Wikipedia:Txokoa/2018ko urtarrila

IMPORTANTE: Revisión de actividad de administradores

No tenemos traducción en euskera. Mesedez, lagun gaitzazu zure hizkuntzara itzultzen.

Hola. En virtud de un gran consenso comunitario global, se aprobó en el año 2013 una política que tiene por objeto la retirada de los permisos avanzados (administrador, burócrata, etc.) de aquellas cuentas que se encuentren inactivas. De acuerdo con la misma, los stewards están revisando la actividad de los administradores en todos los proyectos de la Fundación Wikimedia que no dispongan de una política de inactividad propia. Hasta donde sabemos, este wiki no cuenta con un proceso formal ni política relativa a la revisión y retirada de permisos avanzados de cuentas inactivas. Esto significa que los stewards se encargarán de ello de acuerdo con la política de revisión de actividad administrativa.

Hemos determinado que los siguientes usuarios cumplen el criterio de inactividad (sin ediciones ni acciones registradas por más de 2 años consecutivos):

1. Lankide:TXiKi.

Estos usuarios recibirán una notificación pronto, donde se les informará que deben empezar una discusión en la comunidad si quieren mantener algunos o todos sus permisos. Si los usuarios no responden sus permisos serán retirados por los stewards.

Sin embargo, si ustedes como comunidad desean crear su propio proceso de revisión de actividad para sustituir el proceso global, quieren tomar otra decisión acerca de los usuarios inactivos o tienen alguna otra política que se nos pasó por alto, entonces notifiquen a los stewards en Meta-Wiki para que sepamos que no debemos proceder con la revisión de permisos en este wiki. Gracias, --MarcoAurelio (eztabaida) 16:31, 3 urtarrila 2018 (UTC)

Hola MarcoAurelio. Precisamente estamos discutiendo eso aquí. -Theklan · · 16:33, 3 urtarrila 2018 (UTC)

Kaixo Theklan. Gracias por el aviso. ¿Me/nos podríais avisar con el resultado de la decisión que toméis? Por mi parte marco el proceso para euwiki en curso pero con la precaución que me comentas. Muchas gracias, MarcoAurelio (eztabaida) 16:35, 3 urtarrila 2018 (UTC)

En realidad estamos votando la revocación de permisos de burócrata, MarcoAurelio. Pero te lo comentaré cuando terminemos. -Theklan · · 16:56, 3 urtarrila 2018 (UTC)

Durangoko Azoka 2017ko argazkiak identifikatu

Urte berri on denoi! EWKEkide edo wikilari izan, estimatuko nizueke Durangoko Azokako fotocalleko argazki hauek identifikatzen lagunduko bazenute; itsusi samar geratuko litzateke hor agertzen diren kulturako hiruzpalau pertsonaia identifikatu gabe geratzea. Ondo segi -Iñaki LL (eztabaida) 11:42, 5 urtarrila 2018 (UTC)

17 eta 18 Di-da Baga-biga ekoizpen etxeko managerra da, taldeak eramaten zituena. Laukote horren izenak liburutik hartu daitezke, nahiz eta hor bost pertsona dauden. Ez bazuten apuntatu zaila egingo litzaidake jakitea nortzuk diren. -Theklan · · 11:45, 5 urtarrila 2018 (UTC)

17-18 Ritxi Aizpurua, Baga-Biga eta hainbat ekoizpen etxeetan ibilitakoa.-Xabier Cañas (eztabaida) 12:59, 5 urtarrila 2018 (UTC)

Bai, 0, 15, 16 eta 9 fakta dira kategoria honetan, eta zuzenketak noski. -Iñaki LL (eztabaida) 14:04, 5 urtarrila 2018 (UTC)

Nik esango nuke 9 operario bat dela, enpresako jantziarekin eta taladro batekin agertzen da. 15 argazkian agertu nahi zuen ume bat dela esango nuke. -Theklan · · 14:15, 5 urtarrila 2018 (UTC)

Diru laguntza

Gabon. Aspalditik jakinmina dudan eta txokoan inon aipatzen ez den gaiari buruzko informazioa jakitea nahiko nuke: Eusko Jaurlaritzaren diru laguntza zertan gelditu zen?

Eta beste galdera: Euskal Wikipedian gaur egun soldatapeko lankideak ba al daude?

Milesker aldez aurretik.

-Euskaldunaa (eztabaida) 21:30, 7 urtarrila 2018 (UTC)

Gabon Euskaldunaa. Laguntza ez da Wikipediari, Euskal Wikilarien Kultur Elkarteari da. Informazio guztia wikimedia.eus webgunean aurki dezakezu. Laguntza horrekin egiten den gehiena Atari:Hezkuntza atalean duzu, baina gauza gehiago ere egiten ari dira, elkartekideen artean zabaltzen direnak. Bestetik elkartean momentu honetan bi langile gaude lanean zuzenki, baina ez gara euskal Wikipediako soldatapeko lankide, baizik eta kultura elkarte batenak. Nire lana proiektuak garatzea da hezkuntza instituzio ezberdinekin eta beste langileak kontu administratiboak eramaten ditu, batez ere. Era berean, beste pertsona batzuk ere badaude wikilari egoiliar lanak egiten, diru laguntza horrekin edo beste instituzio batzuek euren kabuz antolatuta. Edozein galdera baldin baduzu egiten ari garenaren inguruan, gustora erantzungo dizut hezkuntza@wikimedia.eus webgunean. -Theklan · · 21:54, 7 urtarrila 2018 (UTC)

Eskerrik asko azalpenarengatik, Theklan. -Euskaldunaa (eztabaida) 00:32, 8 urtarrila 2018 (UTC)

Lankide izen-tartea "Wikilari" hitzagatik aldatzeko proposamena

Kaixo! "Lankide" erabiltzen dugu ingelesezko "User" eta gaztelaniazko "Usuario" horren ordez. Badirudi "lankide" esaten dugunean "lanean" ari dela norbait, eta inoiz ez dut izan argi nola adierazi. Baina uste dut "Wikilari" hitza baliatu beharko genukela, neologismo gisa funtzionatzen baitu. Zer deritzozue? -Theklan · · 11:06, 22 abendua 2017 (UTC)

 Alde. Aspaldi pentsatua nuen, lankide hitzarekin batzuetan nahasbidea sortzen delako (ederki adierazi duzunez) eta wikilari izena zehatzagoa, lehen begiratuan ulertzeko modukoa eta gizarte zabalean erabilia delako. Lehenago proposamen hau egitetik atzera eragin didan bakarra da lankide Euskal Wikipediako kodean eta dokumentazioan ia hasieratik oso sartuta dagoela eta hain aldaketa txikiarengatik dokumentazio hori guztia aldatzen lan handia hartu beharko genukeela; baina adostasun zabala baldin badago, guztien artean ez da hain lan handia izango. Gainera, Euskal Wikipediako dokumentazioan ere, batzuetan wikilari azaltzen da (adibidez, wikilari egoiliar esaten dugu, eta ez (Wikipediako) lankide egoiliar; edo politiken orrian ere, wikilari ageri da), eta aldaketa honekin bateratu egingo genuke terminologia, koherentzia hobetuko genuke. --Xabier Armendaritz 2017-12-22, 11:57 (UTC)

 Alde -Xirkan (eztabaida) 12:19, 22 abendua 2017 (UTC)

Iruzkina:

Gaiak baditu arantza batzuk. Oraintxe itzuli dut izendapenari buruzko ohar bat ingelesezko liburuxka batetik. Hor hiruzpalau ordain ematen ditu ingelesez; gero, badakigu "User:" dela erabilitako kode 'ofiziala'. Nik "Lankide" adierazi dut egiten ari garen liburuxketan, dagoeneko bidali ditugu inprimategira bat baino gehiago. Kode bat da, eta sinonimoak ditu: Wikilari, Erabiltzaile (azken honek adiera desberdinak ditu ere).

Nik, hala ere, "Wikilaria" orokorragoa ikusten dut. Lankide izan daiteke fabrikako plantillan zurekin dabilen norbait, nahiz eta une horretan ez aritu. Bestalde, euskaraz, "lau lagun elkartu ziren" eta horrelakoak esaten dira, alegia, harremana duten pertsona batzuk, nahiz eta gero 'adiskide' ez izan. "Haurride" ere hor dugu ondoan, polita da, senide edo anaia-arreba, talde bateko partaide izatearen adiera du. Ez dut kategorikoa izan nahi, baina ez dut premia handirik ikusten aldatzeko. Beste hitz batzuk aldatuko nituzke hori baino presa handiagoz. -Iñaki LL (eztabaida) 12:48, 22 abendua 2017 (UTC)

 Alde, baina zalantzekin. Ez naiz gaian aditua, baina esango nuke wikilar horren ordainak erderatan wikipedian (eta wikimedian) (en), wikipedista (es) eta wikipediste (fr) direla, eta horrela, Wikilari egoiliar Wikipedian/Wikimedian in residencetik datorrela. Baina wikipedian erregistratua dagoen pertsonari user (en), usuario/a (es) eta utilisateur (fr) erabiltzen jarraitzen dute, ez dute neologismorik erabili, nahiz eta horrekin generoaren arazoa sahiestuko luketen batzuk. Zehatzagoa da niretzat wikilari hitza lankide eta erabiltzaile orokorrak baino. Zehatzegi izateak duen gauza txar bat da kanpokoek ez ulertzea da, izan ere, erabiltzaile kontzeptu gisa oso zabaldua dago interneten. Gauza bera gertatzen da Bazkide hitzarekin, hainbat egoeretarako balio duela, eta bere malgutasunean, denok ulertzen dutela kasuan kasuko esanahia. Baina Xabierrek esan bezala, wikilari hori nahiko zabaldua dago, eta nik ere nahiko nuke hitz horren erabilpena are gehiago zabaltzea (hain da erreza, motza eta neutroa, erdal hiztunei ere erabiltzen entzun diedala) Agian aldaketa hori egiten lehenak izango ginateke, baina zentzuzkoa iruditzen bazaigu, aurrera! -Xabier Cañas (eztabaida) 11:10, 24 abendua 2017 (UTC)

Wikilari generikoa da: "wikilari", gero eta gehiago, izan daiteke ediziotik kanpora dabilen norbait, gero eta esanahi lausoagoa du, ez kontrakoa. Uste dut definizio maila bat eta luzaro ezarritako termino bat galtzen ari garela. Zuk goian aipatzen duzun beste hizkuntzetako "erabiltzaile" (utilisateur, usuario, etab.) anbiguoa ondo konponduta dago "Lankide:"rekin, definizioa (norbait aktiboa, ez Wikipediaren erabiltzaile pasiboa) eta argitasuna emanez, inklusiboa izateaz gain. Ondo segi -Iñaki LL (eztabaida) 11:24, 30 abendua 2017 (UTC)

 Aurka -Iñaki LL (eztabaida) 11:24, 30 abendua 2017 (UTC)

 Alde. Nire iritzian neologismoak sortzea komenigarria da beti ere ondo ulertzen badira.

 Aurka -GorkaAzk (eztabaida) 22:33, 11 urtarrila 2018 (UTC)

Dimisioa

Administratzaile eta burokrata gisa nire dimisio atzeraezina aurkezten dut. Behar duenarentzat ondorioak izan ditzan, sinatzen dut: --Joxemai; (erantzunak) 16:48, 6 urtarrila 2018 (UTC)

Agur t'erdi Joxemai. Pena handia eman dit zuk minduta, haserre-edo, horrela dimisioa aurkeztea. Urtetan ikusi dut zure izena hainbat artikuluren historian eta, oso oker ez banago, gutxitan edo agian inoiz ez dizut esker oneko mezurik utzi. Behar bada elkarrekin parte hartu genuen eztabaida batean, biok alde berean edo kontrako aldeetan, berdin dio. Ea hainbeste lan egin eta gero eu.wikipedia.org honetatik zerbait positibo ere eramaten duzun. Nire esker ona bai behintzat. Mila esker egindako lan handiagatik, urte luzetarako hortxe geratuko dela espero dut. Ondo izan. -GorkaAzk (eztabaida) 22:22, 11 urtarrila 2018 (UTC)

Parte hartu artikulu nabarmenduetan!

Kaixo lankideak! Dakizuenez, azken aldian hainbat diseinu eta metodo probatzen ari gara: Azala bera, Argazkiak eta bereziki Artikulu nabarmenduak. Azken honetan, adierazle objektiboen azterketatik bozketa sistemara pasa gara eta, horregatik, garrantzizkoa da emaitzak esanguratsuak izan daitezen, gutxienezko boto kopuru adierazgarri bat edukitzea, bestela distortsio handiak sortzen dira boto bat edo biren bueltan, eta balio edo merezimendu handikoak, eredugarriak, izan daitezkeen artikuluak beste edozein artikulu arrunten zakuan gera daitezke. Nahikoa duzu artikulu nabarmenduen estekan sartu eta eskuinean dauden irizpideei erreparatuz botoa ematea.

Euskarazko Wikipediak zure indarra behar du kategorizazio sistema guztiak funtziona dezan, eskerrik asko parte hartzearren! -Iñaki LL (eztabaida) 15:12, 19 urtarrila 2018 (UTC)

Bai, garrantzitsua da! Argazkietan ere bozkatzea garrantzitsua da, eta hori errazagoa da oraindik. Bestetik, proposamen bat egin nuen azala aldatzeko, baina ez dakit oniritzirik duen edo zer. Hori ere argitzea gustatuko litzaidake. -Theklan · · 15:14, 19 urtarrila 2018 (UTC)

@Theklan: Bozketa bat ireki? -Iñaki LL (eztabaida) 15:55, 19 urtarrila 2018 (UTC)

Ez dakit parte-hartzerik egongo den, baina prestatuko dut, bai Iñaki LL. -Theklan · · 18:26, 19 urtarrila 2018 (UTC)

Estilo gidak osatu eta itzuli

Egun on denoi! Estilo gida osatu dut, eta gauza bat edo beste zuzendu. Gainera, Laburpen estiloaren artikulua itzuli eta egokitu dut. Azken honen helburua da Wikipediako irizpideak argitzea da, ahal den neurrian. Ingelesez MOSen sartuta dago eta, beraz, ez da politika bat. Euskaraz ere berdin! Artikuluak osatzeko argibide batzuk dira, argitasuna, irakurerraztasuna eta testu oreka egoki bat aurkitzen laguntzeko. Mesedez eman begiratu bat eta jarri hor edo hemen zure komentarioak edo zuzenketak. -Iñaki LL (eztabaida) 11:00, 23 urtarrila 2018 (UTC)

Azala berritzea

Kaixo! Aspalditik nago bueltak ematen azalak duen funtzionalitate ezari. Testu gehiegi, ordena oso argirik gabe... aurrekoan konpondu genuen mugikorrean ondo ikustearen arazoa, baina ordenagailutik ikusita oraindik da oso... 2001?. Proposamen bat egin dut, ekarpenei zabalik (noski), honako helburuekin:

• Goiko menu hori kentzea, eta bakarrik helburua jartzea, laguntzarako botoi batekin. Laguntza hori ere aldatu beharko dugu laster, oso desfasatuta baitago.
• Artikulu nabarmenduei arreta gehiago jartzea hasiera batean, testu gutxiagorekin baina denbora gehiagorekin azalean: lehenengo astean nagusi, testu labur batekin (orain dagoena baino laburragoa) eta, ondoren, beste bi astez alboan izenburuarekin soilik. Bozkatzeko lotura + ere hor jarri dut, beti eskuragarri egon dadin.
• Daukagun artikulu kopurua ondo erakustea, estatistikei heltzeko modu bisualago batekin. Orain izkutuan zegoen eta behin baino gehiagotan galdetu didate ea non ikus daitekeen hori.
• Asteko argazkia ere estilo aldetik hobetzea, eta bozkatzeko lekua ondo agertzea.
• Ba al zenekien? Atalak arreta izaten du Twitterren, baina ez dugu guarkotzen. Horregatik bakarra jartzea pentsatu dut, eta maiztasun handiagoz gaurkotzea. Bakarra jarrita, ausazko bat ere ager daiteke, 10 bat izanda errekamaran denbora guztian.
• Efemerideak: ondo funtzionatzen duen atala, hau ere formato goxoago batekin bertan.

Kendu ditudanak, berdefinizio bat behar dutelako: albisteak, atariak eta kategoriak. Horiek beste modu batez planteatu beharko genituzke, ze orain dagoen azken albistea iazko urrikoa da.

Beno, ea zer diozuen, nahi baduzue zaborretara botatzen dut eta hemen ez da ezer gertatu. -Theklan · · 18:18, 7 urtarrila 2018 (UTC)

Aupa Theklan: Linux Mint, Cinnamon mahaigainarekin, bai Chromium zein Firefoxen gaizki ikusten da: Aste honetan nabarmen eta Aurreko asteetan... atalek zabalera handiegia hartzen dute, horriaren zabalera baino handiagoa ; artikuluen kopuruaren azpiko hiru loturak ongi doitzen dira zabalerara ; Asteko argazkia atala ere orria baino zabalago gelditzen da (argazkia pantailatik "irtetzen" da); Ba al zenekien... eta hurrengo atalak ongi doitzen dira orriaren zabalerara. Mugikorrean (Android, Dolphin nabigatzailearekin) ere gaizki ikusten da. css kontua ote...-Lainobeltz (eztabaida) 18:43, 7 urtarrila 2018 (UTC)

Ez da hori, Lainobeltz, da pixka bat azkar joan naizela eta niretzat bakarrik gordeta nituen estiloak ez ditudala guztientzat jarri. Orain bai, jarrita daude common.css fitxategian, beraz laster egon beharko litzateke guztientzat eskuragarri. -Theklan · · 18:54, 7 urtarrila 2018 (UTC)

@Theklan:: Orain bai, ongi ikusten da. Gustatzen zait estiloa, modernoagoa da. Faltan botatzen dudana, ohitura izango da, goialdean gaurko data ikustea da (aktibitate sentsazio handiagoa ematen dit), eta Txokorako lotura bat ere onde legokeela uste dut. Agian artikulu kopurua letra haundiz, eskuinaldean data eta txokorako lotura letra txikiagoarekin dituela, orriaren hasieran, Ongi Etorri mezuaren azpian jarriko nituzke. Horiek nire gustuak, besteenak entzun behar... -Lainobeltz (eztabaida) 19:10, 7 urtarrila 2018 (UTC)

Bai, Txokoarena ni ere aritu naiz begira. Agian Estilo gidaren ordez ere joan daiteke. Eguna goian jartzea izan daiteke, baina behean dagoenez efemerideekin... beno, ekarpen guztiak ondo etorriak! -Theklan · · 19:19, 7 urtarrila 2018 (UTC)

Datarena aldatu dut, @Lainobeltz:. "Une honetan" beharrean, data jarrita. Egia esan txukunago geratzen da "bat-batekotasun" hori. -Theklan · · 19:23, 7 urtarrila 2018 (UTC)

Diseinu bikaina iruditzen zait. Estilo gidara doan lotura hori «Laguntza» atalera jarriko nuke, atal horren diseinua ere berrituta (eta Txokoa orain baino gehiago nabarmenduta). Horrela, eskura leudeke Txokoa, estilo gida, politikak, bost euskarriak... --Xabier Armendaritz 2018-01-07, 19:49 (UTC)

Egunon. Niri ere diseinu modernoagoa eta erakargarriagoa iruditzen zait. -Oraina (eztabaida) 11:21, 8 urtarrila 2018 (UTC)

Minutu batean begiratuta, esango nuke oso itxura ona duela. -Iñaki LL (eztabaida) 11:54, 8 urtarrila 2018 (UTC)

Iritzi gehiago? Bozketara eramango genuke hau? Aldatzen dugu? -Theklan · · 13:34, 9 urtarrila 2018 (UTC)

Aldaketa batzuk egin ditut. Euskaldunaaren gomendioari jarraiki, goian jarri ditut data eta artikulu kopurua, lehen zegoena baino txikiago. Azpian albisteen atala mantendu dut, baina beste modu batez. 3 albiste jarri beharko lirateke beti, argazkiekin, eta azpian deskribapen bat albistearen titularrarekin. Horrela bisualagoa da dena. Hilberriak ere mantendu dut, pixka bat handiago orain dagoena baino. -Theklan · · 19:34, 10 urtarrila 2018 (UTC)

Nire iritziz goialdean aurrena artikulu kopurua eta ondoren data joan beharko lirateke. Wikipediaren mundu honetan ere bizitzan bezala lehia dago, eta egiari zor, askok azal nagusietan ikusten duten lehenbiziko gauza zenbat artikulu kopuru dituen da, horrek ematen baidio "prestigioa" eta ikusgarritasuna. Artikulu kopuruaren datuari "euskaraz" ere ipiniko nioke, euskaraz mintzatzen ez direnak ere loturan sakatu eta gure hizkuntzari buruz informazioa izan dezaten. -Euskaldunaa (eztabaida) 15:32, 11 urtarrila 2018 (UTC)

Artikulu kopurua ongi etorria eman aurretik? Pixka bat arraro ikusten dut. Euskararena oso ideia ona da, bai! -Theklan · · 16:44, 11 urtarrila 2018 (UTC)

Ez: Ongietorria lehenbizi, baina ondoren "287.639 artikulu ditugu euskaraz" (ezkerrean) eta "2018ko urtarrilaren 11a" eskuinean. Dena den, orain zeure proposamena berrikusi dut, eta zeuk jarritako ordenean ere ez zait gaizki iruditzen. Berhabada dena lauki batean ipinita homogenego eta txukunagoa legokela iritzi dut, hemengo adibidean bezala: -Euskaldunaa (eztabaida) 17:46, 11 urtarrila 2018 (UTC)

Bi lerro batera kargatzen dira horrela, eta "idazteko-makinaren magia" galtzen da guztiz. Aparte, nahiko barroko geratzen dela esango nuke. Baina beno, ea iritzi gehiago dauden, ze bestelakoak behar ditugu hau aldatu nahiko badugu. -Theklan · · 18:08, 11 urtarrila 2018 (UTC)

Proposamen alternatiboa

Proposamen alternatiboa aurkeztu eta bozketan hautatzeko aukera gehiago egon daitezen, Theklanen proposamena oinarritzat hartuz eta gaur egungo goiburua mantenduz (Wikipedia ia gehienetan formatu berbera edo antzekoa baitago), proposamen alternatibo hau aukezten dut.

Theklanen diseinua gogokoa dut, baina ñabardura batez: Euskal Wikipediaren artikulu kopurua eta data azalaren goialdean lehenbiziko bistadizoan egotea gustokoago dut, bai eta gaur egungo goiburuaren formatu klasiko eta estatikoa mantentzea ere. Aldiz, idazmakinaren efektua edo animaziozko testua interesgarria dela iritzi dut, baina ez azal nagusian egon dadin, bai aldiz euskal wikipedialarien topaketa, zuen elkarteko bilerak edo hezkuntza eta ikastetxeetako ekitaldiak eta ikastaroak azal nagusiaren goialdean iragartzeko, alegia, bereziki jendearen harreta erakartzeko noizbehinka eta ez ohiko ekitaldiak suertatzen direnean bakarrik erabiliko nuke: Ikus hemen.

-Euskaldunaa (eztabaida) 17:15, 8 urtarrila 2018 (UTC)

Elkartearen deialdiak elkarteak egiten ditu, eta Wikipedia autonomoa da zentzu horretan. Nik azaleko atal finkoa ez dut gustoko, ez du ezer ere aportatzen eta ziur naiz inork ez duela klik egiten hor dauden atari horietan. -Theklan · · 21:12, 8 urtarrila 2018 (UTC)

Ez naiz ibili diseinuan, eta lanak ditut biak bereizteko, nahiko berdinak dira, salbu eta goiburua (goiko leloa) eta bozketen izenburuen aldamenean dagoen esteka (Theklan); Euskaldunaak berriz izenburutik aparte jarri du esteka. -Iñaki LL (eztabaida) 16:23, 19 urtarrila 2018 (UTC)

Bozketa

Arratsaldeon. Gai hau ez atzera, ez aurrera ikusten dudanez, zuen baimenaz eta konponbide bat ematearren Bozketa orri hau ireki dut.

Bestalde, nire proposamena ezeztatu egin dut, beste ordenagailu batzuetan ikusita Theklanen proposamenak gehiago konbentzitzen bainau.
-Euskaldunaa (eztabaida) 16:47, 26 urtarrila 2018 (UTC)

Badok.eus berriro ere libre

Kaixo! [badok.eus Badok] musika entziklopediako testuak berriro ere libre izango dira, EWKEk eta Berriak egindako akordioari esker. Hori ospatzeko, Atari:Hezkuntza/Lehiaketak/2018/02 musika lehiaketa jarri dugu martxan otsailean. Edukiak osatu eta sortzeko iturririk onena dago oraintxe! -Theklan · · 11:35, 29 urtarrila 2018 (UTC)

Artikulu nabarmenduetako bozketen harira

Hementxe nator berriz ere, matraka ematera, ez nauelako pozten ikusi dudan joera bat, eta ez dakit arduragabekeria den, erosokeria den, edo beste zerbait, baina ez dut uste Wikipediari gauza onik ekartzen dionik, orain niri ukitu nauen aldetik baina beste edonori uki diezaiokeen aldetik. Hilabeteko epea jarri dugu bozkatzeko. Duela gutxi Big Bang artikulua, nire ustez argi Nabarmendua izatea merezi duena, ez zen atera. Oraintxe ere nik egin eta proposatutako Madriletik_Zaragoza_eta_Alacanterako_Burdinbide_Konpainia artikuluan lau pertsonak bozkatu dugu, eztabaida ere izan da tartean. Bertan jarri dudanez, aukera polita da behin eztabaidara jarriz gero, hurrengorako zerbait garbi(ago) ateratzea, berriz hurrengoan kontu berdinarekin ez ibiltzeko eta hala ez nahita ere gauzak ez gaiztotzeko. Hori da Wikipediako sistema oro har. Nork ikusiko du zergatik ez duen bozkatu: beharbada luzera zen, eta nik zilegitzat daukat hori esatea, baina jakin ere ez dakit, lankideek ez dutelako bozkatu. Ez bai, ez ez, ez neutral.

Nik esfortzu bat egin dut artikuluak aurrera ateratzeko, Nabarmenduak izan daitezen, batzuetan horiek konponduz edo zuzenduz (baita ortografia-zuzentzailea pasaz ere, batzuek ortografia akats zituztelako), neurria emateko. Denok ditugu gure gauzak Wikipediaz kanpora eta ez gara denetara heltzen, baina artikulu jakin batzuei huts egitea ez dut ulertzen. Eta ez dit hainbeste nahigabetzen artikulua Nabarmendua ez izatea, nola bozkatua ez dela izan ikustea, eta beraz, ez dakit zuzentzea, hobetzea, gauzak gehitzea, merezi didan ere, isiltasuna besterik ez baitago. "Artikulu ona" ere ez da, beraz beste guztien zakuan geratzen da, eta zintzo esateko, artikuluak bere lana eman du. Gogoeta hori ekarri nahi nuen, beste artikulu batzuekin berdina gertatuko ez delakoan. Goraintzi -Iñaki LL (eztabaida) 22:22, 29 urtarrila 2018 (UTC)

Zapore bera geratu zitzaidan Big Bang artikuluaren kontura. Ez dut uste bost boto eskatzea gehiegi denik, eta nik uste portadan argiago egongo balitz bozketarako aukera, agian jendea gogoratuko litzatekeela bozkatu behar dela. Galiziako Wikipedian etengabe dute goian jarrita proposamen berriak baldin badaude, agian horrelako zerbait egin behar dugu. Eta badago hemen ere gauza bera: Txokoan oso gutxik hartzen dugu parte, eta berdintsuak gara bozkatzen. Editore gehiago daude, baina agian ez dakite/ez dute nahi eztabaidetan parte hartu. Momentuz, pentsatuko nuke zenbat denbora pasa behar den berriro proposatzeko, eta zuk proposaturikoa "Artikulu on" bezala jarriko nuke, ez baitago kontrakotasunik horretarako. -Theklan · · 22:29, 29 urtarrila 2018 (UTC)

Ez dakit eztabaida gogorik ez den. Kontua da hiru aukera daudela: alde, neutral, kontra. Beste aukera bat iruzkina da, alde egiteko baldintza/zuzenketa bat gehitu nahi badu. Norbaitek argi ez edukiz gero, neutral jartzea badu: horrek gehiengoari eransten dio botoa. Besterik ez bada, kortesia deituko nioke. Nabarmenduetarako berriz proposatzeko, artikuluari bozkatzeko epea amaitu zaionetik hilabete pasatzea jarriko nuke. -Iñaki LL (eztabaida) 23:01, 29 urtarrila 2018 (UTC)

Eta bozkatzeko epea luzatu eskero? Ni neu alper xamarra naiz artikulu luzeak irakurtzeko. Bozkatu aurretik artikulua osorik eta ganoraz irakurri nahi badut, eta zuzenkarik egin dezakeedan begiratu, horrek denbora bat eskatuko dit, eta ez ditut artikulu asko bozkatuko. Beste aukera bat artikuluak gainetik begiratuta bozkatzea da. Azken aukera hau ez zait larregi gustatzen, baina egia da penagarria dela nabarmentzea merezi duten artikuluak bozka faltagatik nabarmendu gabe gelditzea. Gauzak horrela, ez dakit zer esan... -Lainobeltz (eztabaida) 23:16, 29 urtarrila 2018 (UTC)

Nik esandako kasua gainetik pasatakoa da, alegia, aldameneko artikuluak bozkatu dira. Big Bangena antzeko kasua izan daiteke, baina bertan ez dira jarrera desberdinak ikusi, denak aldeko botoak baitira. Epe hori arazoa bada, luza daiteke; hala ere, oker egongo naiz beharbada, baina ez zait hori iruditzen. Eskuzabal jokatzeko esan genuen, bertutez eta beharrez, metodo arina behar baitu. Edukiari baino formari begiratzen bazaio horrek ematen digu artikulu baten nondik norakoak: ortografia akatsak, artikuluaren egituraketa, erreferentziak dituen artikulu osoan, paragrafo bat irakurrita hura ondo irakurtzen den... horiek guztiak irizpideetan agertzen dira. Bestalde, Galderrek dioenari lotuz, egia da ere une honetan Azala dagoen bezala, Nabarmenduak bozkatzea ez dela erraza aurkitzeko, inondik ere. -Iñaki LL (eztabaida) 09:12, 30 urtarrila 2018 (UTC)

Egingo nukeen beste gauza bat, jendea ez nekatzeko eta gainezka egitearen sentsazioa saihesteko, bozketetan 5 artikulu hautagai baino gehiago ez edukitzea da. -Iñaki LL (eztabaida) 21:26, 30 urtarrila 2018 (UTC)