William Edwin Franklin
| William Edwin Franklin | |||||||
|---|---|---|---|---|---|---|---|
1993ko azaroaren 12a - 2006ko urriaren 12a ← Gerald Francis O'Keefe (en)  - Martin John Amos (en) → Elizbarrutia: Davenporteko elizbarrutia
1987ko urtarrilaren 29a - 1993ko azaroaren 12a ← Daniel L. Ryan (en) - Stanisław Szyrokoradiuk (en) → Elizbarrutia: Surista (en)
1987ko urtarrilaren 29a - 1993ko azaroaren 12a Elizbarrutia: Dubuqueko artxidiozesia | |||||||
| Bizitza | |||||||
| Jaiotza | Parnell, 1930eko maiatzaren 3a | ||||||
| Herrialdea |  Ameriketako Estatu Batuak | ||||||
| Heriotza | Davenport, 2026ko apirilaren 10a (95 urte) | ||||||
| Hezkuntza | |||||||
| Heziketa | Loras College (en) | ||||||
| Hizkuntzak | ingelesa | ||||||
| Jarduerak | |||||||
| Jarduerak | apaiz katolikoa eta apezpiku katolikoa | ||||||
| Ideologia eta sinesmenak | |||||||
| Erlijioa | Erromatar Eliza Katolikoa | ||||||
William Edwin Franklin (Parnell, 1930eko maiatzaren 3a – Davenport, 2026ko apirilaren 10a) estatubatuar elizgizon katolikoa izan zen. 1987tik 1993ra Dubuqueko apezpiku laguntzailea izan zen eta 1993tik 2006ra Davenporteko apezpikua.[1]
Bizitza
[aldatu | aldatu iturburu kodea]Franklin 1930eko maiatzaren 3an jaio zen Parnellen, Iowan, John eta Matilda (Milholin) Franklinen semea.[2] Tokiko parrokia-eskolan eta Cedar Rapidseko San Patrizio ikastetxean ikasi zuen. Dubuqueko Loras Collegen graduatu ondoren, hiri bereko Mount St. Bernard's apaizgaitegian sartu zen.[3]
1956ko otsailaren 4an apaiztu zen Dubuqueko San Rafael katedralean, Leo Binz artzapezpikuaren eskutik, eta Dubuqueko artxidiozesian inkardinatuta geratu zen.[1] Ordenazioaren ondoren, bere lehen kargua Henry Rohlman artzapezpiku emerituaren idazkari izatea izan zen, Independenceko San Joan parrokiako apaiz izendatu zuten aurretik.[4]
1976tik 1980ra Fayetteko San Frantzisko Asiskoaren elizako eta Hawkeyeko San Frantzisko Xabierkoaren elizako parrokoa izan zen. 1980an Gilbertvilleko Sortzez Garbiaren elizako parroko izendatu zuten, Waterlooko San Eduardo elizako parroko bihurtu aurretik. 1984an, Waterlooko dekano izendatu zuten.[2][5]
1987ko urtarrilaren 29an, Joan Paulo II.a aita santuak Suristako apezpiku titular eta Dubuqueko apezpiku laguntzaile izendatu zuen. 1987ko apirilaren 1ean apezpiku-ordenazioa jaso zuen Dubuqueko San Rafael katedralean, Daniel Kucera artzapezpikuaren eskutik, kontsakratzailekideak James Byrne eta Francis John Dunn izanik.[1] Ondoren, artxidiozesiko Waterlooko eskualdeko apezpiku-bikario izendatu zuten.[6]
1993ko azaroaren 12an, Joan Paulo II.ak Davenporteko zazpigarren apezpiku izendatu zuen. 1994ko urtarrilaren 20an kargua hartu zuen Davenporteko Bihotz Santuaren katedralean. Ameriketako Estatu Batuetako nuntzio apostolikoa, Agostino Cacciavillan artzapezpikua, ekitaldian izan zen.[1][3]
2002an, Franklinek 1970eko hamarkadan adingabeen aurkako sexu-abusuengatik egindako salaketak jaso zituen William Wieblerren eskutik. Wieblerrek bere krimenak aitortu ondoren, Franklinek Dittmerko Vianney tratamendu-zentrora bidali zuen. Geroago, Wiebler Missouriko University Cityko etxebizitza pribatu batera joan zen eta 2006ko urtarrilean sekularizatu zuten, hil baino hilabete batzuk lehenago.[7]
2006ko urriaren 12an, Benedikto XVI.a aita santuak bere dimisioa onartu zuen.[8] Franklin 2026ko apirilaren 10ean hil zen, 95 urte zituela.[9]
Ondorengotza apostolikoa
[aldatu | aldatu iturburu kodea]- Scipione Rebiba kardinala
- Giulio Antonio Santorio kardinala (1566)
- Girolamo Bernerio kardinala (1586)
- Galeazzo Sanvitale artzapezpikua (1604)
- Ludovico Ludovisi kardinala (1621)
- Luigi Caetani kardinala (1622)
- Ulderico Carpegna kardinala (1630)
- Paluzzo Paluzzi Altieri Degli Albertoni kardinala (1666)
- Benedikto XIII.a aita santua (1675)
- Benedikto XIV.a aita santua (1724)
- Enrico Enríquez artzapezpikua (1743)
- Manuel Quintano Bonifaz artzapezpikua (1749)
- Buenaventura Fernández de Córdoba y Spínola kardinala (1761)
- Giuseppe Maria Doria Pamphilj kardinala (1773)
- Francesco Saverio Maria Felice Castiglioni kardinala (1800)
- Pio IX.a aita santua (1827)
- Alessandro Franchi kardinala (1856)
- Giovanni Simeoni kardinala (1875)
- Antonio Agliardi kardinala (1884)
- Basilio Pompilj kardinala (1913)
- Adeodato Giovanni Piazza kardinala (1930)
- Egidio Vagnozzi artzapezpikua (1949)
- Romeo Roy Blanchette apezpikua (1965)
- Daniel Kucera artzapezpikua (1977)
- William Edwin Franklin apezpikua[1]
Erreferentziak
[aldatu | aldatu iturburu kodea]- 1 2 3 4 5 (Ingelesez) «Bishop William Edwin Franklin †» Catholic Hierarchy (kontsulta data: 2026-04-12).
- 1 2 (Ingelesez) Gallagher, Mary Kevin. (1987). Seed/Harvest: A History of the Archdiocese of Dubuque. Duduque: Archdiocese of Dubuque Press, 163 or..
- 1 2 (Ingelesez) Bunson, Matthew. (2010). 2010 Catholic Almanac. Huntington: Our Sunday Visitor, 401 or. ISBN 9781592766147. (kontsulta data: 2026-04-12).
- ↑ (Ingelesez) Arland-Fye, Barb. «Honoring a bishop of 25 years» The Catholic Messenger 2012-03-29 (kontsulta data: 2026-04-12).
- ↑ (Ingelesez) «Franklin, William Edward (sic)» Encyclopedia Dubuque (kontsulta data: 2010-05-11).
- ↑ (Ingelesez) «Kucera, Daniel» Encyclopedia Dubuque (kontsulta data: 2010-05-11).
- ↑ (Ingelesez) «Abusive priest, from Iowa, dies in St. Louis-area hospice» STLPR 2006-10-04 (kontsulta data: 2026-04-12).
- ↑ (Italieraz) «Rinuncia del Vescovo di Davenport (U.S.A.) e nomina del successore» Bollettino Sala Stampa della Santa Sede 2006-10-12 (kontsulta data: 2026-04-12).
- ↑ (Ingelesez) «Most Reverend William E. Franklin» Halligan-McCabe-DeVries Funeral Home (kontsulta data: 2026-04-12).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q2546515