Baviere
|
| |
| Stât: | Gjermanie |
|---|---|
| Cjâf-lûc: | Munic (München) |
| Ministri-president: | Markus Söder (CSU) (dal 2018) |
| Coordenadis: | 48°46′N 11°25′E |
| Superficie: | 70 551 km² |
| Popolazion: | 13 140 183 ab. |
| Densitât: | 186 ab./km² |
| Distrets governatîfs: | 7 distrets (Regierungsbezirke) |
| Subdivisions: | 71 circondarîs e 25 citâts extracircondarialis |
| Länder confinants: | Baden-Württemberg, Assie, Turingje, Sassonie |
| Confins internazionâls: | Austrie, Republiche Cjeche |
| Fûs orari: | UTC+1 (CEST UTC+2) |
| ISO 3166-2: | DE-BY |
 Posizion de Baviere inte Gjermanie | |
.svg)
La Baviere, o Stât Libâr di Baviere (todesc: Bayern o Freistaat Bayern; bavarês: Boarn), e è un dai 16 Stâts federâts de Gjermanie (Bundesländer). Posizionade tal sud dal Paîs, e à une superficie di 70 551 km² e une popolazion di cirche 13 milions di abitants; al è il prin stât todesc par estension e il secont par popolazion e impuartance economiche daspo' dal Nord Ren-Vestfalie.Il sô cjâf-lûc e citât plui impuartante e è Munic, che je ancje le tierce citât todescje par popolazion.
Gjeografie
[cambie | modifiche il codiç]Le Baviere ten dentri dai siei cunfins trê grandis zonis gjeografichis e cjadenis montuosis:
- Lis Alps bavaresis al sud, al cunfin cun l'Austrie;
- Lis Prealps fin al Danuau, cun trê grancj lâts te Baviere superiôr;
- I monts Mittelgebirge te Baviere orientâl;
- Lis culinis dal Jura bavarês.
Il fium plui impuartant che al traverse il territori al è il Danau, insiemit ai siei afluents di diestre (Isar, Inn, Lech) e di cjampe (Altmühl, Naab, Regen).
Storie
[cambie | modifiche il codiç]Le Baviere fo in prin abitade des popui celtichis. Cun le concuiste dai Romans, le regjon e fo integrade tal Imperi e a vegnin fondadis citâts impuartantis come Auguste (Augusta Vindelicorum), Ratisbone (Ratisbona) e Passavie (Batavis).
Daspò de colade dal Imperi Roman, le lenghe e le culture todescje si difondin cun le rivade des tribûs teutonichis e dal popul dai Baiuvars (rivâts de Boemie), che a dan il non a le regjon.
Par dut i secui XVI, XVII e XVIII , le Baviere fo une potence regionâl e protagoniste di mieç secul di vueris. Tal 1806, par vie de aleance cun Napoleon Bonaparte, devente un ream indipendent, incorporant i territoris de Franconie e de Svevie. Tal 1871 il Ream di Baviere si unì al gnûf Imperi Todesc prinçipât de Prussie.
Daspò de Prime vuere mondiâl e de colade de monarchie tal 1918, ven proclamade le Republiche Socialiste di Baviere, sdrumade tal 1919 par jessi sostituide de Republiche di Weimar. Tal stès an, Adolf Hitler al stabilìs le sô residence a Munic, fasint de citât le sede dal Partit Nazionalsocialist Todesc dai Lavoradors (NSDAP) e il teatri dal fallît Putsch di Munic tal 1923.
Daspò de Seconde vuere mondiâl (1945), le Baviere cole sòt il control de zone di ocupazion merecane, par deventâ un dai Länder fondatôrs de Republiche Federâl Todescje tal 1949.
Politiche e suddivision aministrative
[cambie | modifiche il codiç]Il parlament bavarês, il Landtag, al è unicamerâl. Fin al 1999 al esisteve ancje un Senât (concepît come cjamare di rapresentance economiche e sociâl), abolît daspò un referendum popolâr tal 1998. Il cjâf dal guvier al è il Ministri-president (dal 2018 al è Markus Söder).
Distrets governatîfs
[cambie | modifiche il codiç]Le Baviere e è dividude in 7 distrets governatîfs (Regierungsbezirke):
- Basse Franconie (Unterfranken)
- Alte Franconie (Oberfranken)
- Franconie di Mieç (Mittelfranken)
- Svevie (Schwaben)
- Alt Palatinât (Oberpfalz)
- Alte Baviere (Oberbayern)
- Basse Baviere (Niederbayern)
Citâts extracircondarialis
[cambie | modifiche il codiç]I distrets a ragrupin 71 circondarîs (Landkreise) e 25 citâts extracircondarialis (Kreisfreie Städte):
Economie
[cambie | modifiche il codiç]Le Baviere e è la seconde economie de Gjermanie e une des regjons plui ricje de Europe interie. I setôrs di punte a son:
- Setôr secondari: automobilistic, microeletroniche, chimiche, inzegnerie e mode. An le sô sede in Baviere multinazionâls famosis come BMW, Audi, Siemens, Adidas e Puma.
- Setôr tierçiari: servizis bancaris, sigurazions (come Allianz e Munich Re), informatiche e turism.
- Agricolture: ten il primât nazionâl par produzion di lât, cjar e vuardi par le bire.
Religjon
[cambie | modifiche il codiç]La Baviere e è une regjon storicamentri a maiorance catoliche, ancje se te Franconie e te Svevie a son presintis comunitâts evangelichis-luteranis.
| Religjon / Confession | 1840* | 1900* | 1933* | 1950 | 1970 | 2004 |
|---|---|---|---|---|---|---|
| Catolics | 71,1 % | 70,5 % | 70,0 % | 71,9 % | 70,4 % | 57,8 % |
| Evangelics | 27,4 % | 28,3 % | 28,7 % | 26,5 % | 25,2 % | 21,8 % |
| Musulmans | — | — | — | — | 0,9 % | 2,2 % |
| Ebreus | 1,4 % | 0,9 % | 0,5 % | 0,1 % | 0,1 % | 0,1 % |
| Altris / Dimandâts / Ateos | 0,1 % | 0,3 % | 0,8 % | 1,5 % | 3,4 % | 18,1 % |
* Comprindut il Palatinât (Rheinpfalz).
Culture
[cambie | modifiche il codiç]La Baviere je famose tal mont par le sô identitât culturâl e par lis sôs tradizions, come la fieste de Oktoberfest a Munic, celebrade dal 1810.
L'imni uficiâl dal Stât federâl al è il Bayernhymne.
.jpg)