e Bolivie, concuistant tieris bondants di nitrâts e ram.

Crisi democratiche e ditature (1970 - 1990)

Tal 1970 al fo elet president il socialist Salvador Allende. Il sô guvier al fo ribaltât tal 1973 di bande di un golpe militâr vuidât dal gjenerâl Augusto Pinochet, che al tacà une feroce ditature che larà indenant fin al 1990. Dulinvie par chest periodi a saran frecuents tal Paîs i cjâs di violazions griviis dai dirits umans. In cjamp economic Pinochet puartà indenant diviers riformis di stamp liberist.

Ete contemporanie

Dal 1990 il Cile al è tornât ae democrazie, deventant une des economiis plui stabii de sô regjon. Dut câs il Paîs al à di fronteâ fuarts tensions sociâi pes disparitâts economichis (tant che lis protestis dal 2019).

Regjons

Il Cile al à 15 regjons

Numar	Regjon	Capitâle	Superficie	Popolazion (2006)
XV	Arica y Parinacota	Arica	16.873,3 km²	189.692
I	Tarapacá	Iquique	42.225,8 km²	286.105
II	Antofagasta	Antofagasta	126.049,1 km²	547.933
III	Atacama	Copiapó	75.176,2 km²	272.402
IV	Coquimbo	La Serena	40.579,9 km²	677.300
V	Valparaíso	Valparaíso	16.396,1 km²	1.682.005
RM	Metropolitana de Santiago	Santiago	15.403,2 km²	6.607.805
VI	Libertador General Bernardo O'Higgins	Rancagua	16.387,0 km²	849.120
VII	Maule	Talca	30.269,1 km²	975.244
XVI	Ñuble	Chillan	13 178,5 km²	480 609
VIII	Biobío	Concepción	23 890,2 km²	1 557 414
IX	La Araucanía	Temuco	31.842,3 km²	937.259
XIV	Los Ríos	Valdivia	18.429,5 km²	373.712
X	Los Lagos	Puerto Montt	48.583,6 km²	794.529
XI	Aisén del General Carlos Ibáñez del Campo	Coihaique	108.494,4 km²	100.417
XII	Magallanes y de la Antártica Chilena	Punta Arenas	132.033,5 km²	156.502

Sport

Balon

Tal balon il Cile al à vinçût par dôs voltis la Copa America (2015 e 2016) e al è rivât tierç te Cope dal Mont dal 1962 che e à organizât in cjase e tal torneu di balon des Olimpiadis di Sydney dal 2000.

Polo

Tal Polo il Cile al à vinçût par dôs voltis la cope dal mont (2008 e 2015) che e à ancje ospitât par antantis dôs voltis (1992 e 2015)

Tenis

Tal tenis diviers sportîfs cilens a àn spicât. Nicolas Massú e Fernando González a àn vinçût l’aur tal dopli aes Olimpiadis di Atene dal 2004.